21/09/2025
God’s Supernatural Love:
A love that heals, restores, and never runs out.
Mga Taga-Roma 5:6-11
6: Sapagkat noong tayo'y mahihina pa, namatay si Cristo sa takdang panahon para sa mga makasalanan.
7: Mahirap mangyaring ialay ninuman ang kanyang buhay alang-alang sa isang taong matuwid, kahit na maaaring may mangahas na gumawa nito alang-alang sa isang taong mabuti.
8: Ngunit pinatunayan ng Diyos ang kanyang pag-ibig sa atin nang mamatay si Cristo para sa atin noong tayo'y makasalanan pa.
9: Yamang sa pamamagitan ng kanyang dugo, tayo ngayon ay napawalang-sala, lalong tiyak na maliligtas tayo sa p**t ng Diyos.
10: Dati, tayo'y mga kaaway ng Diyos, ngunit tinanggap na niya tayo bilang mga kaibigan sa pamamagitan ng pagkamatay ng kanyang Anak. At dahil dito, tiyak na maliligtas tayo sapagkat si Cristo ay buháy.
11: At hindi lamang iyan! Tayo'y nagagalak dahil sa ginawa ng Diyos sa pamamagitan ng ating Panginoong Jesu-Cristo, sapagkat dahil sa kanya ay tinanggap tayo bilang mga kaibigan ng Diyos.
Alam mo kapatid, habang iniisip ko yung salitang “supernatural love”, nare-realize ko na iba talaga ang pagmamahal ng Diyos kumpara sa pagmamahal ng tao.
Kung tao lang, minsan conditional ang love
“mahal kita kung…” or “mahal kita kapag…”
Pero ang Diyos, iba. Kahit noong panahon na lost ako, puno ng kasalanan, at parang walang direksyon ang buhay ko, minahal pa rin Niya ako.
Para siyang isang Ama na kahit ilang beses mong pasakitin ang puso, hindi ka iiwan. At higit pa doon, Siya mismo yung gumawa ng paraan para makabalik tayo sa Kanya. Hindi Siya naghintay na magbago muna tayo bago Niya tayo minahal.
Romans 5:8 — “while we were still sinners, Christ died for us.” Ibig sabihin, kahit nasa pinakamasamang parte ng buhay natin, minahal Niya na tayo.
Isipin mo yung cellphone na sobrang luma na, basag-basag ang screen, palaging nagha-hang, at minsan ayaw nang mag-on. Kung ikaw may-ari, siguro matagal mo nang tinapon at pinalitan. Pero si Lord, iba. Imbes na itapon tayo kasi “defective” tayo, pinili Niya tayong ayusin at bigyan ng bagong buhay.
Ganun yung supernatural love Niya — hindi nakadepende sa value na tingin ng iba, kundi sa value na nakikita Niya sa atin bilang Kanyang anak.
Kapatid, baka ngayon iniisip mo:
Paano ako mamahalin ng Diyos eh ang dami kong pagkakamali?
Ang dami kong nagawa na ikinahiya ko.
Pero tandaan mo ito: hindi nakabase ang pagmamahal ng Diyos sa nakaraan mo, kundi sa plano Niya para sa iyo.
Hindi ka Niya tinubos para lang manatiling broken.
Tinubos ka Niya para maranasan mo ang fullness ng buhay.
Hindi ka Niya niligtas para lang mabuhay sa guilt. Niligtas ka Niya para maranasan ang kalayaan at kapatawaran.
At hindi lang basta pagmamahal — supernatural ito. Hindi mo kayang i-earn, hindi mo kayang bayaran, at hindi mo kayang tapatan. Tanging grace lang talaga ng Diyos.
Kapatid, yakapin mo ang supernatural love ng Lord. Huwag mong hayaang ang shame, ang doubts, at ang takot ang humadlang sa’yo.
Tandaan mo: you are loved, you are chosen, and you are redeemed.
At kapag naramdaman mo na totoo ngang mahal ka ng Diyos kahit gaano ka ka-imperfect, dun mo rin matututunang magmahal ng iba nang mas totoo at mas tapat. Dahil ang supernatural love Niya, dumadaloy din sa atin papunta sa iba.
Kapatid, Reminder ito na kahit anong pinagdadaanan mo, kahit anong kahinaan mo, mahal ka pa rin ng Diyos — sobra, tapat, at supernatural. At dahil mahal ka Niya, lagi kang may bagong simula.
