Izadora.dz

Izadora.dz ماركة ملابس جزائرية🧥
موديليست🪡🧵
مهندسة في الكهرباء 👷‍♀️

08/05/2026

باش تعرفو بلي أنا هي أنا 😂 علابالي كاين لي تلفتلهم 🌝 المهم حرقت صبعي و آثار الفحم راهو فالفيديو هههههه ضربت زوج سوايع تاع تصوير و مونطاج على جال 5 ثواني نعم سيدتي 🫠🫠 ياك عجبتكم ؟

08/05/2026

هااااي حبوباتي 😍 راهم بداو يحطو مقتطفات على البودكاست حكيت حكايتي مالاول و مديت بزاف معلومات مفيدة لأصحاب البراندات 😍❤️

04/05/2026

وشبيه القماش لهب 🙂🙂 سومة الجملة ولات سومة الديطاي و الديطاي منهدرش خير و القماش المليح يقولك ادي القامة لي فيها الاخضر الزمردي و الاصفر الناموسي و الاورونج الشمندري 🙂🌝 اين المفر 🫠

30/04/2026

هدفي الوحيد هو انو نتقن خدمتي مهما كان الحال❤️ كل طلبية نخيطها على أساس ليا أنا شخصيا ❤️ مرانيش نبيع حوايج برك راني نبيع تعبي ،وقتي ،صحتي و ساعات طويلة من العمل حتا ظهري ينقسم غير باش نكون في المستوى لي تسناوه مني و الحمد الله كنت و مزالني 🫶🏻 كل طلبية مخدومة بحب و نحرص على كل تفصيل باش تكون الخدمة مثالية و الخدمة لي تستاهلو تلبسوها و تفرحو لي تلبسوها 🫶🏻

21/04/2026

نهار لي تبداي مشروعك ديري في حسابك كاين فئة من الصحابات والأقارب مراحش يشرو من عندك ولا راح يدعموك❌
واذا عندك العفسةب1000 دج يشروها برا ب 2000 دج وكي العسل على قلبهم المهم مايربحوكش نتي 💲
و كاين لي تلقاهم ماشي دايرين متابعة يضلو يعسوك ف سطوري واش تحطي وش ديري ووش ما ديريش 👀تقولي كي يدعموك ويديرو هاذيك المتابعة و جام 🙆تربحي يخافو تطلع بيك 🌝🤦🏻 الرزق على ربي وكاين لي دايرين متابعة في صمت مع شوية حقد جميل إلا من رحم ربي من الأقربون لي يحبوك و يحبولك الخير يتحسبو بالاصابع 🩷🩷 🔢
أعداء النجاح راهم يعرفوا انفسهم
أما الناس الغريبة هوما لي تلقاهم يشجعوك 👍
شكرا من القلب لكل الداعمين 🥀❤️
شكرا لكل واحد كان سبب اني ننجح ماشي لازم يدعمني مي حتى كي تحسدني و نحسك متحبليش الخير أنا ثم وين نزيد ندير القلب و ننجح🌝

شكرا لمن كان سبب في انتشارا مشروعي
رزقه الله اضعاف ما يتمنى ❤️🫶🏻

الحمد لله على النعمة🕊️💪🏻
الحمد لله على الغرباء الذي اصبحوا اصدقاء ❤️❤️

12/04/2026

‎اليوم نودع النسخة القديمة مني 😭 لي بديت بيها و تعرفت بيها و نبقا نحبها 🥹❤️ بهذا الماسك عرفتوني و مشفتوش لي موراه بصح وصل الوقت باش ندير الماسك لي يمثلني و يمثل شخصيتي و يكون هويتي إلى الابد ❤️ ورولي حبكم في التعليقات🥹❤️

08/04/2026

راهو حاكمني واحد الستراس يا جماعة 🥲 عندي سمانة و انا واجدة للحاجة الجديدة و خايفة 🙂 المشكل حاجة شابة 🥹 بصح كي توالف حاجة التغيير يجي صعيب 🥲🥲🥲🥲 زعما فقتو واش كاين ؟ بزاف عرفو يعني 🙂‍↔️🙂‍↔️ المهم نحبكم و خلاص ❤️❤️ و علابالي تحبوني في كامل حالاتي 🥹❤️ نورمالمون 🙂 بسيف عليكم🙂🙂

06/04/2026

الهدرة لي تنحيلي التعب كامل 🫶🏻 الحمد الله يا ربي ملي بديت مكانش وحدة قاتلي يا كون كاين حاجة صغيرة معجبتهاش مالقماش للفصالة للفينيسيون نمشي بمبدأ نخدم ل10 خدمة بالطبع و ماشي نخرج 100 حبة من أتولي و لي ديفو دايرين حالة بصح المشكل كيفاه نكبر مشروعي ! 🥲 لازم نلقا لي تعاوني و نلقا خياطات كاليفي و نحل اتولي بصح كون متكونش خدمتهم مثالية منقدرش 🙂 قلبي ميعطينيش و حتا لضرك تعاملت مع دي موديليست عندهم سنوات خدمة و معجبتنيش خدمتهم 🥹 ان شاءالله نلقا 🫶🏻 ادعولي ❤️
أقراو الكومونتاغ الاول 🙂

30/03/2026

لكل بداية نهاية …و النهاية هي بداية جديدة 🤫 يا درا واش راح يصرا !!! واش راكم شاكين ؟ قولولي فالتعليقات 🫶🏻

23/03/2026

كي جاتكم عبايتي 🙂‍↔️مكفانيش الوقت باش نخيط لروحي ولا نشري 🙂 و حتا لضرك مزال مخيطتش ليا 🤣 ارواحو نتوما و اقنعوني بلي خلاص العيد 😭 مزال العيا تاع رمضان فيا و الله 🥹🥹 الله المستعان

14/03/2026

و نتوما تورو الأوتفيت لصحاباتكم صبيحة العيد 🥰؟

Adresse

Blida

Site Web

Notifications

Soyez le premier à savoir et laissez-nous vous envoyer un courriel lorsque Izadora.dz publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type