04/06/2026
සමනලයෙකුට තමන්ගේම තටුවල සුන්දරත්වය නොපෙනුණාට,
මුළු ලෝකයම උන් දන්නවටත් වඩා මහ හුඟක් හැඩ කරනවා..
අපේ ජීවිතත් ඒ වගේ..
සමහර වෙලාවට අපේ ඇතුළාන්තයේ තියෙන ශක්තිය සහ වටිනාකම් අපිට පේන්නෑ..
අපිට පේන්නෙ අපේ අඩුපාඩු, අපේ වැරදීම් සහ අපිට නැති දේවල් විතරයි..
ඒත් ජීවිතේ අභියෝග ඉස්සරහ නොවැටී ඉදිරියට යද්දි,
අපි හිතපු තරම් දුර්වල නැහැ කියලා අපිටම තේරෙන්න පටන් ගන්නවා..
සමහර කුණාටු අපේ ජීවිතේට එන්නෙ අපිව බිඳ දාන්න නෙවෙයි,
අපි තුළ සැඟවුණු ශක්තිය අපිටම පෙන්නලා දෙන්න..
ඒ නිසා තමන් ගැන සැක කරන්න කලින්,
තමන් කොච්චර දුරක් ඇවිත් තියෙනවද කියලා මොහොතක් හැරිලා බලන්න..
අද ඔයා සාමාන්ය දෙයක් විදිහට දකින බොහෝ දේවල්,
කවදාවත් ඔයාට නොලැබෙයි කියලා ඔයාම හිතපු ඔයාගෙම හීන වෙන්නත් පුළුවන්..
තමන්ගේ වටිනාකම මුළු ලෝකයම පිළිගන්නකම් බලාගෙන ඉන්න ඕන නෑ..
මල් පිපෙන්නෙ කවුරුත් බලනවද කියලා හොය හොයා නෙවෙයි..
සමනලයෙක් පියාඹන්නෙ තමන් ලස්සනද කියලා දැනගෙන නෙවෙයි..
ඉර පායන්නෙ තමන් කොච්චර ලොකු සේවයක් කරනවද කියලා දැනගෙන නෙවෙයි..
ඒ වගේම ඔයාට නොපෙනෙන තරම් වටිනාකම් ඔයා ළග ඇති,
ඔයාට නොදැනෙන තරම් ශක්තියක් ඔයා ළග ඇති,
ඔයා හිතනවටත් වඩා දුරක් යන්න පුළුවන් ශක්තිමත් කෙනෙක් වෙන්න ඇති..
මොන දේ අවතක්සේරු කරත් කිසි දවසක තමන් තමන්වම අවතක්සේරු කරන්න එපා... 🦋
