Guide mamati dz

21/02/2026

و انت تاني ؟

05/02/2026

شكون ولادها هكا 😂

04/02/2026

🔴 إليك بعض النصائح للعناية بالمولود خلال السنة الأولى:

👈التغذية: يجب تقديم الرضاعة الطبيعية حسب احتياجات الطفل، وفي حال عدم القدرة على الرضاعة الطبيعية يمكن استخدام حليب صناعي مناسب. كما يجب تدريجياً إدخال الأغذية الصلبة في حوالي اربعة او ستة أشهر وفقًا لتوصيات الأطباء.

👈النوم: يحتاج الرضيع إلى ساعات نوم كافية خلال اليوم والليل. يجب توفير بيئة هادئة ومريحة للنوم وتحديد روتين منتظم للنوم والاستيقاظ.

👈النظافة: يجب الاهتمام بنظافة الرضيع وتغيير الحفاضات بانتظام واستخدام منتجات مناسبة لحماية بشرته الحساسة. كما يجب الاهتمام بنظافة فمه وأظافره والاستحمام اليومي او فترات بماء دافئ.

👈التطعيمات: يجب متابعة جدول التطعيمات الموصى به من قبل الأطباء وضمان حصول الطفل على جميع التطعيمات اللازمة لحمايته من الأمراض المعدية.

👈اللعب والتفاعل: يجب توفير وقت للعب والتفاعل مع الرضيع، حيث يساعد ذلك في تنمية مهاراته الحركية والاجتماعية.

👈الاستجابة لاحتياجاته: يجب الاستجابة لاحتياجات الرضيع بشكل سريع، سواء كانت تغذية أو تغيير حفاضات أو عناية بصحته. يجب أن يشعر الرضيع بالأمان والراحة والاهتمام من الوالدين.

👈زيارات الطبيب الدورية: يجب الاستمرار في زيارات الرضيع للطبيب بشكل دوري لمتابعة نموه وتطوره وللتأكد من سلامته العامة.

👈الأمان: يجب توفير بيئة آمنة للرضيع، مع تأمين المنزل وتجنب وجود أشياء خطرة قربه.

👈الاستشارة الطبية: في حالة وجود أي مخاوف أو استفسارات حول صحة الرضيع، يجب استشارة الطبيب المختص للحصول على المشورة والإرشاد الصحيح.

👶 وضعية النوم الآمن:
يُفضَّل أن ينام الرضيع على ظهره ، وعلى فراش ثابت وخالٍ من الوسائد أو الألعاب، لتقليل مخاطر الاختناق اما اذا عنده ارتجاع ف يفضل وضعه على احدى الجانبين

📖 التحدث والقراءة للرضيع:
حتى لو كان صغيرًا جدًا، التحدث معه، الغناء، وقراءة القصص ينمّي اللغة ويقوّي الرابط العاطفي.

🌞 التعرّض الآمن للشمس:
التعرّض الخفيف وغير المباشر لأشعة الشمس في أوقات مناسبة قد يساعد في فيتامين د، مع تجنب الشمس المباشرة والحارّة.

🧴 العناية ببشرة الرضيع:
مراقبة أي طفح جلدي أو جفاف، واستخدام مرطّبات ومنتجات خالية من العطور، والتوقف عن أي منتج يسبب تهيّجًا.
🚨 معرفة علامات الخطر:
مثل ارتفاع الحرارة، صعوبة التنفس، قلة الرضاعة، خمول غير معتاد، أو بكاء مستمر — كلها إشارات تستدعي استشارة الطبيب فورًا.

🤱 الاهتمام بصحة الأم والأب:
راحة الوالدين النفسية والجسدية مهمة جدًا. طلب المساعدة، النوم قدر الإمكان، وعدم التردد في الدعم النفسي ينعكس إيجابًا على الطفل.

مع العلم أنه يجب أن تعتمد هذه النصائح على توصيات طبيب الأطفال المعالج الخاص بك، حيث يكون على دراية بتفاصيل الحالة الفردية للمولود.

04/02/2026

ربي يكون في عونكم أمهات 💚
لي كيفي تجي تساندني و لي تعرف حالتها هكا طاڨيها نساندوها هههه

03/02/2026

من هي ام فقط تستطيع فهم شدة التعب و صعوبة الامر ! كوني أم قوية يا اجمل أم انت تستطيعين القيام بذالك ♥️

02/02/2026

🫁 التهاب القصيبات الهوائية (La bronchiolite) عند الرضّع

جيت اليوم ننصحكم ب حكم التجربة تاعي لي طحت فيها مع بنتي عمرها شهر الاسبوع الماضي و لي ادى بها للاستعجالات و متابعتها لمدة اسبوع في المشفى

البرونكيوليت هو مرض فيروسي يجي بزاف عند الصغار، خاصة لي أقل من عامين، ويصيب الشُعَب الهوائية الصغيرة.

🔹 غالبًا يبدأ بزكام، ومن بعد يتطوّر شوية شوية.
🔍 كيفاش تبدا وتبان؟
👈 في البداية:
النيف يسيل ولا يكون مسدود
كحّة خفيفة
👈 من بعد:
الكحّة تزيد
النفس يولي سريع ومعاه صفير و تلاحظوه كي تعريو رضيع تشوفو ف بطن تاعو يدخل و يخرج جوانب
الطفل يبان عليه مخنوق شوية
يتعب بسرعة
صعوبة في الرضاعة والنوم او نقص كمية الرضاعة
سخانة خفيفة أحيانًا

👩‍⚕️ وش لازم نديرو؟
✅ نبداو تنظيف الفوري للأنف ب سيروم كل ربع ساعة مدة ساعتين
نحطوه ف وضعية نوم مرفوع شوي 30°
حليب او الاكل نقسمو كميات صغار و نزيدو عدد المرات
✅ نشوفو الطبيب و ضروري خاصة إذا
الطفل أقل من 3 شهور
كاين صعوبة في النفس
ما راهوش ياكل مليح
الجو:
نبعدو التدخين نهائيًا
نهوّيو الغرفة مليح
ممنوع الزيارات و تقبيل
❌ حوايج ما نديروهمش:
❌ ما كانش مضادات حيوية (المرض فيروسي)
👉 إلا نادرًا إذا كان تعفّن بكتيري
❌ ما نعطيو حتى دواء بلا وصفة طبيب
🚨 وقتاش نقلقو ونمشيو للاستعجالات؟
إذا شفنا:
الشفايف ولات زرق ولا شاحبة و الانف رايح للازرق
النفس ولى بطيء بزاف ولا غير منتظم
تعب شديد، الطفل ما يتحركش
صعوبة كبيرة في التنفس (يبان الجهد تحت الضلوع)
⛔ هنا لازم استعجالات فورًا متغفولش
💊 العلاج والتطوّر:
العلاج يكون غير للأعراض، ماشي للفيروس
أحيانًا الطبيب يكتب جلسات كينيزيتيرابي تنفسية
الدخول للسبيطار نادر (غير 2–3٪ من الحالات)
الكحّة تقدر تبقى من أسبوعين حتى شهر بعد ما تروح باقي الأعراض
تولهو ل ولادكم و متخليوهمش يبوسوهم من حشمة و قللو تجمعات
لي مراض يلبسو كمامة لشتات ف دار

ربي يشفي جميع المرضى 💚
لي صرات معاهم يحكيولنا مدة علاج كل حالة

24/11/2025

☢️ شلل الأطفال | Polio Virus

▪️هو مرض فيروسي شديدة العدوى.
▪️ينتشر بسهولة عبر الماء الملوث أو الطعام أو المخالطة المباشرة.
▪️يصيب الجهاز العصبي ويمكن أن يسبب شللاً دائماً .. قد يغير حياة الطفل وعائلته إلى الأبد.

الأطفال دون سن الخامسة هم الأكثر عرضة للإصابة بهذا المرض، بحكم أن جهازهم المناعي لا يكون مكتملا لدرجة تمكنهم من مقاومة هذا النوع من الفيروسات الخطيرة.

✅ التلقيح | Vaccin Anti-Polio

🔹يعتبر خط الدفاع الأول ضد هذا المرض.
🔹يعمل على تحفيز جهاز المناعة لإنتاج أجسام مضادة قادرة على مواجهة الفيروس الحقيقي عند التعرض له.
🔹يساهم بشكل كبير في تقليص عدد الإصابات بنسبة تفوق 99%.

هناك نوعان من اللقاح :
▫️Vaccin Anti-Polio Injectable (VPI)
عن طريق الإبرة
▫️ Vaccin Anti-Polio Orale (VPO)
قطرات عن طريق الفم

▪️الفئة العمرية المعنية بالتلقيح |

برنامج اللقاح يشمل جرعات متعددة لضمان تكوين مناعة قوية ومستمرة.

🔹VPO : في عمر شهرين، 4 أشهر، و12 أشهر.
🔹VPI :في عمر شهرين، 4 أشهر، و12 أشهر

ثم VPI عند دخول المدرسة ( ستة سنوات ) لضمان استمرار المناعة على المدى الطويل.

🚨 في العديد من الدول، وفي بعض الحالات الخاصة (كما يحدث الآن في الجزائر) تُنظم حملات وطنية للتلقيح تستهدف كل الأطفال من عمر شهرين إلى 05 سنوات، بغضّ النظر عن حالتهم التلقيحية السابقة، وذلك لتعزيز المناعة الجماعية والقضاء على أي احتمال لعودة الفيروس.

▪️رغم التقدم الطبي الكبير، لا يزال خطر عودة انتشار الفيروس قائمًا في حال التراخي عن التلقيح +++.

اللقاح هذا راهو آمن .. وهدفه الأساسي حماية أطفالنا من رجوع هذا الفيروس اللي قادر في لحظة يسبب إعاقة مستديمة للأطفال .

22/11/2025

20/11/2025

11/07/2025

#تربية ❤️

🎯 لو كنتي أم لطفل أقل من 5 سنين، هاد الكلام ليك انتي...
ماشي ساهل تربي إنسان من أول يوم،

أول 3 سنين من عمر الطفل، الأم دير مجهود كبير بزاف فالرعاية تاعو
كائن صغير وضعيف، يحتاج خدمة 24/24
ماكلة، ما، نظافة، رضاعة، سهر، قلة نوم، تغييرات، وبالأخير توصل مرحلة "نزع الحفاظ" (potty training).
إذا وصلتي لهنا، ربي يبارك فيك وربي يجازيك كل خير على تعبك ❤️

كي تفوتي مرحلة نزع الحفاظ ويبدأ الطفل يعتمد على روحو شوية
اعرفي بلي دخلتي في مرحلة جديدة
التعب البدني يقل، بصح تولي محتاجة صبر وحكمة وأعصاب باردة
احسبي ولدك مشروع راهو تحت يدك، راكي تبني فيه.

خدمي خطة لحياتو من دَرك
أول حاجة شوفي الحصيلة اللغوية تاعو:
هل راهو يقول جُمل؟
يردد كلامك؟ كل نهار كاين تطور؟

إذا كاين مشكل، لازم تتحركي وتخدمي عليه، ما تستنيش الوقت يضيع.

إذا الأمور ماشية مليح، فهذي أنسب مرحلة يقدر يحفظ ويتعلم فيها
عقلو مازال خفيف وما فيهش بزاف المعلومات، استغلي الفرصة.

علميه أي حاجة تخطر في بالك:
ألوان، حيوانات، بلاد، أعضاء الجسم، سور من القرآن، كلمات جديدة…

علميه عربي، إنجليزي، فرنسي… أي حاجة، راهي فترة ذهبية للفهم والاستيعاب 👍🏼

ابدئي تعلميه الخصوصية:
"هذي ليّ، هذي ليك"،
"ماشي من حقك تاخد هذي"،
"هذي حوايجك، هذوك تاع خوك"،
"هذا ماكلك، هذا ماكل أختك" وهكذا…

من بعد 3 سنين نبدأو ندخلو مفهوم "الجنة"
لكن ما نهدروش نهائياً على النار

قولي له:
"يلا نديرو هذي باش نروحو للجنة ❤️"
"الجنة فيها كلش حلو"،
"هذا خطأ، ربي يزعل منك"

من بعد 4 سنين نقدر نحكو شوية على النار،
"الناس اللي تعصي ربي تروح للنار"
لكن نركزو أكثر على الجنة وجمالها وأننا نحب ندخلوها ونكونو ناس طيبين.

كي يبدأ ياكل وحدو، علميه يقول "بسم الله" قبل، و"الحمد لله" بعد
حاولي تبيني هذي السلوكيات بصوت مسموع باش يقلدك ❤️

راهو رايح يبدأ يقلدكم كامل في الدار، فالكلام، في التصرفات، في كلش.
لازم نخدمو على رواحنا ونبانو في أحسن صورة قدامو.

سن 3، 4، 5 سنوات راهو سن حساس ومهم
هو اللي يتبنى عليه كلشي جاي بعده.

ربي يعينكم 💚

29/06/2025

بكل حزن وأسى، نتقدّم بأحرّ التعازي والمواساة إلى عائلة الطفلة #بوغاشيش #مروة، راجين من الله أن يتغمّدها برحمته الواسعة، وأن يُلهم ذويها الصبر والسلوان.

♦️ أصدر وكيل الجمهورية لدى محكمة #قسنطينة بيانًا للرأي العام بشأن التطورات المؤلمة في قضية اختفاء الطفلة .

📍وكيل الجمهورية: "في إطار التحري حول حادثة اختفاء الطفلة بوغاشيش مروة يوم 22 ماي 2025، وردتنا معلومات عن وجود جثة مجهولة الهوية بغابة جبل الوحش."

📍وكيل الجمهورية: "انتقلنا إلى عين المكان برفقة مصالح الشرطة القضائية والعلمية والطبيب الشرعي، وتمت المعاينات وأخذ العينات اللازمة."

📍وكيل الجمهورية: "أمرنا بإجراء تحليل الحمض النووي الذي أكد أن الرفاة تعود فعلاً للطفلة المختفية بوغاشيش مروة."

📍وكيل الجمهورية: "التحقيقات لا تزال متواصلة تحت إشراف النيابة العامة بهدف كشف كافة ملابسات الجريمة وتحديد هوية الفاعلين."

رحم الله #مروى ، ولعن الله قاتلي البراءة.
#القصاص 😞

14/06/2025

مبروووووك ☺️راكي وليتي أم لأول مرة🤱🏻

خاصك تعرفي الحاجات العادية اللي ممكن تصادفك فالأيام الأولى
🔵اذا لاحظتي براز طفلك أسود عادي جدا
🔴اذا شفتي السرة نتاعو خارجة شويا عادي أغلب الحالات تحتاج وقت فقط
🔵اذا شفتي وليدك عندو بوصفاير خفيف بداه بعد اليوم الثالث أغلب الحالات عادي
🔴اذا شفتي وليدك يوسخ أكثر من أربعة مرات في اليوم عادي مع الرضاعة الطبيعية
🔵اذا لاحظتي تقيح خفيف بعد مرور شهر في اليد اليسرى هذاك تلقيح bcg
🔴اذا لاحظتي بكاء طفلك في الأيام الاولى عادي جدا عادة الغازات هي السبب
🔵اذا لاحظتي صوت خنفرة الأنف أيضا عادي بحكم ضيق الجيوب الأنفية
🔴 اذا لاحظتي شعور بعدم القدرة و التعب و الخوف متتقلقيش أمر عادي يحسوه كل الأمهات الأيام الأولى
🔵 اذا لقيتي قشرة في شعر طفلك 👶🏻 أيضا عادي
🔴 اذا لاحظتي إرجاع عادي راح ينقص مع الوقت بشرط زيادة فالوزن
🔵 الحازوقة le hoquet تكون أكثر حصولا الأيام الاولى بعد الولادة

🔵 العيط بلا دموع:
في الأيام الأولى، الطفل يبكي بصوت لكن بلا دموع، لأن القنوات الدمعية مازال ما تطورتش مليح.

🔴 لون الجلد متغير:
في بعض الأحيان، الجلد يكون مائل للأزرق شوية في اليدين والقدمين، خاصة لما يكون برد، عادي حتى تتحسن الدورة الدموية.

🔵 الإحمرار أو التهيج على الوجه (حب الشباب الولادي):
بعض الأطفال يطلع فيهم حب صغير في الوجه، وهذا نتيجة الهرمونات اللي جات من الأم، وتروح وحدها.

🔴 حركات رجليه ويديه فجائية:
تسمى "منعكس مورو" وهي ردة فعل طبيعية، الطفل ممكن يخاف ويحرك يديه فجأة — أمر طبيعي.

🔵 التنفس يكون متقطع أو سريع شوي:
في بعض اللحظات، تحسي التنفس سريع أو فيه توقف بسيط، لكن يرجع طبيعي — عادي عند حديثي الولادة.

🔴 بعض الإفرازات المهبلية أو قطرات دم عند البنات:
هذا شيء مؤقت بسبب تأثير هرمونات الأم، يختفي في أيام قليلة..

🔴 العيون تدمع بزاف أو تفرز مادة صفراء:
ممكن تكون انسداد بسيط في القناة الدمعية، يحل تلقائياً أو بتدليك بسيط، لكن يفضل تراقبي و اغلبية طبة يمدو مرهماو محلول للعينين من البداية

🔵 الطفل يرضع ساعات كثيرة:
حديثو الولادة يرضعوا حتى 10-12 مرة في اليوم! لأن حليب الأم يهضم بسرعة.

🔴 البراز يتغير لونه من أسود إلى أخضر ثم أصفر:
تغير الألوان أمر طبيعي حسب تطور الرضاعة ونمو الجهاز الهضمي.

🤍 نصائح نفسية للأم:

حسيتي بالبكاء بدون سبب؟ طبيعي، اسمها baby blues، وتعدي بعد أيام.

كل أم عندها لحظات شك: "هل نعرف نرضع؟ نبدل؟ نكون أم مليحة؟" الجواب: نعم، مع الوقت والخبرة.

طلبي المساعدة من العائلة، زوجك، أو حتى صديقاتك، راكي ماشي وحدك.
🔵بإذن الله راح تكوني أم جيدة و ممتازة ديري الثقة في ربي و في نفسك