19/02/2026
Tangapin mong may aalis at mananatili.
May aahon mula sa lalim mo't mayroong sisisid para makihati sayong pighati.
May tatakas, may kakalas, pero mayroon ding maglalabas ng lakas para hilain ka pataas.
Para sagipin mula sa pagkalunod sa kaibuturan ng lungkot at maalong pagsubok may kakawala sa lawak mo't magdududa
Mangangamba siya't kakaripas ng takbo sa dalampasigan walang maiiwang Marka.
Ngunit Hindi mo siya kailangan habulin.
Hindi mo siya kailangan pilitin.
Sapagka't mayroong darating.
May Isang bangkero Isang tao.
Handa ka niyang intindihin.
Kahit gaano kapa kalalim.
