3 Little Pigs

27/05/2018

還是繁體字好

27/05/2018

還是繁體字好☺️

不知不覺巳教兩個哥哥中文個多月，每次拎起同繁體字唔一樣既簡體字字卡，就會覺得繁體字先係正體字。例如愛字，簡體字無左個心，總係覺得唔完整。所以我會收起張卡唔教，會先教與繁體字一樣既字先。久而久之，還是決定撥亂反正，回歸教繁體字。其實早左四年移民前買了五套我要自己讀既故事書，但對於初學既小朋友，句字比較長，如果一開始就越級教，會引起小朋友對中文反感。好彩托好朋友pinky Choi 幫我買左第一套我要自己讀，兩兄弟見我開封套書時，都無信心地話太難，唔識讀。但經我再三鼓勵後，讀左第一本書，就再無抗拒了。最幸運既是之前一個月教既單字幫小朋友打左底，頭幾本書有一半既字，如顏色名，動物名，屋企人既稱呼等等都一早認得。加上書上既插圖，哥哥們都好容易讀完一本又一本。有一日哥哥重主動叫媽咪比佢做中文練習，小朋友咁積極，媽咪想懶都唔得。一直以來都好多謝兩個仔咁比面聽媽咪教導，又用心學習，媽咪先繼續有動力教。希望趁佢地未討厭中文時，教得幾多得幾多。

27/05/2018

兄妹裝😍😍😍

很喜歡他們穿上同一樣既衣服，好可愛。

可惜哥哥好揀擇，唔係媽咪買咩衫就著咩。今次機會咁難得，竟然唔記得三兄妹一齊影，好可惜呀😣

10/04/2018

上星期教左兩晚後一直都無時間再教同玩遊戲。今星期希希突然要求要玩中文字。我同佢複習番上星期既字，完全記得曬👍👍👍讀音差少少，但知佢係明白其意思。

學左三晚，每晚臨訓前同哥哥玩住學，巳經可以牢牢記住約50個字，比我想像中好👏🏻👏🏻👏🏻👏🏻

Yeah, 我兩個仔應該唔會做中文文盲，放下心頭大石。我都要比心機諗多d遊戲同佢地玩住學💪🏻💪🏻💪🏻

03/04/2018

第一批Korean made 既頭飾同衫到左，我家小model粉墨登場👧🏻👛👠👗🕶🎒
菠蘿上衣好可愛😍生女絕對會破產

28/03/2018

澳洲小朋友習慣西式教育，都很抗拒以填鴨式教既中文課，因為要抄寫，又要死背硬背，加上生活上少接觸應用，往往都學得無成效。哥哥係圖像思維，漢字很多都是象形文字，佢記得比較好。但以細佬為例，學左兩個月，佢係識寫d字，但好多字都唔認得唔明意思，即所做既抄寫係白費心機。
我大仔知道下星期一公眾假期，既開心叫道：「Yeah,no Chinese class next Monday😅」（其實我地屋企主要用廣東話，但小朋友返學返得耐，久而久之，英文變了母語，當表達情緒時，多以英文表達，我地做法係，家長用廣東話講多次佢果句，多提醒佢用廣東話表達巳矣。

有見及此，特地揾左一套教材，希望可以助佢地一把。配合自己符合兩兄弟喜好既遊戲，加上豐富圖像既字卡，我只係花左約兩晚臨訓各十五分鐘既時間,佢地巳經牢牢記住所有字同意思。細佬重好有興趣經常把字卡底面翻，參透其圖畫與字間既連繫。

其實澳洲悉尼華人比例頗高，想小朋友上中文課絕對不難。有用普通話教簡體字，又有廣東話教繁體字，亦有以普通話教繁體。大家可根據自己要求去選擇。無論用咩語言咩字體，總之我覺得中國人一定要識中文，所以堅持要小朋友學。

事實上，自己身為香港人，對繁體字總有情意結。可惜學校課外活動提供既係用普通話教簡體字。帶三個小朋友本來就不容易，又不想將原來用作休息既周未排滿課外活動，失去左移民外國既原意。

幾經爭扎，中文係一定要學，（因為我認識過好多澳洲長大既華人朋友，都因為年少時無學好中文而後悔），但都要衡量輕重😝😝😝所以將要求降低，選擇學簡體字，一來可以多接觸普通話，哥哥細佬係學校有同學作伴較開心，最重要又不需要額外花錢花時間周未學，絕對合乎經濟效益，小朋友又唔洗犧牲周未玩既時間。

移民本來就不是易事，經歷四年來既文化衝擊，到現在都算適應下來了。但面對小朋友對中文既抗拒，最甚係話自己鐘意講英文多d，心裏總有點難過。但明白到每個選擇總有利有弊，唯有樂觀面對，自己都希望略盡綿力，希望佢地認得幾多就幾多。

小事分享：
細佬返學只係兩個多月，琴晚傾下計，講講下講英文，我提醒佢要講廣東話。佢就天真地講我鐘意講英文。
我：媽咪識好少英文，我會唔明。第時媽咪聽唔到你講心事啦。
細佬：唔洗驚，我會教你。我識好多（我心裏不禁暗笑😂😂😂，細佬真係自信心爆棚同好錫媽咪）

26/03/2018

澳洲西醫主張自然療法，通常唔開藥，睇左第於無睇。最離譜係遇過無料既西醫，開錯抗生素，令原來又疴又嘔既哥哥情況更嚴重😅至此之後，間中都有研究下小兒推拿，希望可減輕病況。
例如發燒，可推天河穴，用食、中二指腹自腕横纹推向肘横纹，可治發熱，煩躁不安，口舌生瘡等熱症。如圖。約推100～500次。

25/03/2018

Love the pink checked top from Kmart, only Aud 10!!!

Never underestimate the ability that Daddy can match girl’s clothing! Checked top with strip socks, ok worrrr!!!

25/03/2018

Like the idea “Make yourself a home Rhodes”

Will try the free nanny there next time

21/03/2018

Planning to order some quality Korean made hair clips, hair ties and headbands for my little girl👧🏻👧🏻👧🏻

Anyone want to order together 團購團購😍😍😍

Clips and ties : Aud 4
Headbands: Aud 9

(Including delivery cost to Australia 🇦🇺)

Pickup in Ryde Area

Last order by 23 Mar 2018 ,pm me !!!

20/03/2018

Being the mother of 3 kids, it’s amazing that my greatest source of chaos can also become my greatest source of peace!

Happy mind! happy life!

Always focus on the good!!!

One of the most shocking things about motherhood for me is how long it’s been hard. I confess, when my boys were just tiny tots, I had this idea in my head. I told myself “when they’re 6 and 4, it’ll be easier.” I reasoned that, surely by then they’d both be sleeping well, potty trained,...

09/03/2018

Be yourself, but always your better self