Joyceski

18/04/2026

#隨心傾下計 多謝好多朋友仔上次直播俾意見我. 其實每次直播都做成2個鐘, 大家都未必會睇到尾. 我自己做完其實都會訓唔到覺, 或者會訓下醒下, 可能係太high spirits. 第二日番工個人都係會無左靈魂甘. 大家既意見其實同我既諗法都一樣. 所以黎緊我都打算將每月一次既直播變成每月2次. 每次只係有一個主題, 比如係一次只係髮夾系列, 另一次就只係耳環/手鍊/頸鍊系列, 又或者以配件/顏色為主題. 再唔會好似之前, 髮飾首飾咩都有D. 如果大家睇得開心或者吹水吹得開心, 可能會開第三次既..如果我有精神😂

至於POP-UP Market, 其實自從我開左直播之後, 已經無咩人問我幾時再有POP UP MARKET, 有問既都係新朋友仔比較多. 但其實都好少好少. 唔知係咪大家都習慣左上網買我既野呢?
之後既POP-UP MARKET我真係會少做D, 一來未有我好合心水既場地, 做我呢種style既飾物搵岩場地係好好好重要, 二來而家好少人會過黎POP UP (可能真係慣左睇LIVE) 又或者, 其實而家真係無咩人行街. 蝕左錢唔係最大問題, 最大問題係我無左兩日做訂單. 跟住大家又要等耐左. 所以對我黎講暫時係失多過得. 希望過多幾個月會好D啦, 我都想KEEP番每1-2個月去一次POP-UP, and than 你地過黎搵我.🤭🤭

17/04/2026

呢款黑白小花令我好有驚喜, 收到既時候認真睇同摸, 佢係用噴漆的方法做出黎既花辦, 啞光效果. 好多時花瓣都會俾人覺得好女仔. 但係佢令我可以Design到唔同既感覺. 白色有花嫁Feel, 黑色型格暗黑Feel 🤭 好正

日本花語系列耳環/黑白小花朵款

12/04/2026

今次既新款髮夾有一個大大既銀色三角夾. Extra Large 同銀色都係今年流行既款. 我最近鍾意扎馬尾再夾呢個夾.. 扮下韓妹😂

11/04/2026

近大半年都勁鍾意Pastel color . 估唔到2026咁啱就係流行呢啲顏色. 春裝買咗好幾件Pastel Color嘅衫，襯晒我啲新髪夾😂

聽晚 (4月12星期日) 9:30pm LIVE 講新款髮夾

10/04/2026

♡︎ G I V E A W A Y ♡︎
其實每次做抽獎我都會諗到頭都大埋. 究竟咩款會吸引到大家入黎一齊玩呢. 今次我決定係我design既新款髮夾裡面揀一款出黎送俾大家. 就係上面👆🏻呢個款. 一個獨一無二既款, 抽中左就只有你有. 只有一個咋.
今次點玩法, 睇下下面👇🏻

1） 先follow .official + 留言tag一位未有follow .official 既朋友仔.

2) 新朋友請follow我地🙆🏻‍♀️. 如果你都想玩抽獎既, 你都可以留言tag一位未有follow .official 既朋友仔.

(📣📣唔好重覆tag番tag你既朋友仔呀. 我唔會計入抽獎名單裡面架)

⏰ 時間由而家開始至星期日(4月12) 中午3PM就會截止.

而夜晚既LIVE我會公佈得獎既朋友仔.

PS: 得獎既朋友仔收到髮夾後要Post或者Story tag 番我地. 到時我都會送番一張cash coupon俾你架.🤭🤭

09/04/2026

終於都整好哂啦👏🏻👏🏻👏🏻. 終於可以同大家講📣, 今個星期日會出髮夾款💃🏻💃🏻. 有好多, 好多, 好多個髮夾款. 有久違了既靚靚鯊魚髮夾, 亦有好耐無整既一字髮夾, 仲有大家都鍾意既小髮夾. 不過大部份都只有1個, 有少部份係有2個. 所以係超級獨一無二.

由於今次既髮夾款太多但現貨數量太少. 我怕我直播時你地下單就要搶搶搶. 一定會有人同我講搶唔到🙈🙈. 所以今次想改變直播方法. 我打算星期日晚開個直播, 我會每估款都介紹一下. 完左直播後網站會上架大家去買. 你地覺得點?
定係你地想照舊直播既時候落埋單呀？放心🤭~兩個choose都係一樣有直播價架😂. 我係呢個Post 同Story都開一個投票. 大家入黎投票俾下意見. 🙆🏻‍♀️🙆🏻‍♀️🙆🏻‍♀️

另外, 係呢一堆新款裡面, 我揀左一個款出裡做抽獎款. 而呢個款係唔會有得買架. 詳情星期五(應該下午)會出post, 到時大家留意下.😏

✿ 4月12 星期日9:30pm LIVE 新款髮夾 ✿

31/03/2026

復活節假期有5日甘多, 大家會去邊呢.🤭我地就活動俾大家. 由4月1至4月7，以PAYME/FPS付款，任何購物全單都可以有額外95折. 如果全單滿$800(*會員折扣後)可以有額外9折. 開心仔.😙😙一連7天我地都會做Special俾大家. Happy Easter Happy Shopping🌸🌸🌸

95折PROMO CODE - EASTER5
9折PROMO CODE - EASTER10

🪻去到購物車頁面會有顯示優惠卷.

折扣只限網站有上架既現貨/預訂款。再講一次折扣日由4 月1 至4 月7 架咋😝

28/03/2026

24/03/2026

3月中已經開始有人問我新款幾時有. 直播幾時做. 其實上個月既訂單我都未清哂俾你地. 成個3月都諗緊新款. 整緊新款. 鐡定3月25 星期三, 即係聽日呀, 係復活節前我地就來一場Happy Happy LIVE. 今次會有新款既花辦耳環. 手鍊同戒指. 另外, 我都Design 新既小禮物, 都係大家鍾意既耳環款. 但今次我ready左3個顏色俾大家揀. 大家到時一定一定要準時9:30PM入黎呀. 今次小禮物我暫時只係整左十幾對咋. 同埋, 我都唔想個直播太長, 方便大家重溫, 所以所有款都只會講一次, 唔會係直播到重覆架.

今次既LIVE SPECIAL有

📣新款直播價
📣買三件任何款送新Design小禮物🎁耳環
📣限時搶$10Coupon ***係呢個post留言「JOIN LIVE」會INBOX $10 coupon💰 俾你係到用架😙
📣滿$400(HK)/$450(MO🇲🇴)免順豐

星期三中午會upload所有新款相同穿戴相上website. 大家上去睇完夜晚就鎖定目標入黎LIVE買新款啦.

3月25 星期三晚9:30pm LIVE 見 😙

13/03/2026

聽日就係白色情人節大家諗住點過呀.🤭 我既節目就係繼續起貨俾大家. 不過你地有無節目都好, 我地都有節目俾大家. White Day Special 來來來📣📣📣😂😂😂

3月14-15日限時2 days任何購物以*PAYME/FPS*付款享免順豐運費(只限智能櫃, 順豐站自取). 提提大家. 仲有幾個鐘就開始啦.