03/08/2024
13_ bagay pou yon fi pa janm fè lè nou renmen ak yon gason.
1- Pa janm nan al dòmi leve kay yon nèg ki jus renmen avè w plede bourike tankou sèvant pou li. Eske l marye avè w? Manyè aprann bay tèt ou valè jenn fanm se foli pote non madanm ou genyen, foli dòmi ak nèg, tann lè w.
2- Sispann plede achte kado pote bay manmanl, mwen pa di’w pa ka fel yon ti kado. Men ou tounen tonton nwèl nan bay kado telman ou anvi gen nèg la. Ou tounen estetisyèn pa fòs nan penyen sè l, kouzin li, wap fè zong yo, tout sa pou yo ka aksepte w nan fanmi an. Yap griyen dan sou ou paske yo wè w se yon dezespere. Plis ou pa soumoun se pi plis y ap respekte w.
3- Sispann ak koze 5 lane fiyanse a, se yon pawòl yo ba w kenbe pou yo ka gaspiye tan w. Moun pa w la pap fè w fè tout joujou sa.
4- Sispann poste l tout jounen sou facebook, Whatsapp pandan li pap fè l pou ou paske l pa konsidere w vre kòm fanm li. Wap bloke yon nèg serye ki te ka byen anvi avè w pou grenmesi...
5 – Pa meprize ni joure nèg kap ekri woubyen koze avè w sou pretèks kew angaje deja. Oh je suis prise poutan nèg la ap fè w monte le ciel pa do...
6- Sispann tounen ti bòn nan lave, pase, fè manje pou li, epi lakay li ankò wi souple. Banm poze w yon ti kesyon: Poukisa li pral marye avè w la? Bon ou deja jwe wòl madanm nan. W ap sezi wè li kwaze yon ti fanm nan 2 3 mwa ou wè maryaj li poste sou entènèt.
7- Pa janm dezobeyi paran w poutèt yon nèg ke w renmen. Paske anpil fwa se menm nèg sa ki pral fè’w pran pi gwo desepsyon devan fanmi w ak zanmi’w...
8- Pa janm prese ouvri janm ou bay yon nèg jis paske l di w lap marye avew, se yon moun tankou w li tap chèche, kote’w te ye depi tann dat sa. Soyez vigilantes les filles. Lè nèg bezwen plimen li fè pwomès pase Jovnel Moyiz.
9- Pa janm aksepte mennaj filme w pandan ou avel ap fè lanmou oubyen fè bagay. Se ak sa ankò li gen pou’l sèvi kòm presyon lè’w ta anvi kite l. Kenbe prestij ou ti chérie, pa sal imaj ou...
10- Pa janm aksepte rete ak yon gason kap leve men sou ou sou pretèks ke lap chanje yon jou. Sou pretèks ke’w renmen’l anpil e ke’w pa vle pèdi’l. Wap delivre wi men jou sa lap telman bat ou wap tou mouri, (Dezole si’m di sa, e se pa sam ta swete). Men fò’w sispann rete nan yon relasyon esklavaj...
11- Pa janm rete ak yon nèg kap banboche, pran fanm pasi pala sou pretèks ke pa gen gason ki fidèl. Ou bezwen anpil lapriyè ma fille paske OUI gen gason ki fidèl.
12- Pa janm panse ke depiw ansent pou li nèg la deja pou ou. Tu te trompes ma cocotte, gen twòp blofè deyò a, ansent pa ka fè yon nèg rete avew. Lè sa ou pral mete yon inosan sou tè a, yon timoun ki pral petèt pase mizè, ki pral pozew kesyon: manman kote papa’m, men’w pap ka reponn paske se nan nayivte w ke sa rive w. Ou te twò dezespere...
13- Pa rete ak neg ki fè w santi ke se yon gras li fè w paske l avè w. Lap pi fasil pou yon chamo pase nan yon je zegwi ke pou neg sa ta respekte w.
