28/04/2026
🚀 අඟහරු වෙත යන පලවෙනි කණ්ඩායමේ සාමාජිකාවක් වෙන්න පුහුණු වෙන
අයින්ස්ටයින් ගානටම බුද්ධිමත්, අවුරුදු 11හේ අභ්යවකාශ කුමාරිය - අධාරා පෙරේස් 🌟
අපි හැමෝම ජීවිතේ මොනවා හරි බාධකයක් ආවාම ලේසියෙන්ම වැටෙනවා. හැබැයි අද මම ඔබට කියන්න යන්නේ, ලෝකයම තමන්ට හිනා වෙද්දි, තමන්ව කොන් කරද්දි, ඒ හැමදේම පරාජය කරලා අවුරුදු 11ක් වෙද්දි ලෝකයේම අවධානය දිනාගත්තු පුංචි දුවෙක් ගැන. ඇය නමින් අධාරා පෙරේස් සැන්චෙස් (Adhara Pérez Sánchez).
මේ කතාව කියවලා ඉවර වෙද්දි ඔයාලටත් හිතෙයි, අපිට බැරි දෙයක් නෑ කියලා.
🛑අධාරා උපන්නේ මෙක්සිකෝවේ සාමාන්ය පවුලක. ඇය ටිකක් වෙනස් ළමයෙක් කියලා අම්මලාට දැනෙන්න ගත්තේ ඇයට අවුරුදු 3ක් විතර වෙද්දි. ඇය අනිත් ළමයි වගේ නෙවෙයි. ඇගේ හැසිරීම් රටාව වෙනස්. වෛද්යවරුන් පරීක්ෂා කරලා කිව්වේ ඇයට ඔටිසම් (Autism Spectrum Disorder) තත්ත්වය තියෙනවා කියලා.
සාමාන්යයෙන් ඔටිසම් තියෙන දරුවෙක් ගැන ඇහුවම සමාජය හිතන්නේ ඒ දරුවා අසාමාන්යයි, දුර්වලයි කියලා. අධාරාගේ පාසල් ජීවිතයත් ඒ තරම් ලස්සන වුණේ නැහැ. ඇය ඉගෙන ගත්තු ඉස්කෝලේ යාළුවෝ ඇයට විහිළු කළා.. ගුරුවරු පවා හිතුවේ ඇයට ඉගෙන ගන්න බැහැ කියලා. පාසල් යන එක අධාරාට ලොකු පීඩනයක් වුණා. ඇය මානසිකව වැටුණා.
💡 දිනක් අධාරා ඇගේ අම්මට කිව්වා ඇයට තවදුරටත් මේ හිරිහැර ඉවසන්න බැහැ කියලා. හැබැයි අධාරාගේ අම්මා ඇයව අත්හැරියේ නැහැ. ඇය තේරුම් ගත්තා තමන්ගේ දුව අනිත් අයට වඩා වෙනස් විදියකට හිතන කෙනෙක් කියලා. අම්මා ඇයව වෙනත් අධ්යාපන ක්රමයකට යොමු කළා.
එතනදි තමයි මුළු ලෝකයම හොලවන ඒ සත්යය අනාවරණය වුණේ...
අධාරාගේ IQ මට්ටම පරීක්ෂා කරපු වෛද්යවරු පුදුම වුණා. ඇගේ IQ අගය 162 ක්... ඔබට හිතාගන්න පුළුවන්ද ඒක කොයි වගේ අගයක්ද කියලා? ලෝක ප්රකට විද්යාඥ ඇල්බට් අයින්ස්ටයින්ගේ සහ ස්ටීවන් හෝකින්ගේ IQ අගය විදියට සැලකෙන්නෙත් 160 ක්. ඒ කියන්නේ මේ පුංචි අධාරා ඒ ශ්රේෂ්ඨ විද්යාඥයන්ටත් වඩා බුද්ධිමත්
🎓 සාමාන්ය ළමයෙක් අවුරුදු 7 දී ඉන්නේ පළවෙනි දෙවෙනි වසරේ. හැබැයි අධාරා අවුරුදු 7 වෙද්දි ඇගේ පාසල් අධ්යාපනය (High School) සම්පූර්ණයෙන්ම ඉවර කළා. අවුරුදු 10 වෙද්දි ඇය පද්ධති ඉංජිනේරු විද්යාව (Systems Engineering) පිළිබඳ උපාධිය ලබාගත්තා.
අද වෙද්දි, ඒ කියන්නේ වයස අවුරුදු 11ක් වැනි ඉතාම කුඩා වයසකදී, අධාරා ගණිතය පිළිබඳ පශ්චාත් උපාධියක් (Master's Degree in Mathematics) හදාරනවා. ඇගේ ඉලක්කය මොකක්ද දන්නවද?
"මට ඕන නාසා (NASA) ආයතනයට යන්න. අඟහරු ලෝකය ජය ගන්න මට දායක වෙන්න ඕනේ..."
ඇය නිකම්ම හීන දකින්නියක් නෙවෙයි. ඇය මේ වෙද්දිත් අභ්යවකාශය පිළිබඳ පර්යේෂණවලට සම්බන්ධ වෙන්න අවශ්ය සුදුසුකම් සපුරා ගනිමින් ඉන්නවා.
✨ කෙනෙක්ට ඔටිසම් තිබුණා කියලා හෝ වෙනත් විශේෂ අවශ්යතාවයක් තිබුණා කියලා ඔවුන් දුර්වල වෙන්නේ නැහැ. ඔවුන්ට තියෙන්නේ අපිට වඩා වෙනස් විදිහේ දක්ෂතාවයක්.
ඇයට පාසලේදී කරපු අපහාස වලට ඇය සැලුණා නම්, අද ලෝකයට මේ දක්ෂ දැරිය දකින්න ලැබෙන්නේ නැහැ.
ඇගේ අම්මා ඇයව විශ්වාස නොකළා නම් අධාරා අදත් කොන් වුණු දරුවෙක් විතරයි.
🚀 අධාරා කියන්නේ බාධක මැදින් තරු අතරට යන්න උත්සාහ කරන ධෛර්යවන්තියක්. ඇය තමන්ට හිනා වුණු ලෝකයට උත්තර දෙන්නේ තමන්ගේ දක්ෂතාවයෙන්. අනාගතයේ අඟහරු ලොවට යන පළමු කණ්ඩායමේ සාමාජිකාවක් වීමයි ඇගේ හීනය,
අද ඔබත් ජීවිතේ වැටිලා ඉන්නවා නම්, කවුරු හරි ඔබට බාධාවක් කරනවා නම්, අධාරා දිහා බලන්න. අයින්ස්ටයින්ටත් වඩා වේගයෙන් හිතන මේ පුංචි දුව අපිට දෙන පණිවිඩය එකයි... ඔ
මේ අපූරු දැරියගේ අනාගත හීන හැබෑ වෙන්න කියලා අපි හැමෝම සුබ පතමු ❤️🚀
