Zino shopping

17/03/2026

17/02/2026

إذا كنت من الناس اللي يعجبهم التحدي، التفكير، والقصص اللي تشد من أول دقيقة، لعبة Adventure Escape Mysteries راح تعجبك بزاف.

اللعبة ماشي قصة وحدة وتكمّلها وتخرج… بالعكس، هي مكتبة كاملة من المغامرات. كل مرة تختار قصة مختلفة:
🕵️‍♂️ مرة محقق تحل جريمة غامضة
🏺 مرة عالم آثار يجري ورا كنز ضايع
🧙‍♂️ ومرة تدخل عالم فيه سحر وأسرار

ماكانش “حوس على المفتاح وخلاص”. الألغاز مبنية على المنطق، التركيز، وفهم التفاصيل. تفك شفرات، تركّب آليات، وتحل مشاكل تخليك تحس بالإنجاز كي تكمل كل مرحلة.

والحاجة المليحة كل مشهد مرسوم بعناية، وكل شخصية تهدر معاك وتعطيك قرائن بلا ما تحرق الأحداث. تحس روحك داخل فيلم تفاعلي، ماشي غير لعبة.
جربوها راح تعجبكم

25/01/2026

وصلتني رسالة من عند أم.. والله حسيت بكل كلمة كتبتها، لأنها تحكي وجع بزاف عائلات راهم ساكتين عليه.
قالت: "وليدي يقرا سنة رابعة ابتدائي، بصح كان عايش في عالم موازي. يدخل من المدرسة، يرمي المحفظة، ويرفد الهاتف. عينيه في الشاشة، ما يسمعش كي نعيطلو، وجهو دايما شاحب، وإذا طفيتلو الويفي ولا خلاصت لاباتري.. الدار تولي جحيم من العياط والعصبيةـ والقراية والتركيز ربي يجيب"

وكملت تحكي انو اللحظة اللي خلاتها تبدل كلش "واحد الليلة شفتو راقد والهاتف تحت مخدتو، حسيت بالذنب يقطع في قلبي. حسيت بلي أنا اللي دمرتو بيدي كي عطيتو هاد 'المخدر الرقمي' باش نسكتو. قررت في ديك الليلة.. لازم ننقذ وليدي."

رحلة الـ 5 أشهر (من الإدمان إلى الإبداع) 🔄 التغيير ما جاش بالساهل، كانت "حرب" تاع صبر وحكمة:

المرحلة الاولى (الفطام الذكي): سحبت الهاتف نهائياً. البديل كان "تابلات" بصح ماشي لليوتيوب والتيك توك، فيها ألعاب فقط ووقت محدد (ساعة في النهار). الطفل كان يقلق فاللول، بصح بدا يتعود.

المرحلة الثانية : هنا كانت النقلة. الأم شرات ألعاب تركيب (Puzzle) وألعاب ذكاء يدوية. قالتلي: "نهار ركب أول طائرة بقطع التركيب ونجح، شفت في عينيه لمعة وفرحة ما شفتهاش وهو حاكم التليفون. حس بنشوة الإنجاز الحقيقي"، وبالتشاور مع باباه ولا يدي وقت باش يعاونوا حتى ولاو يلقاوا روحهم يلعبوها كامل كيف كيف.

واخيرا: التليفون ولا يبانلو حاجة "تافهة" ومملة مقارنة بالتحدي اللي يلقاه في الألعاب الحقيقية.

الصدمة كانت في المدرسة! 🏫 بعد مدة قصيرة، المعلمة عيطت للأم. الأم تخلعت، قالت بالاك دار مشكل. بصح المعلمة قاتلها بذهول: "مدام، واش درتي لوليدك؟ راهو إنسان آخر! التركيز تاعو رجع خارق، المشاركة تاعو زادت، وحتى خطو ولغتو تحسنو.. وليدك تبدل!".

النهاية السعيدة.. وبداية جديدة 🚀 اليوم، هاد الطفل راهو راقد مهني، عصبيتو راحت، ونتائجو الدراسية في القمة. والأم راهي تخمم تسجلو في مدرسة لتعليم البرمجة والروبوتيك، لأنها اكتشفت بلي وليدها عندو عقلية هندسية كان دافنها التيك توك والألعاب التافهة.

العبرة لينا كامل: التليفون ساهل باش "تهني راسك" من وليدك، بصح راك تقتل في مستقبلهم ببطء. البديل كاين، ويحتاج منك شوية صبر برك.

من صفحة 1001 night Tech

20/09/2025

23/10/2024

17/08/2024

27/07/2024

متوفر اورو بايسيرا للبيع

15/04/2024

موضوع مهم جدا للجميع 📣
الأغلبية ممكن علبالهم لكن كاين لي ميعرفوش خاصة الجدد على المجال
بالنسبة لأي واحد يحب يشري من علي اكسبرس ولا أي موقع متشوفوش السعر بالدينار في التطبيق أو في جوجل هذا خطأ ❌
🔻 أولا هنا في الجزائر مجبورين نشرو الدولار و الأورو بسعر السوق السوداء أما السعر لي يخرجلكم بالدينار أو سعر الدينار مقابل الدولار و الأورو في جوجل فهو بسعر البنك و للأسف منقدروش نشروه بسعر البنك.
🔻 ثانيا سعر الدولار والأورو في السوق السوداء تقريبا ضعف سعره لي يطلع في جوجل أي سعر البنك .
🔻 المهم أي واحد يحب يشري ولا يحب يعرف الأسعار بالضبط ميشوفش السعر بالدينار أو سعر صرف الدينار في جوجل لازم يحسب على حسب سعر الدولار أو الأورو في السوق السوداء ❌
◀ سعر الدولار حاليا راه في حدود 230DA ( 23 ألف )
◀ سعر الأورو حاليا راه في حدود 240DA ( 24 ألف )
( حول عملة التطبيق أو الموقع لي حاب تشري منو للأورو أو الدولار مثلا اذا سعر المنتج 10 دولار يعني بالدينار يجيك 2300DA )
ان شاء الله يكون كلش واضح أي سؤال أو استفسار مرحبا بالجميع 😊💜

07/04/2024

📌تنبه بريد الجزائر بتوخي الحيطة والحذر في المعاملات المالية 💸 التي تتم عبر الأنترنت عند استلام الرسائل القصيرة ✉️ التي قد تدعي صدورها بإسم المؤسسة. و لهذا تدعوكم إلى ضرورة التأكد من صحة تلك المعاملات من خلال التحقق من الرصيد الجديد عبر تطبيق Eccp 📱، وذلك لحماية أنفسكم من عمليات الاحتيال والتزوير.