22/03/2021
😣ដូចដែលយេីងដឹងហេីយថា កំឡុងពេលមានការរុករាតត្បាតនៃមេរោគ COVID 19 រាជរដ្ឋាភិបាលនៃព្រះរាជាណាចក្រកម្ពុជាបាន អនុវត្តគោលការណ៍នៃការរៀនតាមប្រព័ន្ធ Internet (Study from home) ដែលតម្រូវអោយសិស្សរៀនពីផ្ទះ តាមរយៈZoom or Googlemeet ដែលក្នុងនោះរបៀបនៃការរៀនត្រូវបានផ្លាស់ប្តូរ ហេីយក៏ឃេីញមានផលប៉ះពាល់មួយចំនួនទៅលេីការសិក្សា។
☹️Admin ចាំថាថ្ងៃដំបូងនៃការរៀន Online ខ្ញុំអង្គុយរៀនធម្មតា ប៉ុន្តែបានមួយសប្តាហ៍ ក៏ចាប់ផ្តេីមមានអារម្មណ៍ថាខ្ជិល ខ្ជិលទាំងរៀបចំខ្លួនចូលរៀនព្រោះគិតថាក្រោកពីដំណេកមកគឺចូលថ្នាក់រៀនតែម្តងលេីសពីនេះបើកចោលទៅដេកតក៏មានដែរ។ ដោយសារតែខ្ជិលផង គ្មានភាពក្លាហានក្នុងការបើកកាមេរ៉ាផង ព្រោះខ្លាចខ្មាស់គេ ជាពិសេសខ្លាចគ្រូហៅសួរសំនួរតែម្តង។ បានមួយ Semester ទេីបដឹងថាការសិក្សារបស់ខ្លួនឯង មានការធ្លាក់ចុះខ្លាំងមែនទែន វាក៏ជាហេតុដែលធ្វើអោយយើងបាក់ទឹកចិត្តក្នុងការរៀនទៀត។
🤓ប៉ុន្តែក្រោយមក ចាប់តាំងពី Adminតាំងចិត្តថាបេីកកាមេរ៉ាអំឡុងពេលរៀនOnline មកឃេីញថាមានគុណប្រយោជន៍ជាច្រេីនដែលអាចជួយដល់ការសិក្សារបស់យេីង។
ថ្ងៃនេះដែរ Admin នឹងលេីកយកគុណប្រយោជន៏មួយចំនួន នៃការបេីកកាមេរ៉ា អំឡុងពេលរៀន Onlineមកប្រាប់អ្នកទាំងអស់គ្នា:
😇បង្កេីនការយកចិត្តទុកដាក់ : យើងអាចផ្តោតការយកចិត្តទុកដាក់លើការសិក្សាបាននិងមេរៀននៅពេលគ្រូពន្យល់បានល្អជាងមុនវាជាការផ្ដល់កំលាំងចិត្តអោយខ្លួនឯងបន្ថែមក្នុងការសិក្សាព្រោះថាពេលដែលយេីងបេីកកាមេរ៉ាយេីងអាចមេីលឃេីញពីរាល់សកម្មភាពរបស់ខ្លួនឯងបានច្បាស់ថាយេីងកំពុងធ្វេីអ្វីនៅម៉ោងរៀន។
😎បង្កេីនទំនាក់ទំនង : ជាធម្មតាពលយើងបានឃើញមុខគ្នាជាមួយគ្រូនិងអ្នករៀនជាមួយគ្នាធ្វេីឲយើងមានភាពជិតស្និតជាងមុនមិនថាតាមonlineឬខាងក្រៅ។ជាមួយគ្នាក្នុងពេលរៀនការឆ្លើយទៅវិញទៅមកជាមួយគ្រូក៏ច្រេីនជាងមុន។
😍បង្ហាញពីការគោរព : ការដែលបើក កាមេរ៉ាក៏ជាការបង្ហាញពីកាយវិការនៃការគោរពរបស់កូនសិស្សទៅកាន់លោកគ្រូ/អ្នកគ្រូ/សាស្រ្តាចារ្យផងដែរលេីសពីនេះទៅទៀតការដែលបេីកកាមេរ៉ាអាចជួយអោយលោកគ្រូ/អ្នកគ្រូ/សាស្រ្តាចារ្យ ងាយស្រួលតាមដានថាតេីកូនសិស្សកំពុងតែស្តាប់គាត់ពន្យល់ឬអត់ ព្រោះថាគាត់អាចមេីលតាមទឹកមុខតេីកូនសិស្សយល់នៅអ្វីដែលគាត់កំពុងតែពន្យល់ឬអត់ មិនតែប៉ុណ្ណោះ លោកគ្រូ/អ្នកគ្រូ /សាស្រ្តាចារ្យក៏មានទឹកចិត្តបង្រៀន ព្រោះពួកគាត់បានឃើញពីការខំប្រឹងរបស់យើងរាល់គ្នា។
😉Adminគិតថាពេលខ្លះ យើងមិនចាំបាច់បើកកាមេរ៉ាគ្រប់ពេលនោះទេ ។ យើងទាំងអស់គ្នាអាចបិទកាមេរ៉ានៅពេលម៉ោងសម្រាកនិង នៅពេលទៅបន្ទប់ទឹក ពេលខ្លះ Internet Slow រឺក៏មានបញ្ហាបច្ចេកទេសមួយចំនួន ដែលជាកត្តាមិនអាចអោយយេីងបេីកកាមេរ៉ាបាន ប៉ុន្តែការដែលយេីងបេីកកាមេរ៉ា ជាការលេីកទឹកចិត្តអោយយេីងមានការរៀបចំខ្លួនបានល្អអំឡុងពេលរៀន ដែលជះឥទ្ធិពលវិជ្ជមានមកការសិក្សារបស់យេីងដែរ។
