17/02/2026
2006 წელს "Cars"-ის პრემიარამ აუდიტორიები გააცნო სამყაროს სადაც მანქანებს გული, იუმორი და ღრმა ემოციური ფენები ჰქონდათ. რაც შეიძლებოდა ყოფილიყო უბრალო კომედია, გახდა ამბავი შენელებაზე და მიზნის ხელახლა პოვნაზე. "Cars" პიქსარის ერთ-ერთი ყველაზე წარმატებული ანიმაცია გახდა. გიზიარებთ საინტერესო ფაქტებს მის შესახებ:
- პროდიუსერებმა შთაგონებისთვის ისტორიული გზატკეცილი "U.S. Route 66" გამოიყენეს რომელიც ამერიკის აღმოსავლეთ ნაწილს დასავლეთთან პატარა დაუსახლებელი ქალაქებისა და უდაბნოების გავლით აკავშირებს. "U.S. Route 66" მოგზაურობისა და თავისუფლების სიმბოლოა სადაც ვინტაჟური სტილის კაფეებს, მოტელებს და ბენზინგასამრთ სადგურებს შეხვდებით.
- ანიმაციური სიზუსტის უზრუნველყოფისთვის ანიმატორები გაემგზავრნენ დეტროიტში სადაც მანქანათმშენებლობის პროცესებს სხვადასხვა ბრენდების ქარხნებში დეტალურად აკვირდებოდნენ.
- შერიფის პერსონაჟს (პოლიციელს) ამერიკელი ისტორიკოსი და კულტუროლოგი და "Route 66: The Mother Road" - ის ავტორი, მაიკლ უოლისი ახმოვანებს. მისი ნაშრომები ფართოდ გამოიცემა ისეთ ჟურნალებსა და გაზეთებში როგორებიცაა: Time, Life, People, Smithsonian, The New Yorker, და The New York Times.
- პერსონაჟ „Fillmore“-ს (რომლის სახელი უკავშირდება სან-ფრანცისკოში მდებარე ცნობილ მუსიკალურ დარბაზს The Fillmore) თავდაპირველად„Waldmire“ უნდა რქმეოდა. ეს სახელი დაკავშირებული იყო ბობ ვალდმირრთან რომელიც საკუთარ თავს ჰიპად მიიჩნევდა და Route 66-ის მოყვარულებში ცნობილი იყო კალმით შესრულებული რუკებითა და საფოსტო ბარათების სილამაზით.
გიყვართ ეს ანიმაცია? 🥰🚗
