31/05/2026
သို့… လူကလေး
ကျန်းမာရေးကို ဂရုစိုက်ပါ လူကလေးရေ…
လူ့ဘဝဆိုတာ အချိန်ခဏတာလေးပါပဲ။ အဲဒီအချိန်ခဏတာလေးကို လှလှပပ ရှင်သန်နိုင်ဖို့ဆိုရင် ကျန်းမာနေဖို့ လိုတယ်။
လတ်ဆတ်တဲ့လေကို ရှူရှိုက်ပါ။ အဆိပ်ငွေ့တွေကို ခန္ဓာကိုယ်ထဲ ဘာကြောင့် သွင်းနေမှာလဲ။ ဒါကြောင့် စီးကရက်တွေ လျှော့သောက်ပါ။ အရက်တွေကိုလည်း အလွန်အကျွံ မသောက်ပါနဲ့ လူကလေးရယ်။
နင် ကျန်းမာနေမှ သဘာဝရဲ့ အလှအပကို မြင်နိုင်မယ်။ လေညင်းရဲ့ အေးမြမှုကို ခံစားနိုင်မယ်။ မိုးရနံ့ရဲ့ ချိုမြိန်မှုကို နားလည်နိုင်မယ်။ သစ်ပင်စိမ်းစိမ်းတွေကြားက ငြိမ်းချမ်းမှုကို ထိတွေ့နိုင်မယ်။
တစ်နေ့နေ့မှာ သဘာဝကို ချစ်တတ်လာတဲ့အခါ ရှင်သန်ခြင်းရဲ့ အနှစ်သာရကိုလည်း နားလည်လာလိမ့်မယ်။ ဘဝကို အလျင်စလို ဖြတ်သန်းနေတာမဟုတ်ဘဲ အခိုက်အတန့်တိုင်းကို တန်ဖိုးထားတတ်လာလိမ့်မယ်။
ဒါကြောင့် လူကလေးရေ…
ကိုယ့်ကိုယ်ကိုယ် ဂရုစိုက်ပါ။
ကျန်းမာအောင် နေပါ။
ဘဝရဲ့ လှပတဲ့အရသာတွေကို အချိန်မီ ခံစားနိုင်ဖို့လေ
…🍀🌲🍀
🍀
