08/02/2025
"Shout out sa mga kabataan dyan, Ma anong ulam?
Sa mga kabataan diyan huwag kayo puro cellphone, galawa galaw din."
Marami ang nasaktan at nagalit nung nag viral yung "Ma, anong ulam". Sa sinabi ni Neneng B na “Ma, anong ulam?” hindi ibig sabihin na lahat ng kabataan ay entitled, kundi ito ay para sa mga kabataang laging umaasa sa magulang at hindi tumutulong sa bahay. Ang “Galaw-galaw din” ay paalala na kahit sa simpleng paraan, tulad ng pagtulong sa mga gawaing bahay o mag-aral nang mabuti, makakatulong ka na sa mga magulang mo. Kasi nga sa panahon ngayon puro cp at lakwatsa na lang inaatupag ng mga kabataan. Mahalaga na habang maaga pa ay bigyan din sila ng responsibilidad gaya ng simpleng paghuhugas ng plato, pagtatapon ng basura o pagwawalis upang habang bata pa sila matuto na sila sa buhay, hindi yung tuturuan mo maging tamad at ispoilin mo ng sobra.
Ang buhay ng tao ay puno ng hamon. Habang tumatanda, mas maganda kung hinuhubog niyo sila na magsipag para kapag dumating ang panahon na wala na ang mga magulang niya, kaya na niyang tumayo sa kanyang sariling paa at magsariling sikap. Hindi yung aasa lang ng aasa sa mga magulang nya.
