05/02/2026
“සතුට කියන්නෙ ගමනාන්තයක් නෙමෙයි,
අපි මේ යන ගමන ඇතුළදිම අත්විඳින්න ඕන දෙයක්.”
මේක නිකන්ම නිකන් කියමනක් නෙමෙයි,
මේකට ඇත්තටම තියෙන්නෙ හරි ගැඹුරු තේරුමක්.
අපි හිතමු, ඔයා කන්දක් නගින්න යනවා කියලා. ඔයාගෙ ඉලක්කය (ගමනාන්තය) කන්ද මුදුනට යන එක.
🍄 අන්න ඒ ගමනාන්තයේදි තමයි ඔයාට සතුට ලැබෙන්නෙ කියලා හිතුවොත්, ඔයා කන්ද නගින මුළු වෙලාවෙම ඉන්නේ පීඩනයෙන් සහ මහන්සියෙන්.
"කවදාද මේක ඉවර වෙන්නේ?", "තව කොච්චර දුර තියෙනවද?" කියලා ඔයා වද වෙන්න පටන් ගන්නවා.
ඔයා සතුටු වෙන්නේ කන්ද මුදුනටම ගියොත් විතරයි. ඒ සතුටත් විනාඩි කිහිපයකින් ඉවර වෙන්න පුළුවන්.
🍄 ඔයා කන්ද නැඟගෙන යන ගමන, ඔයා යන්න ඕන විදිහ තමයි ඔයාට ඇත්තටම සතුට ගේන්නෙ කියලා හිතුවොත්,
ඔයා කන්ද නගින අතරමග දකින ලස්සන පරිසරය විඳින්න ගන්නවා. සිසිල් සුළඟ විඳිනවා. යන මග හමුවෙන මිතුරන් එක්ක හිනාවෙනවා.
එතකොට ඔයා කන්ද මුදුනට යනකම් විතරක් නෙවෙයි, මුළු ගමන පුරාම ඉන්නෙ හරිම සතුටින්.
අපි හැමෝම හිතන්නේ "මට හොඳ ආදායමක් ලැබුණම මම සතුටු වෙන්නම්", "මම ගෙයක් හැදුවම සතුටු වෙන්නම්" කියලා.
⭕️ හැබැයි අපි සැලසුම් කරන ඉලක්ක ලඟා කරගන්න ලැබුණට පස්සේ අපිට තවත් අලුත් ඉලක්කයක් ලැබෙනවා.
එතකොට අපි දන්නෙම නැතුව සතුට කියන එක හැමදාම අපෙන් ඈතට යන්න ගන්නවා.
ඉතිං,
🌞සතුට කියන්නේ අනාගතයේ ලැබෙන දෙයක් නෙවෙයි. දැන් ඔයා කරන දේ මොකක් වුණත් ඒ තුළින් සතුට සොයා ගැනීමයි.
🌞සතුට කියන්නේ බාහිරින් ලැබෙන දෙයකට වඩා, අපි සිදුවීම් දිහා බලන ආකාරයයි.
🌞 සතුට කියන්නේ ලොකු ඉලක්කයක් දිනනකල්ම ඉන්නේ නැතිව, ඒ වෙනුවෙන් අපි ගන්න පුංචි පියවර ගැනත් ආඩම්බර වෙන එකයි.
කෙටියෙන් කිව්වොත්,
සතුට කියන්නේ ජීවිතයේ අවසානයේ ලැබෙන තෑග්ගක් නෙවෙයි, අපි ජීවත් වන සෑම දවසකම අත්විඳිය යුතු දෙයක්. 🥹❤️💫
✍ මම, Ishara Somarathna - Upmind
