26/08/2026
හිතක් පුරාවට සුවඳ පුරෝගෙන
නුඹෙ රුව මං සිහිපත් කළා...
පෙමක් මවා නුඹ දුන්න කඳුළු කැට
ඒ රුව බොඳ කර හිනැහුණා...
නුඹයි මගේ පණ මැණික නුඹේ ළඟ
සදහට මං ඉන්නම් කියා...
වැලිපිල්ලේ නුඹ ලියූ පොරොන්දුව
මගෙ හදෙ සදහට ලියවුණා...
මගේ නෙතේ නුඹ නුඹේ නෙතේ ඇය
ඉරණම සිත්තම් කළ නිසා....
වටහාගෙන මං වාවාගෙන සිත
නුඹෙ රුව ක්ෂිතිජයේ සැඟවුවා...
පුන් පොහො රෑ හැම පායන විට සඳ
ඒ එලියෙන් ඇය බැබලුනා....
තරුකැට එළියක් සොයා මගේ හිත
අහසම පීරා වෙහෙසුනා....
✍️ Ovinya Sathsarani
