27/03/2026
“A tafiyar Zakariya Jidda muna tafiya ne bisa turbar mutunci, ladabi da zaman lafiya. Ba a yarda da cin mutunci ko zagin kowa ba, domin wannan ba dabi’armu ba ce. Mai gidanmu ya koya mana hakuri, da kauce wa ramuwar gayya; ba a rama cuta da cuta.
Sai dai kuma, idan an yi mana rashin adalci, muna da ikon kare kanmu ta hanyar da ta dace, cikin doka da halacci. Wannan ba rikici ba ne, illa tsayawa kan gaskiya cikin natsuwa.
Muna kira ga duk masu ruwa da tsaki da su guji yada kalaman da za su iya haddasa husuma ko rikici a cikin tafiyarmu. Akwai wasu da ke ƙoƙarin tada zaune tsaye, amma muna jan kunnen su da su kiyaye. Tafiyarmu ta haɗin kai ce, kuma za ta ci gaba ne bisa gaskiya, mutunta juna da kuma zaman lafiya.”
Zakariya Jidda Support Group
