23/05/2026
السلام عليكم و رحمة الله و بركاته
اما بعد ...
اولا : رح نحكي على لي يجو للبوتيك و معاهم صغار هازين معاهم ايس كريم و مقولة { ولدي يعرف يوكل ما يوسخش} بداية فلم الرعب..منوع منعا باتا احضاره للبوتيك .
ثانيا : بالنسبة للزائرات والا لي يجو مع العرايس و يحبو يقيسو لي روب راو ممنوع اختي الكريمة اذا مش رح تكري ومش معنية بالكراء ماكلاه تحرجي نفسك. الفساتين خاصة بالكراء فقط .تقيس العروس لي رح تكري ومعنية اما غير هكا ممنوع لانو لي روب جدد يتوسخو و يهزو ريحة العرق فرجاءا من كل وحدة تجي مع العروس ومش معنية بالكراء تحترم اجراءات العمل.
ثالثا ثالثا ثالثا : كتبنا على لي روب بلونش ممنوع اللمس وتلقاهم يتلمسو تحط يدها من فوق للتحت و تمسد فيها..ياااا اختي الفاضلة راي روب بلونش ترفد العرق و تتوسخ ليه ليه ..راو ممنوع اللمس ، لاروب قدامك شوفيها برك بعينك علاه تحيريها يرحم باباك .
رابعا: العرايس لي يكرو روب بلونش انا نخرجهالك مغسولة نظيفة و تشوفيها قبل ما نخبيهالك في بوشات و بعد كي ترجعوها مقطعة موخذة وتقولو بعثتهولنا هكذاك ؟؟! من نيتكم؟؟ خافو ربي شوي ..راو كلش موثق في الكاميرات ماكلاه توصلو رواحكم لبعيد .راو عيب .لي رجعت حاجة مقطعة او مكسرة رح تعوض الضرر . لانو خدمتنا قانونية .
خامسا: بالنسبة للعربون يا أمة محمد العربون راو مايرجعش شرعاً و قانونا وحدة ما تفتي فالموضوع.
انت تعربني على حاجة تحجزيها وتجي وحدة بعدك على جالها نقلها راي محجوزة والا تباعت وتجي انت من بعد تقولي بطلت رجعيلي العربون؟؟ .راو ما يرجعش العربون نقطة انتهى.
والحمد لله بوتيك لولا ستايل كامل الزبائن ماشاء الله عليهم عسل الدنيا .
