https://www.facebook.com/103491422230402/

Royal Media, ThaKhinBaSein(MyaMyintZu)Street, Yangon (2026)

05/06/2026

“မူလရိုက်ထားတဲ့ ဇာတ်ကားတွေလောက် ဇာတ်လမ်း၊ဇာတ်အိမ် အားမကောင်းဘူးဆိုရင်တော့ ကျွန်တော်တို့ ရိုက်ချင်မှလည်း ရိုက်မယ်ပေါ့နော်။ အဓိကတော့ ဇာတ်လမ်းနဲ့ပဲ ဆိုင်ပါတယ်။ ကာရိုက်တာတွေ ဆိုတာကတော့ နောက်တစ်မျိုးတော့ ရှိကောင်းရှိလာနိုင်တယ် ဒါပေမယ့် ဇာတ်အိမ်၊ဇာတ်လမ်း ဖွဲ့စည်းမှုက နောက်တစ်ကားရိုက်ဖို့အတွက် လုံလောက်တယ်ဆိုရင်တော့ တစ်မျိုးပေါ့နော်။ ရိုက်တာတော့ ကျွန်တော်အစုံရိုက်ပါတယ်။ ဒါပေမယ့် ပရိသတ်ရဲ့trend ရယ်နဲ့ ဒီဇာတ်ကားအတွက် တကယ်လိုအပ်တဲ့ ပုံစံမျိုးကိုတော့ ဦးစားပေး ရိုက်နေပါတယ်။ကာရိုက်တာတွေ ပြန်လုပ်ခြင်း၊မလုပ်ခြင်းထက် ဒီဇာတ်လမ်းက ဘယ်လောက်ထိ ဆွဲဆောင်မှုရှိလည်းပေါ့၊ပရိသတ်အပေါ်မှာ ဘယ်လောက်ထိ အကျိုးပြုနိုင်မလဲ ဆိုတဲ့အပေါ်ပဲ မူတည်ပါတယ်။ ကျွန်တော်တို့ စီစဉ်ထားတဲ့ ဇာတ်လမ်းတွေလည်း ရှိပါတယ်။”

သရုပ်ဆောင် နေတိုးနှင့် တွေ့ဆုံမေးမြန်းခြင်း….

#နေတိုး

04/06/2026

“ခုနောက်ပိုင်း ဒရာမာကားတွေ ရိုက်ဖြစ်ပါတယ်။ ဒီနှစ်ထဲမှာလည်း ဒရာမာကားတွေရိုက်နေပါတယ်။ ထွက်လာမယ့် ကားတွေကလည်း ဒရာမာဇာတ်ရုပ်တွေ ပေါ့နော်။ ဒီနှစ်ထဲဆို 'အဝါ ရောင်ထီး'တို့ဘာတို့ကလည်း ဒရာမာတွေပဲလေ။ ကားကြီးတွေလည်း ရှိပါတယ် ၊ မရှိဘူးဆိုရင်တောင် ဒီ(၂၀၂၆)မှာ (၈)ကားလောက်တော့ ရှိမယ်။”

သရုပ်ဆောင် နေမျိုးအောင်နှင့် တွေ့ဆုံမေးမြန်းခြင်း…..

#နေမျိုးအောင်

04/06/2026

“ဒီ 'ကုန်းဘောင်မင်းဆက်'ကိုတော့ မန္တလေးနဲ့ အမရပူရဖက်မှာ ရိုက်ဖို့ရှိပါတယ်။ သေချာလုပ်တာဖြစ်တဲ့အတွက် မြန်မာငွေကျပ် (၁၀ဘီလီယံ)လောက်ကုန်မယ်လို့ခန့်မှန်းထားပါတယ်။ မင်းသားမင်းသမီးတွေ အားလုံးပေါင်းရင် အယောက် ၁၀၀လောက်တော့ ရှိမယ်ပေါ့။ Settings တွေကိုလည်း အကုန်ကျခံပြီး သေသေချာချာပြင်ဆင်ထားတာ ဖြစ်တဲ့အတွက် လုပ်ခဲ့တဲ့အမှတ်တရတွေကို ရိုက်ပြီးတာနဲ့ တန်းဖျက်တာမျိုးတွေမလုပ်ပဲ 'ကုန်းဘောင်မင်းဆက်'ရိုက်ခဲ့တဲ့ နေရာဆိုပြီး ဒီနေရာမှာ ဘယ်လိုဇာတ်ဝင်ခန်းတွေကို ဘယ်လိုရိုက်ခဲ့တယ် ဆိုပြီးထားခဲ့မှာပါ။ လေ့လာချင်တဲ့ သူတွေလည်း ဝင်ပြီးလေ့လာလို့ရအောင်၊ နောက်ထပ် ရာဇဝင်ကားတွေ ရိုက်ချင်တဲ့သူတွေလည်း ရိုက်လို့ရအောင်ပေါ့။ အနုပညာကြေးတွေက အဓိကမဟုတ်ပဲ ဒီရုပ်ရှင်ရဲ့ အချိုးအကွေ့ တစ်ခုအနေနဲ့ မှတ်တိုင်လေးတစ်ခု စိုက်ထူခဲ့ချင်လို့ပါ။”

ရုပ်ရှင်ထုတ်လုပ်သူ ဝေမင်းမောင်နှင့် တွေ့ဆုံမေးမြန်းခြင်း….

#ဝေမင်းမောင်

04/06/2026

“ မိသားစုနဲ့ ပရိသတ်က ကျွန်တော့်ဘဝအတွက်အရေးပါပါတယ်။ ကျွန်တော့်မှာ ပရိသတ်တွေကတော့ မျိုးစုံရှိပါတယ်။ ဂီတပရိသတ်တွေရှိမယ်၊ ရုပ်ရှင်ပရိသတ်တွေရှိမယ်၊ပြီးတော့ ကျွန်တော်က ဂိမ်းလည်းဆော့တော့ သူ့ဟာနဲ့သူရှိပါတယ်။ အားလုံးက ကျွန်တော့်ရဲ့မိတ်ဆွေ၊သူငယ်ချင်း လိုပါပဲ၊ ဂိမ်းအတူဆော့ကြ၊စကားတွေပြောကြ ဆိုတော့ အကုန်လုံးနဲ့ ခင်ခင်မင်မင်ပါပဲ။ ကျွန်တော့် ပရိသတ်တွေမှာ ကလေးတွေကအစပါပါတယ်။ အရင်တည်းက ကျွန်တော်က တွေ့ပါများတဲ့ ပရိသတ်တွေဆိုမှတ်မိတယ်၊ သူတို့နဲ့တွေ့ရင်လည်း ကိုယ်နှုတ်ဆက်၊
သူနှုတ်ဆက်ပါပဲ၊ တစ်ပွဲတွေ့၊ နှစ်ပွဲတွေ့ အကုန်မှတ်မိပါတယ်။ ကျွန်တော်က အထာကြီးနဲ့မနေတတ်ဘူး။ ကိုယ့်ကိုအားပေးတဲ့သူက ကိုယ့်မိသားစုပါပဲ။ “

သရုပ်ဆောင် လွှမ်းပိုင်နှင့် တွေ့ဆုံမေးမြန်းခြင်း……

#လွှမ်းပိုင်

03/06/2026

“သဲက အခုဆိုရင် အနုပညာသက်တမ်းကလည်း ၁၅နှစ်လောက်ရှိပြီဆိုတော့လေ ကိုယ့်ဆရာတွေကို ကျေးဇူးတင်ပါတယ်။အားလည်းရသလို ပီတိလည်းဖြစ်မိပါတယ်။ဘာလို့ဆိုလက်လွှတ်ခဲ့ရတဲ့ကားတွေလည်း မရှိဘူးပေါ့နော်။ ကိုယ်ရိုက်ချင်တဲ့ ကားမှန်သမျှ အကုန်လုံးရိုက်ခွင့်ရခဲ့တယ် ။ကိုယ့်ဆရာတွေကလည်း ကိုယ့်ကိုအခွင့်အရေးတွေ အများကြီးပေးခဲ့တယ်။
ကားကြီး၊ကားကောင်းတွေရော အများကြီးရိုက်ခဲ့ရပြီး ဟာသကားတွေလည်း ရိုက်ခဲ့ရတယ်။ video ခေတ်မှာဆိုလည်း video ကို ဝဝလင်လင် ရိုက်ခဲ့ရတယ်။ ဒါပေမယ့်ဒီခေတ်မှာတော့ video မရှိတော့ဘူး ဇာတ်လမ်းတွဲပေါ့။ အဲ့ဒီလို အချိန်တွေကို ဖြတ်သန်းခွင့် ရတဲ့အတွက် ကိုယ့်ကိုဂုဏ်ယူပါတယ်။”

သရုပ်ဆောင် ရွှေမှုံရတီနှင့် တွေ့ဆုံမေးမြန်းခြင်း…..

#ရွှေမှုံရတီ

03/06/2026

အမြဲ အချစ်တွေမလျော့တဲ့
ရွှေနှစ်ရွှေရဲ့ ချစ်ခြင်းတရား…

03/06/2026

“ ကုန်းဘောင်ဇာတ်ကားနဲ့ ပတ်သက်ပြီး ကျွန်တော်တို့ လုပ်ရမယ့်အပိုင်းတွေမှာ၊ သရုပ်ဆောင်ပိုင်းရော အကောင်းဆုံးကြိုးစားသွားမှာပါ။ ဒါပေမယ့် ဇာတ်ကောင်မပီပြင်မှာရယ်နဲ့ ဇာတ်ကောင်နဲ့လိုက်ဖက်မှုမရှိမှာတော့ စိုးရိမ်မိပါတယ်။ ကိုယ့်ကာရိုက်တာအပေါ်တော့အကောင်းဆုံးကြိုးစားသွားမှာပါ”

သရုပ်ဆောင် ထွန်းထွန်းနှင့် တွေ့ဆုံမေးမြန်းခြင်း….

#ထွန်းထွန်း

03/06/2026

“ သဲလည်းသူ့ကိုပြောထားတယ်၊ ရှုတင်ရောက်ရင် စကားမပြောနဲ့လို့။ လင်မယားနှစ်ယောက် ရိုက်တာဆိုတော့ အချစ်မျက်ဝန်းတွေက လိမ်လို့တော့မရဘူးပေါ့။ ကျွန်တော့်ရဲ့ ချစ်ဇနီးနဲ့ ဇာတ်ကားလေး အတူရိုက်ရမယ်ဆိုတော့ ပျော်ပါတယ်။ ရင်တွေလည်းခုန်လွန်းလို့ ဘာမှတောင်မပြောပဲ ဒီတိုင်းကြည့်နေတာပါ။ “

သရုပ်ဆောင် ရွှေထူး၊ရွှေမှုံရတီနှင့် တွေ့ဆုံမေးမြန်းခြင်း……..

#ရွှေထူး
#ရွှေမှုံရတီ

03/06/2026

" တစ်သက်တာ တစ်ဘဝ " ဇာတ်လမ်းတွဲ ကန်တော့ပွဲပေး အခမ်းအနားမှာ မြင်တွေ့ရတဲ့
ရွှေနှစ်ရွှေ ရဲ့အလှပုံရိပ်များကို Royal Media ပရိသတ််များအတွက်တင်ဆက်ပေးလိုက်ပါတယ်။

02/06/2026

မြန်မာ့သမိုင်းကို ပုံဖော်ထားသည့်“ကုန်းဘောင်မင်းဆက်”ရုပ်ရှင်ကားကြီး သတင်းစာရှင်းလင်းပွဲ ကျင်းပပြုလုပ်...

“ မြန်မာ့သမိုင်းကြောင်း၏ အထင်ကရ ကာလတစ်ခုဖြစ်သော ကုန်းဘောင်မင်းဆက်၏ သမိုင်းကြောင်းကို ရိုက်ကူးတင်ဆက်သွားမည့် "Kong Baung Dynasty" ရုပ်ရှင်ဇာတ်ကားကြီးနှင့် ပတ်သက်သည့် သတင်းစာရှင်းလင်းပွဲကို (၂.၆.၂၀၂၆)တွင်ရန်ကုန်မြို့ရှိ Chatrium Hotel Royal Lake Yangon ၏ Grand Ballroom တွင် ကျင်းပခဲ့ပါတယ်။

အဆိုပါ ရုပ်ရှင်ဇာတ်ကားကြီးကို Shwe Mann Empire Film Production နှင့် Bellarie Production တို့မှ ပူးပေါင်း၍ ရိုက်ကူးတင်ဆက်သွားမည်ဖြစ်ပြီး၊ ရုပ်ရှင်ဇာတ်ကားနှင့် ပတ်သက်သည့် အချက်အလက်များကို မိတ်ဆက်ပြီး အဆိုပါပွဲအခမ်းအနားကို အနုပညာရှင်များဖြစ်ကြသော သရုပ်ဆောင် အကယ်ဒမီများရှင် ရန်အောင်၊ အကယ်ဒမီ ရဲအောင်၊ နိုင်းနိုင်း၊ အကယ်ဒမီများရှင် နေတိုး၊ ထပ်ဆင့်အကယ်ဒမီ မြင့်မြတ်၊ အကယ်ဒမီ သူထူးစံ၊ အကယ်ဒမီ နေမျိုးအောင် ၊ ဖြိုးငွေစိုး၊ အကယ်ဒမီ ကျော်ကျော်ဗိုလ်၊ အကယ်ဒမီ ထွန်းထွန်း၊ တိုင်ရွန်၊ အကယ်ဒမီ နေဝင်း၊ အကယ်ဒမီ ရွှေထူး၊ အကယ်ဒမီ အေးချမ်းမောင်၊ အောင်မင်းခန့် ၊ နက္ခတ်၊ အောင်ရေချမ်း၊
မင်းဘုန်းမြတ်၊ ညိမ်းသော်၊ သိန်းလင်းစိုး၊ တေဇလင်းရောင်၊ ချာလီ၊ ရဲလွင်ဦး၊ အောင်ဇမ္ဗူ၊
မင်းတော်ဝင်၊ ဗီတာမင်၊ အကယ်ဒမီ ရွှေမှုံရတီ၊ မိုးယုစံ နှင့် တခြားသော အနုပညာရှင် အတတ်ပညာရှင်များစွာ တို့က တက်ရောက်ခဲ့ကြတာဖြစ်ပါတယ်။

#ကုန်းဘောင်းမင်းဆက်

Royal Media

05/06/2026

04/06/2026

04/06/2026

04/06/2026

03/06/2026

03/06/2026

03/06/2026

03/06/2026

03/06/2026

02/06/2026

Address

Website

Alerts

Contact The Business

Shortcuts

Share