Najat muktar

19/12/2023

19/12/2023

Bonaafi Ganna Oomishuun Oomishaafi Oomishtummaa Dabaluun Wabii Nyaataa Mirkaneessa
-------
Waggoottan dheeraaf seenaan qonnaa biyya keenyaa hirkattummaa roobaa irratti kan hundaa`e ture. Kun immoo waggaatti yeroo tokko qofa oomishuu dha. Kanaan immoo wabii nyaata lammiilee hundaa mirkaneessuun hin yaadamu.
Yeroo dhiyoon asitti immoo hojii qonnaaf hirkattummaan roobaa hafuun jallisii ammayyaa babal`isuun naannoo gammoojjiifi horsiisee bulaa kutaalee Oromiyaa hunda keessatti hojjetamuun waggaatti yeroo lamaafi isaa ol oomishamaa jira. Kanaanis oomishaafi oomishtummaan dabalee jira.
Godina Wallagga Lixaattis qonnaan bultoonni bonaafi ganna walitti fufiinsaan oomishuun wabii nyaataa mirkaneeffachuun dinagdeen akka guddataniif pirojektiin jallisii ammayyaa 8 bara kana qarshii biliyoona 1fi miliyoona 43fi kuma 374 oliin hojjetamaa jira.
Pirojektii hojjetamaa jiru kanaanis lafti hektaarri kuma 6 ol misoomuu kan danda'u yoo ta'u, qonnaan bultoota abboota warraa kuma 24 fayyadamoo kan taasisuu dha. Pirojeektota 8 kana keessaas 2 xumuramuun tajaajila kennuu jalqabanii jiru. Pirojeektonni 5 haala gaariin hojjetamaa kan jiran yoo ta'u pirojeektiin 1 immoo hojiin isaa yeroo ammaa eegalee jira.

30/11/2023

30/11/2023