Naima Couture

16/08/2026

#اكسبلور

15/08/2026

#اكسبلو

14/08/2026

13/08/2026

بعض المتابعات سألوني على القياس الأساسي للكتف والكم، خصوصًا المبتدئات اللي مازال ما واضحش عندهم منين خاصهم يبداو القياس.

لهذا عاودت شرحت هاد النقطة ولكن باختصار وبطريقة مباشرة، لأن فهم القياس الأساسي مهم قبل ما ننتقلو لطريقة تفصيل الجلابة المخزنية، اللي عندها نظام مختلف في القياسات.

📌 أهم نقطة: قياس الكم كنبدأوه من نفس النقطة اللي سالينا فيها قياس الكتف.

إلا كانت عندك شي نقطة ما واضحة، كتبيها ليا فالتعليقات، ونشوفوها مع بعضنا ❤️


#القياسات

11/08/2026

بعد ما شرحت ليكم طريقة تفصيل الجلابة المخزنية، راسلوني بعض المتابعات بسؤال:
كيفاش ناخد القياس الأساسي للكتف والكم اللي غادي نبني عليه قياس الجلابة المخزنية؟

لهذا عاودت ليكم هاد النقطة باختصار، خصوصًا للمبتدئات اللي مازال ما واضحش عندهم القياس الأساسي.

📌 قياس الكتف كناخدوه من مفصل الكتف اليمين حتى مفصل الكتف اليسار، ومن نفس النقطة اللي سالينا فيها قياس الكتف، كنبدأو قياس طول الكم.

وهذا هو القياس الأساسي اللي غادي تحتاجيه قبل ما تطبقي طريقة قياس الجلابة المخزنية.

إلا كانت هاد النقطة واضحة عندك، قولي ليا فالتعليقات: واضح ✅
#اكسبلور

10/08/2026

اليوم غادي نورّيك الطريقة ديال رسم القب ديال الجلابة المخزنية، وبطريقة بسيطة وواضحة، بلا ما نعقدو الأمور وبلا ما نضيعو الوقت فالتفاصيل اللي ما عندهاش داعي.

وخا هاد الخطوات بسيطة، ركز معايا مزيان، حيث الدقة فهاد المرحلة هي اللي غادي تعاوننا من بعد نوصلو للنتيجة اللي بغينا.

يلا، خلي الورقة والقلم حاضرين... ونبدأو مع بعضياتنا خطوة بخطوة. ❤️

« وهكذا نكونو وصلنا لنهاية سلسلة الجلابة المغربية المخزانية.
بدينا من الامام والخلف، وراس الكم، والقب... وكل خطوة كانت مبنية على اللي قبلها.
إذا تابعتي السلسلة كاملة، فأنتِ ما تعلمتيش غير ترسمي جلابة... تعلمتي كيفاش تفكري فالخياطة.
وهذا هو الهدف الحقيقي من هاد السلسلة. ❤️ »

« ولكن الرحلة ما سالاتش... لأن الدرس الجاي غادي ندخلو به لمرحلة جديدة، وفيها غادي نزيدو نبنيو على نفس المنهج. »
#اكسبلور

09/08/2026

🧵 الكم ديال الجلابة المخزنية | الجزء الجديد

اليوم خدمنا مع بعضياتنا على الكم، وبغيتكم تركزو مزيان على القواعد اللي كنطبقو، حيث ملي كتفهم قواعد اللعبة، كتولي قادر ترسم الباترون ديال موديلات مختلفة، وما كتبقاش تابع غير لخطوات محفوظة. 😉

وهاد الشي غير البداية...

الجزء الجاي غادي يكون على القب، وغادي تشوفو أنه أبسط وأسهل مما كاتتصورو. 👀

إلى كانت شي نقطة فهاد الجزء ما واضحةش ليك، أو عندك سؤال، خليه ليا فالتعليقات 👇

تسناو الجزء الجاي، ومازال عندنا بزاف ديال الأسرار والتفاصيل اللي غادي نتعلموها خطوة بخطوة. ❤️
#اكسبلور

08/08/2026

✨ الجلابة المخزنية | الجزء الخلفي وبعض النصائح

💡 نصيحة: ما تستعجلوش فالخطوات الأولى، حيث الدقة فالبداية كتفرق بزاف فالنهاية.

وهاد الشي غير البداية… 😉
باقي معانا الكم، القب، وباقي التفاصيل ديال الجلابة المخزنية، وغادي نتعلموهم مع بعضياتنا خطوة بخطوة حتى النهاية.

📌 عندك شي حاجة ما فهمتيهاش فهاد الجزء؟
شي خطوة بغيتي نشرحها أكثر؟
أو عندك سؤال على الجلابة المخزنية؟

خليه ليا فالتعليقات 👇 وغادي نجاوبكم عليه فالأجزاء الجاية.

وتسناو الجزء الثاني… الجاي أحلى إن شاء الله ❤️