13/06/2023
နိုင်ငံခြားထွက်ဖို့ ငွေချေးမည့်သူမရှိတာနဲ့ အိမ်ပေါင်ပြီးထွက်ခဲ့ရ . .
သဘ်ောသားဖြစ်ချင်ခဲ့ပေမယ့် ကူညီမယ့်သူမရှိခဲ့တော့ ရန်ကုန်မှာ အချိန်ပိုင်းအလုပ်လုပ်ပြီး အင်တာဗျူးတိုင်းလိုက်ဖြေခဲ့ပြီး နိုင်ငံခြားသွားဖို့ အင်တာဗျူးအောင်တော့ ငွေသွင်းဖို့ ၁၀ သိန်းမရှိတာနဲ့ ဖေဖေခဗျာမှာ လိုက်ချေးခဲ့ပေမယ့် ဘယ်သူမှမချေးတာနဲ့ အိမ်စာချုပ်လေးကို ယူပြီး မိတ်ဆွေတစ်ယောက်ဆီမှာ ငွေသွင်းဖို့နဲ့ ပစ္စည်းလေးတွေဝယ်ဖို့ ၁၅ သိန်းနဲ့ ပေါင်ခဲ့ရပါတယ် . . .
အဂ်လိပ်စာ သင်တန်းတက်ဖို့ အချိန်မရှိ သင်တန်းကြေးမရှိတာနဲ့ Speaking စာအုပ်တွေဝယ်ဖတ် . . . meaning တွေကျက်နဲ့ပေါ့ . . . ညဆို စားပွဲထိုး နေ့ဆို အင်တာဗျူးတွေပေါ့ . . . ကွန်ပျူတာသင်တန်းလည်း မတက်နိုင်ခဲ့တော့ ကွန်ပျူတာ လက်ကွက်တွေနဲ့ short cut key တွေ အလွတ်တွေကျက်နဲ့ ရုန်းကန်ကြိုးစားခဲ့ရတယ် . . .
လူငယ်ဆိုတာ အသက် ၂၀-၂၅ မှာ တကယ်မကြိုးစားထားရင် အသက် ၃၀ ကျော်တာနဲ့ စပြီးဒုက္ခရောက်တော့တာပဲ . . .
ဒါကြောင့်လူငယ်တွေကို ကျွန်တော်အမြဲဆုံးမလေ့ရှိတယ် အချိန်ရှိတုန်း ငယ်တုန်း ရည်မှန်းချက်လေးတွေချမှတ်ပြီး နေ့စဉ်ဘဝတွေကို ဖြတ်ကျော်ဖို့ အတွက်ပေါ့ . . .
လူငယ်ဆိုတာ နေ့ရက်တိုင်းက ရွှေပါပဲ . . . အရမ်းတန်ဖိုးရှိတယ် . . . လွတ်လပ်တယ် . . . ချယ်လှယ်နိုင်တယ် . . . အချုပ်အနှောင်တွေနဲ့ ပူပင်သောကတွေက နည်းသေးတဲ့အချိန်ပေါ့ ( လူကြီးဖြစ်လာရင် ကြုံရတဲ့ ပူပင်သောကနဲ့ ယှဉ်ပြထားတာပါ )
နေ့ရက်တိုင်းမှာ ကိုယ့်ရဲ့ အနာဂါတ်အတွက် ဒီနေ့ဟာ အရေးပါဆုံး၊ နေ့တိုင်းဟာ အရေးပါဆုံးဖြစ်နေဖို့လိုပါတယ် . . .
လူငယ်အများစု ကျွန်တော့်ဘဝထက် အခွင့်အရေးတွေ အများကြီးရှိနေကြပါတယ် . . .
အမှန်တကယ် တိုးတက်ချင်တဲ့ လူငယ်တွေတိုင်း တကယ်ကိုတိုးတက်ကြပါတယ် . . .
အခုရက်ပိုင်း ညီငယ်တစ်ချို့ ဆရာ့ကို အားကျတယ်ဆရာ . . . ဆရာ့လို ဖြစ်ချင်တယ် ဘယ်လိုလုပ်ရမလဲတဲ့ . . .
ကျွန်တော်မေးကြည့်လိုက်တိုင်း သူတို့ရဲ့နေ့ရက်တိုင်း၊ လုပ်ရပ်တိုင်းက အရမ်းကို ပေါ့ဆပြီး ကြိုးစားချင်စိတ်နည်းတာတွေ့ရတယ် . . .
တစ်ချို့လောက်ပဲ တကယ်ကြိုးစားရုန်းကန်ချင်စိတ်၊ တုံးတိုက်တိုက် ကျားကိုက်ကိုက် စိတ်မျိုးရှိကြတယ် . . .
တိုးတက်ချင်တယ် . . . ဒါပေမယ့် အလုပ်ဆိုရင် နားရက်လေးနဲ့မှ . . .
တိုးတက်ချင်တယ် . . . အဝတ်အစားဆို Brand နဲ့မှ . . .
တိုးတက်ချင်တယ် . . . ပွဲတိုက်းတက်လိုက်ရမှ . . .
တိုးတက်ချင်တယ် . . . သူငယ်ချင်းတွေကို အချိန်ပေးလို့ကို မပြီးနိုင်ဘူး . .
တိုးတက်ချင်တယ် . . . သူများ Party ဆိုကိုယ်ကလည်း Party . . .
တိုးတက်ချင်တယ် . . . သူများ Bar ကို ကို Bar မှ ဆိုတော့ စဉ်းစားကြည့်ပါ . . . တိုးတက်ခြင်းဆိုတာ ထိုက်တန်တဲ့ ပေးဆပ်မှုတွေမှလေ . . .
ချမ်းသာပြီးသားသူတွေနဲ့ ကိုယ့်ကိုကိုယ် ယှဉ်ဘောင်မတန်းမိပါစေနဲ့ . . .
လူငယ်ရဲ့ဘဝက နေ့ရက်တိုင်းကို ရွှေလိုတန်ဖိုးထားပြီး လုပ်ရပ်တိုင်းက မှတ်ကျောက်တင်နေဖို့ လိုအပ်တယ်ဆိုတာ သိစေချင်ပါတယ် . . .
ကျွန်တော် မိသားစုကို ထောက်ပံ့ခဲ့ပြီး ညီမငယ်တွေကို ဘွဲ့တွေရအောင်ထားနိုင်ခဲ့ပြီး အခုဆို စီးပွါးရေး လုပ်ငန်းခွဲတွေ ခွဲပေးနိုင်ခဲ့ပါတယ် . . .
ဝန်ထမ်းဆိုလည်း ၁၂၀ အထိ နေ့စဉ်အလုပ်ပေးထားနိုင်ခဲ့ပါတယ် . . .
ဒီလိုဖြစ်ဖို့ နေ့စဉ် ငိုကြွေးခဲ့ရတဲ့ နေ့ရက်တွေ မနည်းဘူး . . . ကြုံတွေ့ခဲ့ရတဲ့ လောကဓံကို ရင်ထဲမခံစားနိုင်တဲ့အချိန်တွေမှာ အလိုလို မျက်ရည်တွေနဲ့ပါ . . .
ဒါပေမယ့် ကိုယ့်ဘက်မှာ ဘယ်သူမှ ရှိမနေသည့်တိုင်အောင် ကျရှုံးလို့မဖြစ်ဘူး . . . လက်လျော့လိုက်လို့မရဘူးဆိုတာကို ရင်ထဲမှာ ထားပြီး အခက်အခဲပေါင်း သောင်း ခြောက်ထောင်မက ကျော်လွှားခဲ့ရပါတယ် . . .
ညီငယ် ညီမငယ်တွေကို နောက်ဆုံးပြောရရင် ကြိုးစားပါ . . . မပေါ့ဆပါနဲ့ . . . ကိုယ့်ရဲ့ ရွှေလိုတန်ဖိုးရှိတဲ့ နေ့ရက်တွေကို အလဟသ မဖြုန်းမိပါစေနဲ့ . . . အခုမပျော်နဲ့ နောင်မှာပျော်ရွှင်တဲ့ဘဝနဲ့ နေနိုင်အောင်ကြိုးစားဖို့လိုတယ်ဆိုတာ မမေ့ပါနဲ့ . . .
Crd Han Thu Lwin
