07/08/2026
MAGANAR GASKIYA
Na yi mamakin irin kalaman da Barista Jamilu Hassan Rano ya yi game da Jagoranmu, Rt. Hon. Kabiru Alhassan Rurum.
Dalilin da ya sa na yi mamakin shi ne, Hon. Kabiru Alhassan Rurum yana daga cikin mutanen da s**a taka muhimmiyar rawa wajen ganin Barista Jamilu Hassan Rano ya samu damar fitowa fili, har duniya ta san shi. Abin mamaki ne a yau a rika yin kalamai marasa dadi a kan wanda ya kasance cikin wadanda s**a taimaka wajen wannan tafiya.
Duk da irin kalaman da Barista Jamilu Hassan Rano ya yi, abin farin ciki shi ne bai ce Jagora Turakin Rano, Rt. Hon. Kabiru Alhassan Rurum, baya aiki ko kuma bai taba yi wa al’umma wani abin kirki ba. Hasali ma, idan aka duba tarihin ayyukansa, za a ga nagarta da dimbin gudummawar da ya bayar ga al’ummar Rano, Kibiya da Bunkure.
Rt. Hon. Kabiru Alhassan Rurum ya gudanar da manyan ayyukan raya kasa, tare da taimakawa wajen inganta rayuwar al’umma. Haka kuma, shirye-shiryen empowerment da yake gudanarwa lokaci zuwa lokaci sun taimaka wa matasa, mata da sauran al’umma da dama.
Al’ummar Rano, Kibiya da Bunkure sun san wanda s**a zaba, kuma suna ganin irin gudummawar da Jagora Turakin Rano yake bayarwa. Dimokuradiyya tana ba kowa damar bayyana ra’ayinsa, amma lokaci da ayyuka su ne mafi kyawun alkalin tantance shugabanci.
Saboda haka, ya kamata mu guji siyasar cin mutunci da zagi, mu mayar da hankali kan ayyuka, gaskiya da abin da zai kara kawo ci gaba ga al’ummarmu.
Rano Kibya da Bunkure Hawa na Uku Cikin Sauki da Izinin Ubangiji.
Rt. Hon. Kabiru Alhassan Rurum — Jagora Turakin Rano.
Hon Umar Yushau Rurum
