23/03/2026
𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎!
𝐖𝐀𝐋𝐀𝐍𝐆 𝐊𝐀𝐓𝐎𝐓𝐎𝐇𝐀𝐍𝐀𝐍 𝐀𝐍𝐆 𝐊𝐔𝐌𝐀𝐊𝐀𝐋𝐀𝐓 𝐍𝐀 𝐌𝐀𝐋𝐈𝐍𝐆 𝐈𝐌𝐏𝐎𝐑𝐌𝐀𝐒𝐘𝐎𝐍 𝐍𝐀 𝐍𝐀𝐆𝐓𝐀𝐀𝐒 𝐀𝐍𝐆 𝐋𝐓𝐎 𝐍𝐆 𝟏𝟎𝟎% 𝐒𝐀 𝐑𝐄𝐇𝐈𝐒𝐓𝐑𝐎 𝐍𝐆 𝐒𝐀𝐒𝐀𝐊𝐘𝐀𝐍
Ito po ay MALING IMPORMASYON (FAKE NEWS) na kumakalat ngayon na ang Land Transportation Office (LTO) ay nagtaas ng singil sa pagpaparehistro ng mga sasakyan ng halos 100% nang walang paunang abiso, at sinabay pa umano ito sa pagtaas ng presyo ng gasolina.
Hindi po totoo ang ganitong pahayag. Patuloy po ang LTO na nagsisikap na gawing mas abot-kaya ang mga serbisyo nito lalo na sa kasalukuyang krisis pang-ekonomiya na kinakaharap ng ating bansa. Ang mga bayad sa rehistro at iba pang transaksyon ng LTO ay batay sa mga alituntunin at batas na naaprubahan ng gobyerno, at walang biglaan o hindi inanunsyong pagtaas ng mga rate.
Layunin po ng LTO na maghatid ng mahusay at abot-kayang serbisyo sa lahat ng mamamayan. Hinihikayat po namin ang lahat na huwag magkalat o maniwala agad sa mga hindi napapatunayang balita. Para sa tumpak at opisyal na impormasyon tungkol sa mga bayarin at serbisyo ng LTO, mangyaring bisitahin lamang ang aming opisyal na website, mga social media page, o mga awtorisadong LTO district office at extension centers sa inyong lugar.
Maging responsable po tayo sa pagbabahagi ng impormasyon – suriin muna ang katotohanan bago ito ipalaganap.
Maraming salamat po.
