05/08/2024
Kaya nga po.
BAKIT MAY BAYAD ANG BINYAG, KASAL, KUMPIL, MISA SA PATAY AT IBA PA SA SIMBAHANG KATOLIKA?
WARNING: Kapag natapos mo ito basahin, paniguradong mahihiya ka.
Ito ang karaniwang isa pa sa mga binabatikos ng ibang sekta sa Simbahang Katolika. O kaya'y mga tanong na rin ng mga Katoliko. Mitsa pa minsan ng galit sa Inang Simbahan, na kesyo daw mukhang pero Simbahan kaya hindi na sila magsisimba. Di umano'y pinapalabas nila ang Simbahang Katolika ay pinamumukaran ng mga paring mukhang pera, obispong businessman, laykong sakim sa pera at iba pang mga paratang. Ang Simbahan raw ay isa sa mga pinakacorrupt na institusyon sa buong mundo, dahil maski ang mga sakramentong pinagkakaloob nito'y kailangan pang bayaran. 'Yung tipo bang namatayan ka na'y kailangan mo pa magbayad ng pera para sa pagpapadasal sa patay.
Unang-una, hindi po inoobliga ng Simbahan o parokya na ikaw ay magbayad ng sobrang laki para lamang maganap ang nasabing seremonya. Kaya imbes na bayad ang tagawin rito, donasyon ang turing ng Simbahan sa mga pera na inialay sa Kaniya. Kung tutuusin, may mga parokya na hindi na minsan tumatanggap ng bayad para sa gaganaping selebrasyon. Lalo na kung alam nilang hindi kaya magbayad ng mga tao. Tulad na lamang ng tinatawag na "kasal ng bayan" na walang bayad sa pagpapakasal. Ang nagpapagastos na lamang sa kanila ay ang reception o pagpapakain sa kanilang mga bisita. Kaya maling sabihing pinagbibili ang binyag, kumpil, kasal at iba pa. Para naman sa mga parokyang nagpapabayad sa ganitong mga gawain, hindi rin naman masama ang tumanggap ng pera. Ang tawag rito ay "stipend", maliit na halaga ng pera para sa effort na ginawa ng pari at iba pang kasama niya. Dahil nakakahiya naman po sigurong magpalabor sa isang manggagawa pero hindi mo man lamang siya binigyan kahit kakaunti para sa kaniyang mga gamit para sa susunod pa niyang trabaho.
Ngayon saan nga ba napupunta ang mga donasyon?
Ito ay gagamitin para sa mga:
-gamit ng Simbahan
- pagpapaayos sa lumang bagay sa Simbahan
-renovation
-kuryente (ito ang madalas na malaki)
-tubig ( isa sa pinakakailangan)
-pagpapasahod sa mga empleyado
-pagkain ng mga pari
-pangangailangan ng mga ministry
-donations sa mga nangangailangan
-pagsuporta sa mga programs. Ex. PYM.
At marami pang iba.
Kaya kung nagtatanong ka kung saan napupunta ang kanilang pera? Samantalang ni tuwing Linggo hindi umaabot sa bente pesos ang binibigay mo, minsan pa'y hindi ka pa nakakapagsimba. Pagnilayan mo ito. Maraming pangangailangan ang Simbahan.
Higit sa lahat ito po ay may Biblikal na basehan: "He then took up a COLLECTION among all his soldiers, amounting to two thousand silver drachmas, which he sent to Jerusalem to provide for an expiatory sacrifice. In doing this he acted in a very excellent and noble way, inasmuch as he had the resurrection in mind; for if he were not expecting the fallen to rise again, it would have been superfluous and foolish to pray for the dead."
2 Maccabees 12:43-45 NABRE
------
Ikumpara niyo naman po ang ganitong kaliit na donasyon na kailangan ng Simbahang Katolika sa abuluyan o lagak ng ibang sekta na kailangan ay hindi bumababa ng sampung porsyento 10%. Halimbawa na lang ay may 100,000 kang sahod. Obligado ka sa kanila na ibigay ang sampung libo mo kada buwan dahil ito ay naaayon sa kanilang doktrina. Eh sa isang taon may labing-dalawang buwan. Kaya P10,000 times 12 months equals 120,000 pesos per year ang ibibigay mo sa kanila.
At ang nakakakilabot pa'y ang iba kailangan pa tingnan ang payslip mo.
Samantalang sa Simbahang Katolika, tuwing misa kahit piso lang ang kaya mong ibigay hindi ka naman minamata at tatanggapin ito ng buong puso. Isa pa ang Simbahan ang pinakamalaking may naitutulong sa buong mundo. Sa tuwing tayo ay nagdadamot sa Simbahan,
para bagang namumulubi sa atin si Kristo. Samantalang tayo ang may pangangailangan sa mga sakramento niya.
Tayo ang may kailangan sa PAGMAMAHAL niya. TAYO ANG MAY KAILANGAN SA SIMBAHAN NGUNIT ANG SIMBAHAN RIN AY MAY SARILING PANGANGAILANGAN.
