23/07/2026
Hawadi yanna dancha fajjo loossa addi addi handaarranni faajjete Borrichu woradi qaru qashshaanchi ayirradu kalaa Woseni Birhaanuhu hanfisiisi.
Maaja 16,2018 M.D
Bo/Wo/Mo/Ko/Ha/Bo/Mine
Yirba
Aliyye Sidaamu Zoone Borrichu Woradi Meentu Wedellunna Dagoomittete Hajubba Borro Mini "Danchumma Itophiyu Gottimmara" Yaanno massagote qaalinni 2017 M.D arri wedellu dancha fajjo loossa cufatenna 2018 M.D hawadi yanna dancha fajjo loossa fanate ba're ha'rinsoonni.
Battalate Borrichu woradi qaru gashshaanchi ayirradu kalaa Woseni Birhaanuhu hasaawa assanni, dancha fajjo loossa assinanni kaa'lo gobbaanni tiiu kasso afi'rate ledo amadaminoha ikkasinni lowo geeshsha quqquxunni hagiidhinanni loonsanni looso ikkasi xawisino.
Ledoteno, sai diro addi addi halamaano bissa kaa'lonni assinoonni dancha fajjo loossanni woradinke garinni haammata qansooti horaameeyye assa dandiinoonnita xawise,tayxe dirono mundee elate,mine gatamaratenna haaro minate,buxanete sagale itisanna uddisiisate,haanju harumi loossanni loosu giddora eate ba're faajjete hananfoonnita xawisino.
Borrichu woradi Men/Wed/Da/Ha/Bo/Mini sooreette Baabba Asteer Daalachoti ise widoonni,Hawadi yanna dancha fajjo loossa lowo qansootira gallanni mine,mundeete hoonginni reytanno ama lubbo gatisate,itte galtannore afidhinokkirira ite galate kaayyo,rosu kaayyo hooggannorira rosu kaayyo kalaqate, gobba mulluugaabbannokki gede haajju harumi loossanni jawa loossa loosantinota qummi assitino.
Aanteteno,tayxe dirono baalunku qansichi dancha fajjo loossara beeqqo assa hasiissannota kayisseenna goofimarchoho barraho mundee elate,mine minate,haanju harumi kayishshi,buxane itisate loossa loonseenna barru qixxaawo xaphi assinoonni.
