16/01/2026
Б.Мөнхцэлмэг: Бүгдээрээ өөрсдийгөө дэлхийн хамгийн ядуу, цалин багатай улс энэ тэр гэсэн худлаа постуудаа одоо больмоор байнаа. Тийм утга агуулгатай пост, яриа өндөр хандалт аваад байдаг учраас бүр тренд болчихсон юм билээ. Энэ буруу ойлголтоос болоод нийтээрээ далд ухамсрынхаа түвшинд хийморь сүлдгүй, ирээдүйдээ итгэх итгэлгүй, нүдний цоггүй болчихож. Энэ бол попорсон, хандалт авах гэсэн худал мэдээллийн хортой үр дагавар.
📌Хэрэв намайг буруу ярьж байна гэж бодож байвал Дэлхийн банк IMF ядаж худлаа хэлэхгүй шүү дээ. Монгол Улс нэг хүнд ногдох ДНБ-ээр дэлхийн яг тэг дунд, худалдан авах чадвар, амьдралын өртөгт харьцуульснаар нь тооцвол бүр 200 улсаас 90 хавьцаа явж байгаа. Бусад ерөнхий дийлэнх үзүүлэлт нь бүр урдуур эрэмбэлэгддэг. Гэхдээ бид энийгээ өөрсдөө мэддэггүй. Бидэн шиг цөөн хүн амтай улсын хувьд 10 гаруй жил тогтвортой зөв бодлогоор ард нийтээрээ нэг зүгт хараад хөдлөхөд дэлхийн эхний 20 улс руу үсрэнгүй орох бүрэн боломжтой.
Гол саад нь
1. Хулгай
2. Эх орны нэр барьж том төсөл, том боломжуудыг хорлож зогсоож гацаадаг Мояа, Ояа популист улс төрч, тэднийг дэмждэг харанхуй масс юм. Энийгээ шийдэж чадвал Монгол Улсын минь ирээдүй маш өнгөлөг гэгээтэй байна 🇲🇳
