17/08/2026
36 წლის ასაკში დაქვრივებული, მარტოხელა, 3 შვილის, 9 შვილიშვილის, უკვე 23 შვილთაშვილის პატრონი - "კვიცივით ბებია"- ს ტიტულის მფლობელი ნარგიზ ლომაძე კუკულაძისა..
როგორი იყო ერთი დღე ბებოსთან?
შეგებება - შეკივლებით, ჩახუტებით, კოცნებითა და ფაციფუცით..
ეზოს ვარია ახალ დაკლული, სუნელებ გამოცხებული და დაბრაწული..
ცომი თითქმის ყოველთვის მოზელილი,
სახლში გამომცხვარ ცხელ-ცხელ პურებს საოცარი სურნელი და გემო აქვს..
ცეცხლი აგუზგუზდება და ცომიც უმალ გაიწელება სახაჭაპურედ..
ყველი გნებავთ ჭყინტი, გნებავთ დიიდი ნასვრეტებით, მარილიანი..
ამონაყული გურული სუნელი,
ეზოს კიტრი-პომიდორი,
კიტრი ტკაცუნა, წვნიანი გულით,
პომიდორი გარედან თუნდაც ნახევრად მწვანე, მაგრამ წითელი თესლით..
ცერცვი - ჯღიდან ჩამოკრეფილი, კარტოფილთან ერთად შემზადებული..
ტყემლის არაყი - 70 გრადუსიანი..
კვერცხი თოხლოდ შემწვარი, მოთანთალე..
მჭადი- ეზოს სიმინდის-რძე გასდის ისეთი..
კარტოფილი - კარგად შებრაწული, ახალ ალუჩის ტყემალთან ერთად..
ალუბლის, ალიბუხარის, ატმის კომპოტი..
თეთრი ბალის მურაბა..
გაიარ-გამოიარე უკანა ეზოში- რამდენი თხილიც გნებავს იმდენი მიირთვი..
ერთ ოთახში 3 რკინის საწოლი.
სადაც ნოხია ჩამოფარებული სიცივე არ შემოდის, ამიტომ ბავშვები ვწვებით კედლის ამ მხარეს.
ნოხზე თაბაშირის ანგელოზები ჰკიდია საკრავით ხელში,
კიდევ ღვთისმშობელს უჭირავს პირმშო,
მეორე ხატზე იესოს ჩაუხუტებია ბატკანი..
ნარგიზოს ფეხებში თორნიკე იძინებს, ბებოს ნაბოლარა ბიჭი შვილიშვილია..
ჩვენ აქეთ ვტინგიცებთ, ვმღერით "მწყემსურს" :
მივალ მივყვები
თეთრი გზებით მე ჩემს ფარასა,
ბატკან ხელში მყვან
და ვუმღერი იავნანასა
იავნანი ნანასა.
მე საქართველოს
სიყვარულის წყარო მწყურია,
ჩემი საუნჯე
ნაბადი და სალამურია,
ჩემი სალამურია.
სალამური ლერწმისა,
სიყვარული სევდისა,
ვმღერი მხოლოდ შენთვისა ქალავ,
ქალავ მზექალავ,
შენი სახე დამდევს ყველგანა.
ჩემი სახლ-კარი
მობიბინე მთა და მდელოა,
ჩემი სიმღერა თვალხატულა საქართველოა,
ჩემი საქართველოა... ..
ფანჯრიდან შემოსული მთვარის სინათლე გვიფრთხობს შიშებს, გავყურებთ ვარსკვლავებიან ცას, ვმღერით და უფრო ძალიან გვიყვარს ერთმანეთიც და საქართველოც.. ...
ბებო - მიყვარხარ!
შენი ლოცვა და მადლი თან დაგვყვება შენს ნაშიერს..
ზეციურიდანაც გვინათე 🙏🏼
#ბებია #მოგონება
