28/02/2026
දිට්වා....
කඳු මුදුන් වල හරිත පැහැගත් සේද සලුපිලි උදුරලා
හිත් සේප්පුවෙ හීන රැඳවූ දනගෙ ජීවිත කලඹලා
හැඟුම් පුබුදන හීන් වැහි බිඳු මහා රකුසෙකු මෙන් වෙලා
සදා නොමැකෙන මතක දී ගොස් මාස තුනකුත් ගත වෙලා
පුංචි කාලෙදි බැඳුණු සොහොයුරු බැමිත් පස් යට සැඟවුණා
වැස්සෙ ගුලි වී සෙව්ව නිදිසුව පින්න දැක්කත් යයි පලා
එකම පවුලක් ලෙසටවුන් ගම් වැසියො සී සී කඩ වෙලා
සුසුම් හෙලමින් දිට්වා සැදු මඟ දුවයි පිලිසරණක් සොයා
අසරණව කඳුළින් පෙඟුන නෙත් අගට සිනහව ඔබ්බලා
යළිත් නැගිටින ලෙසට අත්වැල් පැටලුවා ලක්දිව සැරිසරා
පදවි තනතුරු පසෙකලා මිනිසත් ගුණේ හද පුරවලා
එකමුතුව බැඳි මිනිස් පවුරක් දිට්වා පරදා නැගිටලා
Ovinya Sathsarani
