15/01/2024
Lammiin Lammiif 🙏
=================
Ayi yaa carraa….
Waaqayyo isin haa oolchu!
jedhamti
- Dhalattee waggaa 4tti abbaashee dhukkubsatee irra du’e
- Harmeenshee baay’ee gaddite. Abbaa warraashee akka gaaddisaatti of biratti ilaaltu of biraa dhabde.
- Gargaarsa tokko malee Boontuufi obboleettii Boontuu Eebbisee jedhamtu guddisuu itti fufte
- Mana namaa hojjechaa, buddeena namaaf tolchaa, bakka bakkaatti godaanaa ijoolleeshee guddisuuf baay’ee dhamaate.
- Boontuun barattuu cimtuu taate. Badhaasa argachaa, kutaa 1ffaa irraa jalqabdee haga kutaa 12ffaatti haala gaariidhaan barnootashee xumurte
Boontuun dadhabbii baay’een booda, A.L.Itti bara 2015 Finfinneetti kan argamu yuunivarsiitii jedhamurraa saayinsii fayyaatiin digiriishee argattee eebbifamte.
- Qormaata gahumsaa CoC jedhamullee qoramtee qabxii gaariidhaan qormaaticha dabarte
Achii booda gammachuushee kana maatiishee waliin qooddachuuf gara Naajjoo deemte. Harmeenshee gammaddee burraaqxe. “Nan boqodhe” jette. “Kana booda naaf darba, kana booda mataan ol qabadha, kana booda harka namaa hin ilaalu” jette.
Boontuun xiqqoo erga maatii bira turteen booda gara Finfinneetti deebitee waraqaashee fudhattee hojiitti bobba’uu waan qabduuf konkolaataa qabattee gara Finfinneetti imalte.
- Finfinnee geesse. Konkolaataarraa buute. Gara mana kireeffattee jirtuu deemuuf immoo baajaajii qabachuun dirqama ture.
- Baajajii dhaabsifattee itti seente. Reefuu ol seentee bakka geessee hin teenye. Abbaan baajaajii sanaa kan waa’ee qarshiisaa malee waa’ee nageenya Boontuu hin yaadne gaasiitti ejjete. Baajaajiin utaaltee fiiguu eegalte. Boontuun battaluma darbatamtee mataadhaan aspaaltiirratti kufte! Of wallaalte! Ifnisheefi kan harmeeshee takkaatti dukkanaa’e!
- Kun kan ta’e ji’a lamarra darbeera. Boontuun haga har’aa of hin beektu. Hospitaala Abeet jedhamu jirti. Ogeessonni fayyaa mataashee baqaqsanii wal’aansa gochaafii jiru. Ijishee banameera. Garuu ammas of hin beektu!
Harmeenshee ni boossi. “If
