17/03/2026
#ايماجينو البارح منين صليت الصبح مارقدتش وماقعدتش دقيقة درت مقرود و 2 انواع تاع قاطو ولعشية درت لفطور شربة بوراك طاجين حلو باسكو خلاصلي ودرت دولمة وكسرة كي أذن المغرب وفطرت طفيت حرفيا طفيت ماقدرتش نهز مغرف، رحت ديراكت تكيت في بلاصتي رقدت بلا مانفيق من التعب المهم انا من قبل عندي مشكل في لافابو تاع لكوزينة كل نهار منين بدا رمضان نقول لراجلي جيب بلومبي يخدمو ماجابش، الليلة وانا راقدة بعد الفطور حتى يطيح فيا راجلي بالضرب قتلني حرفيا قتلني بدبازي لظهري جبدني من شعر عطاني كوتبي لكرشي حتى تقييت نضت مخلوعة مافهمت والو قتلو واش كاين قالي علاه خليتي طابلة كيما راها ماهزيتي لماكلة ماغسلتي لماعن جبت لبلومبي دخلنا للكوزينة طاحت عليا السما بهدلتي بيا ضحكتي عليا الرجال، راجلي جامي حط يدو عليا ولا هز صوتو عليا تشوكيت راني عيطت لدارنا يجو يدوني راني نستنى بعاد عليا بساعتين طريق وراني نخمم نطلق ومحال نرجعلو😭😭 غاضتني روحي كنت نوجد للعيد هدا اول عيد في داري درت القاطو وشريت الحوايج وشريت شخشوخة نديرها للغداء وشريتلو قميص كيما قندورتي باه ندير أجواء خسرلي قع فرحتي 😭😭😭 علابالي غير لبنات لي يحسو بيا
