29/06/2026
سوشل میڈیا کے مختلف پلیٹ فارمز پر مکہ مکرمہ اور مسجد الحرام کی ایک انتہائی نایاب اور تاریخی تصویر نے دھوم مچا دی ہے، جسے دیکھ کر لاکھوں صارفین کے دل عقیدت اور احترام سے بھر گئے ہیں۔
وائرل ہونے والی یہ فضائی تصویر، 1970ء کی دہائی کی ہے، جس میں بیت اللہ شریف اور اس کے اطراف کے پہاڑی منظر کو دیکھا جا سکتا ہے۔ تصویر میں موجودہ دور کی بلند و بالا فلک بوس عمارتوں اور کلاک ٹاور کے برعکس، پرانی روایتی بستیاں اور سادگی واضح طور پر نمایاں ہیں، جو زائرین کو پانچ دہائیاں پرانے پرسکون دور کی یاد دلاتی ہیں۔
تاریخی ماہرین کے مطابق، یہ تصویر اس دور کی ہے جب مسجد الحرام میں 'پہلی سعودی توسیع' کا کام اپنے آخری مراحل میں تھا۔ تصویر میں صفا اور مروہ کی پہاڑیوں کے درمیان طویل راہداری (المسعیٰ) پر بنائی گئی نئی چھت اور اس دور کے نئے سفید مینار واضح طور پر دیکھے جا سکتے ہیں۔
اس روح پرور منظر کو اب تک لاکھوں لوگ شیئر اور لائک کر چکے ہیں۔ صارفین کا کہنا ہے کہ مکہ مکرمہ کا یہ پرانا روپ ناصرف ایمان کو تازہ کرتا ہے بلکہ یہ تصویر ہمیں اس سادگی کی یاد دلاتی ہے جو اس مقدس مقام کا خاصہ رہی ہے۔
#کربلا #جون
Disclaimer: This report is based on images and information circulating on social media.
