24/06/2026
एकचोटी पढनुस ल साथिहरू 😭😭
"मुटुमा बाँचेका यादहरू"🌿💗
संसार फेरियो, समय फेरियो, फेरिए अनेकौँ मोडहरू,
तर कहिल्यै फेरिएनन् मुटुमा बाँचेका ती यादहरू।
आँखा चिम्लँदा पनि आँखै अगाडि आउने,
हरेक धड्कनसँगै चुपचाप यो मनमा सलबलाउने।
केही अधुरा गफहरू, केही सँगै बिताएका पलहरू,
ओठले नबोले पनि यी आँखाले भनेका अनगिन्ती कथाहरू।
तस्बिर त धुमिल हुँदै जाला समयको गतिसँगै,
तर यादहरू ताजा रहन्छन् हरेक नयाँ बिहानीसँगै।
तिमी टाढा भएर के भो र, तिम्रो सामिप्य यहीँ छ,
मैले फेर्ने हरेक श्वासको सुगन्धमा तिम्रै आभास छ।
जति नै लुकाउन खोजे पनि आँसु बनी पोखिइहाल्छन्,
यी यादहरू नै त हुन्, जो मभित्र मभन्दा बढी बाँच्छन्।
साना क्षत्रृ🌺 ✍️🌿
