29/06/2025
شحال بقا فيا هاد الولد.. هاد الشاب سميتو "محمد بوهدوم" من خيرت شباب مدينة أكادير، أخينا محمد طالب متخلق ويجري في الخير وحامل لكتاب الله، قبل اسبوع وبالضبط في مثل هذا اليوم السبت سافر إلى مدينة الدار البيضاء لطلب العلم وباش يكمل قرايتو في العلوم الشرعية، محمد قبل إلتحاقه بزملائه في المدرسة كانت الحرارة بزاف مشا هو والصديق ديالو لشاطئ عين الدياب باش يتبردو شويا ويبدلو الجو، محمد دخل للبحر باش يعوم ولكن مع الأسف مرجعش مزال، الصديق ديالو لي كان معاه بقا جالس حدا أغراض محمد كيتسناه يخرج من الماء ولكن محمد ماخرجش، صاحبو بقا كيتسناه يرجع بفارغ الصبر دازت ساعة وساعتين تشطن عليه بزاف ناض كيقلب ويسول عليه في الشاطئ ولكن محمد غبر ليه الأثر دخل يعوم مع الثانية ضهرا والصديق ديالو ماخلا فين قلب عليه حتى أذان المغرب ملي فقد الأمل إتصل بالوالدين ديالو باش يخبرهم، تخيل الصدمة ديالهم فاش يسمعو هاد الخبر شدو الطريق ديك ساع من أكادير إلى الدار البيضاء مخلاو فين قلبو عليه في سبيطارات وكوميساريات ولكن للأسف حتى كتابة هذه السطور محمد باقي غابر ليه الأثر وحتى واحد معارف المصير ديالو، كاين إحتمال كبير انه يكون غـ..ـرق والجـ..ـثة ديالو باقي مخرجهاش البحر، والديه مشوشين عليه بزاف الاب ديالو مصدوم والام كل نهار كتقول ولدي غادي يرجع دبا دازت صيمانة وباقي مابان، محمد إنسان درويش وكولشي عزيز عليه مسكين يلاه ساهم بماله الخاص في شراء بعض الأفرشة للمسجد وشرا بعض اللوازم للطلبة بغينا كولشي يدير معانا يديه فهاد المنشور وتنشرو صورة ديالو على نطاق واسع وتخليو ليه شي دعوة الخير أملنا في الله لعله يبان فتقر أعيننا بإيجاده سواءا مـ..ـيتا أو حيا 🙏🏻😥
