04/09/2026
မိုးကာထည် screen printing နည်းပညာပို့ချချက်
မိုးကာထည်(Coated Fabric) screen printing ပြုလုပ်ချိန်သိထားရမည့် အချက်အလက်များ
၁ ။Solvent စပ်ဆေး (Thinner / Chemicals) ကြောင့် မိုးကာအောက်ခံသား ပွထွက်သွားနိုင်ပါတယ်။
ဒါဟာ မိုးကာထည် (Coated Fabric) တွေမှာ ဆေးရိုက် (Screen Printing / Heat Transfer) တဲ့အခါ မကြာခဏ ကြုံတွေ့ရတတ်တဲ့ ပြဿနာတစ်ခုဖြစ်ပါတယ်။
၂ ။(ဘာကြောင့် ဖြစ်ရတာလဲ။)
စပ်ဆေး (Thinner) နှင့် Solvents များ၏ အာနိသင်ကြောင်ဖြစ်တတ်သည်။
မိုးကာသားရဲ့ အောက်ဘက်မှာ ရေမဝင်အောင် ကပ်ထားတဲ့ Rubber, PVC, PU သို့မဟုတ် Acrylic Lining coating အလွှာဟာ စပ်ဆေးထဲမှာပါတဲ့ solvent /Chemicals တွေနဲ့ မတည့်ပါဘူး။ ဆေးစပ်တဲ့အခါ solvent ပြင်းရင် သို့မဟုတ် များသွားရင် Chemical က မိုးကာသားရဲ့ အောက်ခံ ကော်အလွှာထဲအထိ စိမ့်ဝင်သွားပြီး coating အလွှာကို ပျော်စေကာ ပွထွက်/ကြွလာ စေတာ ဖြစ်ပါတယ်။
**(Solvent စပ်ဆေးကိုအနည်းဆုံးအနေအထား ၂%ခန့်သာအသုံးပြုရမည်)
Silicone သို့မဟုတ် Rubber-based ဆေးများ:
မိုးကာသားတွေဟာ ကင်းဗတ် သို့မဟုတ် စတီကာစက္ကူလို မဟုတ်ဘဲ ရေမျက်နှာပြင်ပြောင် အလွှာပါတဲ့အတွက် သာမန် ဆေး/စပ်ဆေးနဲ့ ရိုက်ရင် မကပ်ဘဲ ကွာကျတတ်ပါတယ်။ ဒါကြောင့် Binder/Fixer စတဲ့ စပ်ဆေးတွေ ပြင်းပြင်းသုံးလိုက်တဲ့အခါ မိုးကာအောက်ခံအသား ပျက်စီးသွားတတ်တာပါ။
၃ ။(မဖြစ်အောင် ဘယ်လို ကာကွယ်မလဲ။)
Thinner/Solvent သုံးစွဲမှု လျှော့ပါ: မိုးကာရိုက်သည့် သီးသန့် Nylon/Raincoat Ink ကို နည်းနိုင်သမျှ နည်းအောင်စပ်ပြီး သုံးပါ။
Flash Cure / အပူပေးချိန် ပမာဏ ထိန်းပါ: အပူလွန်ကဲပါကလည်း Chemical reaction ပိုမြန်ပြီး အောက်ခံကော် ပွထွက်နိုင်သောကြောင့် မီးပူ/Dryer အပူချိန်ကို အလွန်အမင်း မသုံးရပါ။
၃ ။ ယ္ခုအသုံးပြု့နေသော(TPUဆီဆေး/Solvent စပ်ဆေးအကြောင်း
TPU ဆီဆေးနဲ့ Cyclohexanone (C*C) Solvent စပ်သုံးတာကြောင့် မိုးကာအောက်ခံသား ပွထွက်တာ (Delamination/Swelling) ဖြစ်နိုင်ခြေ ၅၀% ဖြစ်နိုင်ပါပါတယ်။
C*C (Cyclohexanone) ဟာ Strong Solvent (စပ်ဆေးပြင်း) အမျိုးအစားဖြစ်ပြီး Rubber, Nylon, PU (Polyurethane) နဲ့ TPU (Thermoplastic Polyurethane) စတဲ့ Plastic/Coated အလွှာတွေကို ပျော်ဝင်စေနိုင်တဲ့ ဂုဏ်သတ္တိရှိပါတယ်။
၄ ။ဘာကြောင့် ပွထွက်ရတာလဲ
C*C ၏ ကိုက်စားနိုင်စွမ်း (Solvent Action):
C*C ဟာ TPU ဆေးကို ပျော်ဝင်စေရုံတင် မဟုတ်ဘဲ မိုးကာရဲ့ အောက်ဘက်က Waterproof Coating (PU/PVC Lining) ထဲအထိ စိမ့်ဝင်သွားတာဖြစ်ပါတယ်။ ဒါကြောင့် မိုးကာအောက်ခံ ကော်အလွှာကို ကိုက်စားလိုက်ပြီး သားရေ/အလွှာ ပွထွက်ပြီး ကြွလာတာ ဖြစ်ပါတယ်။ဒါကြောင့်
**(C*C Solvent အနည်းဆုံးအနေအထား၂%ခန်သာအသုံးပြုရမည်)**
၅ ။Dry Time (ဆေးခြောက်ချိန်)
C*C ဟာ Solvent ထဲမှာ အငွေ့ပျံချိန် (Evaporation rate) နည်းနည်းနှေးတဲ့ Solvent အမျိုးအစားဖြစ်ပါတယ်။ ဆေးရိုက်ပြီးချိန်မှာ C*C က မိုးကာသားပေါ်မှာ ကြာကြာတင်ကျန်နေတာကြောင့် မိုးကာအောက်ခံအလွှာထဲ ပိုမိုစိမ့်ဝင်ပြီး ပွထွက်ဖို့ အချိန်ပိုရသွာတတ်ပါတယ်။
၆ ။ဖြေရှင်းနိုင်မည့် နည်းလမ်းများ
**(C*C Solvent အချိုးအစားကို လျှော့ပါ:)**
C*C ရောစပ်တဲ့ ပမာဏများသွားရင် အသား ပိုပွပါတယ်။ ဆေးပျော်ရုံ ရောစပ်ပြီး အလွန်အမင်း ကျဲအောင် မစပ်ပါနဲ့။**သတိထားရမည့်အချက်**
၇ ။Flash Dryer / အပူချိန်ဖြင့် အမြန်ခြောက်ပါ:
ဆေးရိုက်ပြီးသည်နှင့် အပူပေးစက် (Flash Dryer / Hair Dryer) ဖြင့် အနိမ့်ဆုံး အပူချိန်သုံးကာ C*C အငွေ့ပျံသွားအောင် အမြန်ခြောက်ပေးပါက အောက်ခံသားထဲ စိမ့်ဝင်မှုကို နည်းသွားစေပါတယ်။
၈ ။ဆီဆေးအမျိုးအစားများ
Other ဆီဆေး (Other Ink) နဲ့ TPU ဆီဆေး (TPU Ink) နှစ်မျိုးလုံးဟာ မိုးကာ၊ စတီး၊ ပလတ်စတစ်နဲ့ ပလတ်စတစ်ဓာတ်ပါတဲ့ အထည်အလိပ်တွေမှာ Screen Printing ပြုလုပ်ရာမှာ သုံးကြတဲ့ Industrial Screen Printing Inks တွေ ဖြစ်ကြပါတယ်။
သူတို့ရဲ့ အဓိက ကွာခြားချက်၊ အားသာချက်နဲ့ အားနည်းချက်များကို အောက်ပါအတိုင်း နှိုင်းယှဉ်ဖော်ပြပေးလိုက်ပါတယ် -
Other ဆီဆေး (Other ink)
Other ဆီဆေးဟာ မာကြောတဲ့ ပလတ်စတစ် (Rigid Plastics)၊ Acrylic၊ PVC နဲ့ တချို့သော စတစ်ကာရိုက်လုပ်ငန်းတွေမှာ အသုံးများတဲ့ Solvent-based ရိုးရိုးဆီဆေး အမျိုးအစား ဖြစ်ပါတယ်။
TPU ဆေးထက် ဈေးနှုန်း အဆမတန် သက်သာတာကြောင့် Production ကုန်ကျစရိတ် ချွေတာနိုင်ပါတယ်။
အရောင် စိုပြည်ခြင်း: ဆေးသား စိုပြီး အရောင် ထင်းထင်းလင်းလင်း ထွက်ပါတယ်။
ကိုင်တွယ်ရ လွယ်ကူခြင်း: ဆေးစပ်ရတာ လွယ်ကူပြီး အထည်/ပစ္စည်းမျက်နှာပြင် တော်တော်များများပေါ်မှာ ကပ်အား ကောင်းမွန်ပါတယ်။
အားနည်းတွေကတော့ ဆေးခြောက်သွားရင် မာဆစ်ဆစ်ဖြစ်သွားတဲ့အတွက် အလွန်ရော့ပျော့တဲ့ မိုးကာစ သို့မဟုတ် မိုးကာသား အပျော့ပေါ်ရိုက်ရင် အထည်ကို ရုန်းလိုက်တာနဲ့ ဆေးသား အက်ကွဲတာ (Cracking) သို့မဟုတ် ကွာကျတာ ဖြစ်နိုင်ပါတယ်။
ဆေးကပ်ဖို့ စပ်ဆေး solvent ခပ်ပြင်းပြင်း သုံးရလေ့ရှိတာကြောင့် အောက်ခံ မိုးကာသား ပွထွက်တာ (Swelling) ပိုဖြစ်လွယ်ပါတယ်။
TPU ဆီဆေး (TPU Ink)(ယ္ခုလက်ရှိအသုံးပြု)
TPU ဆီဆေးဟာ Elasticity ပျော့ပြောင်းမှုမြင့်မားတဲ့ Polyurethane (PU) / TPU Coated မိုးကာသားများ၊ ရေကူးဝတ်စုံများ၊ သားရေတုစများ အတွက် သီးသန့်ထုတ်လုပ်ထားတဲ့ High-Performance ဆီဆေးဖြစ်ပါတယ်။
ကြိုက်သလောက်ရုန်း ဆေးမကွဲခြင်း: TPU ရဲ့ ဂုဏ်သတ္တိအတိုင်း အလွန်ရော့ပျော့ (Flexible) ဖြစ်တာကြောင့် မိုးကာအင်္ကျီကို ခေါက်တာ၊ ရုန်းတာ၊ ဆွဲဆန့်တာတွေမှာ ဆေးသား လုံးဝမကွဲဘဲ အထည်နဲ့အတူ လိုက်ပါသွားပါတယ်။
မိုးကာသားနှင့် ဓာတ်ပြုကပ်အား ကောင်းခြင်း: မိုးကာသားရဲ့ Polyurethane coating နဲ့ Chemical တည်ဆောက်ပုံ တူတာကြောင့် အောက်ခံအသားမှာ ရေရှည် ခိုင်ခိုင်မာမာ ကပ်နေပါတယ်။
ရေဓာတ်/ရာသီဥတု ဒဏ်ခံနိုင်ခြင်း: ရေစုတ်တာ၊ ရေစိမ့်တာနဲ့ မိုးရေဒဏ်ကို ပိုမိုခံနိုင်ရည်ရှိပါတယ်။
(**သတိထားရမည့်အချက်*")
Cyclohexanone (C*C) လို Solvent ပြင်းပြင်း သုံးမိရင် မိုးကာအောက်ခံအလွှာ ပွထွက်တတ်တာကြောင့် Solvent အမျိုးအစား သတိထားစပ်ရပါမည် ။
နူးညံ့/ရော့ပျော့ပြီး အပြိးအစီး Quality ပိုကောင်းစေချင်တဲ့ မိုးကာအင်္ကျီတွေအတွက်ဆိုရင် TPU ဆီဆေး ကိုပဲ သုံးပေးရပါတယ်။ ဆေးရိုက်တဲ့အခါ မိုးကာသား မပွအောင် (**C*C ပမာဏကို နည်းနိုင်သမျှနည်းအောင်** )စပ်ပြီး၊ အငွေ့ပျံမြန်အောင် Flash Dryer သို့မဟုတ် အပူအပျော့ဖြင့် ချက်ချင်း ခြောက်အောင် ပြုလုပ်ပေးပါ။
UMST
Screen Printing & Training
