02/05/2016
終於完成左做customiser 既第一個里程碑！
原本自己也也呼係度玩custom, 乜低b野都試，到開始認真做custom, 再番到黎香港開發本地客製波鞋市場，幫各位師兄師姐們做custom 波鞋，之後發展到開班教學，其實每一步都好難行，不過我好好彩，一路上都有好多人扶持我，幫我，支持我，感激身邊每一位幫過我既好朋友好兄弟，更加感激每一位用佢地自己方法去激勵我既人，冇你地，冇今日既我，冇今日既OriginalityHK.
其實當初開班教學，都好大壓力，自問自己既表達能力唔係好好，所以都有擔心過究竟自己能唔能夠勝任，不過我老豆教落，遇到擔心，怕既事，就硬住頭皮做落去，你永遠唔知自己既能力去到邊度，唔作出突破，你永遠都只會原地踏步。所以我膽粗粗搵左香港網上波鞋平台kickz-lab 合作去搞左一個初級客製波鞋教學班。好幸運地佢地都好欣賞我既作品，對我既能力亦無一絲既質疑，感激kickz-lab 一眾admin既大力支持，令到OriginalityHK 第一次既教學班能夠成事！
由開post 收生呢一秒鐘開始，就一路都好緊張，究竟有冇人會參加架？會唔會對我冇信心架？ 好感激kickz-lab 既師兄們，短短幾個鐘頭，就已經報名報到爆哂quota, 真心多謝呢一班師兄既信任同支持🙏🏻好開心識到你地，有機會大家一齊去完成香港第一個sneaker customisation tutorial! 我盡左自己既能力去教授基本技巧，分享一路自己做custom 既心得。整個教學分開左4個星期，由第一個星期既擔心，到第二個星期既談笑風生，到第三個星期既成型，再到第四個星期既完工，好多謝你地比左個咁好既機會我去學習，如果有做得唔好既地方，請見諒🙏🏻我會盡力做好佢！
到你地完成左你地自己既第一對custom sneakers, 我唔知你地點諗，不過我就覺得好滿足，睇住你地由零認識，到做左一對完整既custom, 我覺得好開心！
希望你地都enjoyed the class！多啲上黎 SoleFly 分享你地之後既成品比我睇呀！
共勉之！
