04/05/2026
📢📣🔊🔉🔈اسمعوني مليح......
الدرس النظري في الباترون هو الصح
وهو القاعدة لي تبني عليها... ..... بصح إذا بقيت غير في الورق وراسك معمر غير بالقواعد ....بلا ما تحط يدك في القماش من البداية للنهاية.. راك ما درت والو وما عندك ما تدير بباترون مرسوم في كراس
✍️📐 الصنعة تاع( الصح )..تبان في التطبيقي كي ترفد المقص وتفصل.. لأنك تماك وين تتعلم كيفاش الباترون يتعامل مع القماش
وكيفاش هذاك القماش يتفاعل مع الموديل لي راك حاب تخرجو
🧵✂️ كل قماش وعندو طيعتو وعندو حسابو والباترون الأكاديمي الحقيقي هو لي يخليك تحسب نوعية القماش وتعرف إذا يشرب ولا يتكسل وإذا كان هذاك القماش راح يروح معاك في الموديل ولا يخسرك
🧥📏 وزيد فوق هذا كامل كاين حاجة بزاف ينساوها وما يعطوهاش قيمة وهي الكي repassage بالمكواة البخارية الاحترافية لي هي لي تعطي للقطعة الشكل المجسم وثلاثي الأبعاد وتحول القماش من مجرد قماش عادي إلى تحفة واقفة ومنحوتة على الجسم
💨🔥 بزاف لي يشرحوا النظري
👈 ويعمرو الطوابل بالكراريس
👈 وبالموديلات الورقية
👈بصح قليل لي يروح للتطبيقي
👈 ويشمر على يديه
👈 ويخيط قدامك باش يوريلك أسرار الصنعة
-_____________
🧩👑 احنا ما نكتفوش بالمعلومات النظرية فقط
👈 لان هذا الامر راه ناس كل عادت تقدر عليه
👈أي واحد
👈بصح الميدان والتطبيق الحقيقي من أخذ المقاسات
👈حتى لآخر لمسة هو لي يفرز بين الهاوي وبين المحترف لي يمدلك أسرار الصنعة تاع الصح باش تخرج قطعة خالية من العيوب ومطابقة للجسد 💯💎
