09/09/2026
روس کے وزیر صحت ایک بار پھر پرواز کے دوران ڈاکٹر بن گئے
ذرا سوچیں، آپ جہاز میں سفر کر رہے ہوں، اچانک بلڈ پریشر بہت بڑھ جائے اور آپ بے ہوش ہونے لگیں۔ عملہ ڈاکٹر کو بلائے، اور مدد کے لیے آگے آنے والا شخص آپ کے ملک کا وزیر صحت نکلے!
مشرق بعید میں واقع روس کے جزیرہ نما کمچاتکا سے ماسکو جانے والی ایک طویل پرواز میں بالکل ایسا ہی ہوا۔
ہوا کیا تھا؟ ایک مسافر کی اچانک طبیعت بگڑ گئی اور وہ تقریبا” بے ہوش ہوگیا۔ عملے نے فورا” اعلان کرکے جہاز میں موجود کسی ڈاکٹر سے مدد مانگی۔
پھر ایک شخص آگے آیا۔ اس نے اپنی اسمارٹ واچ سے مسافر کا ای سی جی کیا، دستی آلے سے بلڈ پریشر اور دوسری اہم علامات چیک کیں اور اسے انجیکشن بھی دیا۔
لیکن اصل حیرت بعد میں ہوئی! مسافر کو بعد میں پتہ چلا کہ اس کی مدد کرنے والا کوئی عام ڈاکٹر نہیں، بلکہ روس کے وزیر صحت میخائل موراشکو تھے۔
اور یہ پہلی بار نہیں ہوا۔ موراشکو اس سے پہلے بھی دوران پرواز ایک مسافر کی ہنگامی طبی مدد کرچکے ہیں، جس میں دل کے دورے سے پہلے کی خطرناک علامات ظاہر ہوئی تھیں۔ رواں سال کے شروع میں انہوں نے ایک سڑک حادثے میں زخمی شخص کو موقع پر طبی امداد دی اور اسے خود اسپتال بھی پہنچایا تھا۔
جب ان سے پوچھا گیا کہ انہوں نے ایسا کیوں کیا، تو ان کا جواب بہت سادہ تھا: “ہر اچھا ڈاکٹر یہی کرتا
