20/06/2025
Congratulations again🥳✨
This is your second time experiencing a primary school graduation.
Back in Hong Kong, under the British system, you already graduated two years ago.
But after coming to Canada and entering a new education system, you returned to elementary school.
呢次係你人生中第二次感受小學畢業。
喺香港，我哋行英制，兩年前你已經畢咗業；
嚟到加拿大，因為制度唔同，你再次踏入小學嘅校園。
今次感覺其實唔大，因為呢間學校嘅時間唔長，亦都唔係我好滿意嘅學校，雖然有人話好好，但或者唔係我杯茶，所以自然冇太大嘅感觸，呢間學校唯一令到我覺得，你得到嘅就係你好愛嘅班主任❤️
佢成為咗你嘅偶像，我都非常之感恩遇到一個良師亦能夠成為你嘅偶像對成長好有幫助，
亦都帶動你成為一個更好嘅人！
過咗加拿大之後，一切都未如香港理想，
當然以前搵嘅學校一條龍升上中學亦都係我覺得滿意嘅學校，
但而家喺度重新開始其實真係10,000個唔滿意㗎🫣
但係喺呢件事上面我學識咗接受！
我今次冇衝動，即刻搬屋搬學校！
如果比着以前衝動嘅我，我一定唔會接受😌
又出去溫哥華考Mini School考到一間免費IB學校,
但最後因為地區同埋學校附近環境比較複雜，我哋冇選擇到😌
一直都未搵到，最心水嘅最適合嘅感覺，
唔同喺香港世事慢慢好似唔到我控制咁，
不過時間慢慢過令我感受到其實如果唔同孩子鋪路係咪就代表佢哋冇前途呢？
以前喺香港當然係因為好熟悉，所以一切都安排好事事睇到都係順眼啱心水嘅，
但唔代表啱我心水，佢就快樂呢？
其實我睇到我一直都看不起嘅一間學校（唔好意思講得太真心😆)
但係喺呢度我三個小朋友都建立咗佢嘅友誼、佢哋嘅一部份回憶、安全感…仲有無限嘅歡笑快樂！
只係有時學校嘅清潔唔夠、資源未如我眼想睇到嘅嘢，但係諗深一層呢啲全部都係一啲雞毛蒜皮嘅小事！只係我自己好介意嘅事！
所以都要提醒自己唔好，因為咁小嘅事去影響咗小朋友嘅感受，其實個班房亂啲，佢一啲都唔介意最緊要係佢每日返到去有佢嘅朋友、開心大笑、愉快學習、還有喜歡的老師🥹
其實行遠一步睇呢間學校都係幾好嘅！喺我哋區嚟講算係最新嘅裝修，Office日日都有嘢食派，啱晒我三隻化骨龍都係問人攞嘢食攞到出咗名🤣前提係阿媽唔係冇飯俾佢食㗎！
尤其係提醒自己，小朋友包括其實需要嘅只係安穩，有啲嘢靜靜地慢慢就有㗎啦✨
✨好啦，嚟緊個中學其實係一片迷惘，我哋仲未決定到！暑假都就嚟放啦，都要提醒自己唔緊要，相信上天一早已經安排好家姐嘅路，而她真的長大了無需要在編排計劃，佢將會自己畫出自己嘅未來！
就好好放手，留給她自己自由畫吧！
父母最重要就是給予安全感，令她可以自然放鬆地發揮！
❤️我的大女兒！記住在這個世界裏盡興吧✨人生只有一次！
💐最後表揚一下自己！一束自己紮嘅花，除咗出去買嘅花之外，仲有啲喺街執㗎🫣以前喺香港試過一次自己整，今次係第二次開頭唔記得咗要放棉花淨係放水結果流晒出嚟🤣
