18/11/2026
أشياء محد يقولج عنها خلال مرحلة خسارة الدهون وبناء العضل بنفس الوقت (Body Recomposition).
مرحلة تغيير تكوين الجسم أبطأ من الدايت العادي، وأحياناً تصير فيها تغيّرات غريبة ما تتوقعينها.
وعشان جذي وايد بنات يوقفون قبل لا يبدون يشوفون النتايج!
خليني أقولج شنو الأشياء الطبيعية اللي ممكن تصير بهالمرحلة:
1. الميزان ما يتحرك لأسابيع
ممكن تكونين تخسرين دهون وتبنين عضل بنفس الوقت، فتكون التغيّرات مو واضحة على الميزان.
يعني نفس الرقم، بس جسمج قاعد يتغيّر!
2. ملابسج تتغيّر عليج قبل وزنج
ممكن تلاحظين إن الجينز صار أوسع أو الملابس قامت تضبط عليج بشكل مختلف، مع إن وزنج للحين نفسه.
عشان جذي لا تعتمدين على الميزان بروحه. القياسات وشكل الجسم هم مهمين.
3. تحسين بيوع أكثر بأيام التمرين
جسمج قاعد يبذل مجهود أكبر ويحتاج طاقة أكثر، فمن الطبيعي تحسين بيوع زيادة ببعض أيام التمرين.
وهذا مو معناته إن إرادتج ضعيفة، بالعكس، ممكن يكون جسمج قاعد يطلب طاقة يحتاجها.
4. تحسين جسمج صار أنعم قبل لا تبين تفاصيل العضلات
لما تاكلين كمية كافية، جسمج يخزّن كربوهيدرات على شكل جلايكوجين، ومعاه ماي.
هالشي ممكن يخلي شكل العضلات أقل تحديداً بشكل مؤقت.
ومع الاستمرار بالتمرين والتغذية المناسبة، ممكن تبدين تلاحظين تفاصيل العضلات أكثر مع الوقت.
5. مو كل أسبوع راح يكون أداؤج بنفس المستوى
النوم، التوتر، الدورة الشهرية، وضغط الدوام… كلها أشياء تأثر على طا