09/04/2019
पिंपरी, दि. ९ (पीसीबी) – शगुन चौकातील एका कपड्याच्या गोडाऊनला आज (मंगळवार) पहाटे सहाच्या सुमारास अचानक आग लागली. आगीची माहिती अग्निशमन दलाला देण्यात आली.
घटनेची माहिती मिळताच संत तुकारामनगर अग्निशमन दलाचे जवान तातडीने घटनास्थळी दाखल झाले. साधारण तासाभराच्या प्रयत्नानंतर एका बंबाच्या सहाय्याने आग आटोक्यात आणण्यात यश आले. या आगीमध्ये कपाडा व्यापाऱ्याचे अंदाजे तीन लाखांचे नुकसान झाल्याचे समजते ज्यामध्ये नवीन टॉवेल, रुमाल आणि कपडे असा माल होता. आग शॉटसर्किटमुळे लागल्याचा अंदाज व्यक्त केला जात आहे.
आग अटोक्यात आणण्यात फायरमन संजय, कैलास वाघेरे, लक्ष्मण ओव्हाळे, निखील गोगावले, भावसार आणि विशाल फडतरे यांनी प्रयत्न केले.
