Ottawa's Unknown Places

Home
Ottawa's Unknown Places

📍Ottawa, ON and beyond
الحَمدُ لله دائمًا و أبدًا
Live, believe, and go. Tr My name is Dalida. I live in Ottawa, but I travel a lot.

You’ll find all about shops, cafes, restaurants, fashion and health care in Ottawa and other cities.
مرحبًا يا حلوين
إسمي داليدا، عايشة بأوتاوا و بتجول كتير في مدينتي و ما حولها.
رح تلاقوا هون كل ما بتحتاجوا تعرفوه عن مطاعم، كافيهات، محلات، أزياء و غيرها..❤️

06/12/2025

عزيزتي الأم المستقبلية... إنتي مش لحالك.

لو إنتي أُم جديدة للمرة الأولى، أو حاليًا في حملك الأول.. إعرفي إنك بإذن الله بخير.. و كل شي رح يكون تمام... التغييرات المزاجية والهرمونية والجسدية اللي بتمري فيها كلها طبيعية.. انتي عم تخلقي، بفضل رب العالمين، كائن بشري جديد من صُلب رحمك... بِأعضاءه و خلاياه و ملامحه و جيناته و كل تفاصيله...
طبيعي مشاعرك تكون ملخبطة.. طبيعي تحسي حالك مشوشة.. تحسي إنك بحلم.. تبكي، تضحكي، تنامي كتير، تحسي بتعب ومابدك تتحركي... اوعك تخلي ضميرك يأنبك.. و اوعك تلومي او تكرهي حالك..
رح يزيد وزنك بشكل طبيعي بسبب السائل الأمنيوسي ووزن البيبي و حاتك للأكل.. رح ينتفخ وجهك بشي وقت من الحمل و رجليكي وايديكي بسبب تحبس السوائل بجسمك لأن أعضائك الداخلية كلها صارت بأماكن مختلفة ومافبها تأدي وظيفتها المعتادة بالتمام... لأن المخلوق الصغير جواتك عم يكبر اكتر واكتر..
رح تقرفي الأكل والشرب و رح تحسي انك عاجزة عن كتير شغلات.. بس هي كلها فترة مؤقتة بإذن الله لحد ما تقابلي أعظم نعمة الله يرزقك إياها بخير و سلامة ❤️
بس هلأ، امشي خطوة خطوة.. عيشي كل لحظة.. استشعري المخلوق اللطيف اللي عم يتكون من صلبك.. لما تحسي بأولى ركلاته الخفيفة رح يكون شعورك غير... رح يهون عليكي كل التعب اللي مريتي فيه، و رح تنسي كل شي حواليكي.. و لما تولدي كمان.. كل تعب الحمل و لحظات الولادة والطلق رح تختفي عن بالك.. حضن البيبي رح ياخدك لعالم ثاني..

هونيها على نفسك.. لا تضغطي حالك.. و عيشي كل لحظة وكل شعور.. لأنك رح تكوني أُم عظيمة لأجمل مخلوق 👼🏼✨

تابعيني... رح اشارك معك مراحل حملي و بعض النصائح عن الشغلات اللي عم تنفع معي و شو اللي عم يساعدني خلال حملي.. نحن هون لنساعد بعض و نوقف حد بعض 💫
إنتي مش لحالك... فيه كتير بهي اللحظة عايشين نفس شعورك.. فخلونا ندعم بعضنا و نشارك رحلتنا الحلوة هي ❤️‍🩹

https://www.instagram.com/p/DR7trPmiZ4i/?igsh=MWh5eGtzNnRmYXNpZQ==

03/08/2021

مكتبة نووون وما أدراك ما مكتبة نون؟
طبعا انا حكيت كثير عنهم من قبل، و لكن هالمرة حبيت أنزل منشور كامل وواضح ليبقى بالصفحة ❤️
لكل محبي الكتب العربية و التثقُّف؟ مكتبة نون هي وجهتكم المفضلة 😍
نون بيوفرولكم تشكيلة واسعة و منوعة من الكتب العربية للكبار و الأطفال و بمواضيع مختلفة و مشوقة ❤️ و فعليًا بيعرضولكم الكتب بأفضل و ارخص الأسعار من بين كل المكاتب الأخرى 😍❤️
بتقدروا تطلبوا عن طريق موقعهم الإلكتروني في صفحتهم و الكتب بتوصل لحد باب البيت 😍🥺
لااا تضيعوا الفرصة و إلحقوا حالكم معهم 😍 و كمان عم ينزلو مجموعة كتب جديدة فكونوا بالقرب👏🏻❤️
و طبعا لا تنسوا متابعة صفحتهم و النشر لهم لحتى تساعدوهم يتوسعوا و يكبروا بوجودكم معهم ❤️❤️❤️

02/08/2021

Wait! I’m not finished yet!! I also tried Lokma and man this was crazy! 😩😋😋
I tried the Nutella, cinnamon, and honey lokmas, and I can’t wait to try the rest of their flavours.
Hint; these lokmas tastes exactly like Awama/ Lokma Al-qadi.
Address: “Lokma and Bergham are in one restaurant.”
1611 Bank St, Ottawa, ON K1V 7Y8

02/08/2021

احم،
هلأ دوري انا اخد استشارتكم 😁
حدا جرب اي نوع من هدول؟ و شو رأيكم فيهم؟

شكرًا مقدمًا ❤️

02/08/2021

مرحباااا 🤩
اشتقتولي صح؟ بعرف 😁😉
المهم..
اليوم حابة أحكي بطريقة سريعة عن محل لارا Lara liquidations هالمحل لطيف جدًا و فيه حاجات كل امرأة بتتمنى لو انها جابتها معها من دولنا العربية قبل قدومها لكندا 🥲 لارا عندهم فرعين و كل فرع فيه منتجات بتاخد العقل 😍
الأسعار متفاوتة اشياء بشوفها مناسبة جدًا و حاجات بالنسبة لي حسيتها مرتفعة شوي لكن مقارنة بكل أصحاب المساريع الأخرى فلارا عندهم الأرخص والأفضل بشكل صريح و فعلي ❤️
بنصح كل حدا يزورهم
و كمان بيجيبوا شغلات موسمية مثل اطقم و زينة خاصة بالعيد و رمضان 💫
Address:
100 Frontier Path Pvt, Ottawa, ON K1J 0C5
1642 Merivale Rd, Nepean, ON K2G 4A1

17/04/2021

اهلًا اهلًاا!
رمضان كريم مبارك على الجميع 🌷
-
من يومين طلبت كيك ليالينا من آنسة لطيييييفة و مببدددعععةة و بصراحة لقيت انو حرااام ما احكيلكم عنها 😭
هي الكيكة معروفة في بلاد الشام، خصوصًا سوريا.. الكيكة حبيبة القلب والجماهير!
بتذكر كنا برضو نجيبها بالسعودية من بعض المحلات ولكن بجد متل هي ماااافييي
و زي ما وصفتها مرت عمي فهي "الكيكة الأصلية" معمولة على اصولها و الطععمةة كإنك بتاكلها من نص سوريا!
طبعًا هالصبية بتعمل كتير شغلات رائعة جدًا تبارك الله و كيكات للأفراح والمناسبات حسب الطلب و يااا الله شو شغلها مرتب 😭❤️❤️ حتى تعاملها مع الزبائن راااقية كتيييير ماشاء الله ❤️❤️
مكانها في مسيساجا، بتطلبوا منها قبل بيوم او اكثر و بتجهزلكم الطلب عالموعد كل شي بيكون جاهز.
بجد انا بنصح الكل فيها.. ولولا منع التجمعات والا كنت طلبت كيكة تخرجي منها 😭😭😭✨

https://instagram.com/azrakcake?igshid=1iwli5wszbce4

@ Mississauga, Ontario

24/03/2021

مرحبا
اليوم جاية لأحكيلكم عن مقهى و ماركت صغير لطييييفف جدااااا واللي هو LeSuQ
من كتر لطافة هالمكان والدفى اللي فيه بتحس انو ما بدك تطلع منه!
لاسوق عندهم فرعين، واحد أكبر و فيه قعدات أرضية، و التاني اللي انا رحته وهو مقهى بسيط جدًا لكنه غني بكل ما هو لذيذ!
جربت من عندهم فطيرة الفلافل "اكلناها قبل ما ألحق أصور 😂" و فطيرة جبنة مع زعتر، طبعًا اللذاذة لا تُقاااوم.
و جديد صارو بيعملو qishta macarons و الطططععععممم شييييي راااااااائععع🥺🥺🥺😭😭😭 للي بيحب البوظة العربية و بيجرب المكرون هاد رح تصيبه حالة عشق فظيعة!
أصحاب هالمقهى عالم آدميين كتير و بيخلوك تلقائيًا تصير بدك ترجعلهم بأي طريقة كانت.
و قريبًا إن شا الله رح أزور الفرع التاني و اخبركم عنه ❤️❤️
بتمنى تدعموني بلايك و تعليق وتشاركوا منشوراتي 🥺

Addresses:
LeSuQ "الفرع الكبير"
141 Beechwood Av., Ottawa, ON K1M 1L4

"الصغير"
352 Preston St, Ottawa, ON K1S 4M6

@ Ottawa, Ontario

22/02/2021

Boccato Crepes
المقهى اللطيف الراقي البسيط و اللذييييذ 😫
بوكاتو موجود في منطقة Lansdowne park
و فعلًا هالمقهى ما بيخيب. لكل محبي الكريب و الوافلز والايسكريم لااازم تجربوا بوكاتو.
المحل أساسًا هو Muslim owned business. اللي ماسكه زلمة عربي محترم كتير و شغله بجد راائع. فعليًا انا انصدمت من ان المحل مظلوم رغم ان كل شي بيعمله مرتب و فاخر. حتى الأسعار مناسبة و أرخص من Cocoa 70 و غيره لكن مع ذلك مش كتير بيعرفوه. و كمان موجود في اجدد و ارتب منطقة في اوتاوا. منطقة اللانسداون منطقة كبيرة فيها بعض المحلات التجارية اضافة لملاعب كورة، حديقة، ساحة تزلج، و مطاعم متنوعة.
لو بإيدي اعطي هالمقهى تقييم أعلى من ١٠ فهو بيستحقه.
بنصحكم تزوروه و تدعموه بقدر استطاعتكم. و بليز شاركوا هالبوست و خلو الناس تعرف عنهم لحتى كلنا نقدر ندعمه و نعطيه اللي بيستحقه ❤️
Address:
1525 Princess Patricia Way, Ottawa, ON K1S 3W7 @ Boccato Gelato & Crepes

14/02/2021

مرحبًا؛
من مدة قصيرة عرفت معلومة مهمة جدًا و كان لازم اعرف تفاصيلها و أنشرها، و أنا بهيك رح أكون عملت بواجبي و صار واجب عليكم جميعًا بعدها انكم تنشروا هالمعلومة.
بالعادة نحن بنشتري الأجبان بدون ما نركز فيها و في مكوناتها، لكن للأسف كثير أنواع منها طلعت بتحوي شحوم و أنزيمات حيوانية غير معروف مصدرها؛ يعني ممكن تكون خنزير او غيره من الحيوانات.
لهيك لازم نصير ننتبه للأجبان قبل ما نجيبها.
لو كان الجبن بيحتوي على
Enzymes (lipase)
Rennet
Gelatin
فهو غير حلال/ أو مشكوك في أمره.
الأجبان الحلال بتحتوي على
Bacterial culture
Microbial enzymes
ممكن هي المكونات تكون مع بعضها وممكن بس واحد منها
فيه انواع بتحتوي مكونات مختلطة من الصنفين لهيك انتبهوا منيح.
مثال على جبنة حلال رح يكون great value cheese
Black diamond cheese برضو حلال بس مش الجبن الشرائح العادية منه.
Kirkland cheese
و للتأكيد قبل ما تجيبوا منهم تأكدوا مرة تانية من المكونات.
قال صلّ الله عليه و سلم: ( من سئل عن علم فكتمه ألجمه الله بلجام من نار يوم القيامة.)

@ Ottawa, Ontario

29/01/2021

مرحبًا مرحبًا❤️
اليوم حابة أحكيلكم عن مكتبة صغنونة لطيفة جدًا جدًا جدًا "مكتبة نون"
بالفترة الأخيرة شفت ناس كتير بيدوروا على مواقع لبيع الكتب، وأنا طبعًا وحدة منهم. و مارح أحكيلكم ان هاي المكتبة الوحيدة للكتب العربية، لكن رح احكي ان هاي المكتبة المميزة من بين المكاتب الأخرى. ❤️
مكتبة نور عندها كتب منوعة في مجالات مختلفة، روايات، تربية، دين، قصص للأطفال و غيرها
اللي مخليها مميزة أكتر هو الأسعار 💰صدقًا يعني كل المكاتب الأخرى أسعارها مبالغ فيها يعني ب$100 بتجيبلك كتابين او ثلاث فقط. لكن مكتبة نون أسعارها منافسة جدًا و تستحق ان الكل يدعمها 💪🏻🌺
بالصورة رح تشوفوا مشترياتي منها، ٧ كتب كلفتني ١٠٠ دولار. شفتا الفرق؟
طبعًا نون عندهم خدمات الشحن لكل مكان، و فيكم تطلبوا عن طريق التواصل معهم عالحساب او مباشرة من موقعهم الإلكتروني.
و يلا عاد كلكم روحوا لنون وادعموهم لأنهم فعلًا رائعين Noon Bookstore💪🏻❤️❤️❤️

https://www.noonbookstore.com/

17/01/2021

تم و بحمد الله إفتتاح مصنع للكمامات، صناعة كندية ١٠٠٪؜
المصنع موجود في مسيساجا أونتاريو، لكن يوجد شحن للمدن الأخرى.
بعد الكثير من العمل والتعب، الحلم تحقق.
أرجو من الجميع المساهمة في النشر لعل أحد يستفيد.
و من لديه معارف في القطاعات الطبية او الحكومية فسأكون ممتنة لو شاركتم الخبر معهم. 💐
معلومات الإتصال موجودة في الصورة.
العلبة الواحدة سعرها $13.99 و لو اشتريت عشر علب تحصل على واحدة مجانًا.

@ Mississauga, Ontario

15/01/2021

لسُكان أوتاوا بالتحديد و زوارها 📢📢
أول امبارح طلبت فطير مشلتت من Mona Ali
ياا جمااعة ما فيني أوصفلكم لذاذته 😫😫😫😍😍
ما شاء الله بجد شغلها فاااخر و حسيت انه ظلم لو ما سلطت الأضواء عليها 💡
طبعًا مُنى بتعمل بتعمل أكلات مصرية منوعة مش بس فطير مشلتت و ماشاء الله سيطها واصل للكل ربي يباركلها.
عنجد هالمخلوقة بتستاهل ان الكل يطلب من عندها. بيكفي تعاملها اللي بيفتح النفس للحياة 🥰🥰

و هاد رقم التواصل معها عالواتس كمان
+1 (819) 318-2189
— with Mona Ali. @ Kanata, Ontario

Address

Website

facebook.com

Alerts

Be the first to know and let us send you an email when Ottawa's Unknown Places posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Clothing Store?

Country:

City:

06/12/2025

03/08/2021

02/08/2021

02/08/2021

02/08/2021

17/04/2021

24/03/2021

22/02/2021

14/02/2021

29/01/2021

17/01/2021

15/01/2021

Address

Website

Alerts

Shortcuts

Share