05/05/2026
انسان اکثر خود کو مہذب اور باشعور سمجھتا ہے مگر اس کا اصل چہرہ اُس وقت سامنے آتا ہے جب وہ طاقت اور اختیار کی پوزیشن میں ہوتا ہے کیونکہ طاقت انسان کے اندر چھپی ہوئی کمزوریوں، خوف اور انا کو بے نقاب کر دیتی ہے اور یہی وہ لمحہ ہوتا ہے جہاں اصل کردار کا فیصلہ ہوتا ہے اگر کوئی شخص معمولی سی برتری ملنے پر دوسروں کو کمتر سمجھنے لگے، اُن کے راز افشا کرے یا اُن کی کمزوریوں کو ہتھیار بنا لے تو یہ اس بات کی علامت ہے کہ اُس کے اندر اخلاقی بنیاد کمزور ہے ایسے لوگ وقتی طور پر خود کو مضبوط سمجھتے ہیں مگر حقیقت میں وہ اپنے ہی کردار کو کھوکھلا کر رہے ہوتے ہیں کیونکہ عزت لینے سے نہیں بلکہ دینے سے ملتی ہے اور جو شخص دوسروں کی عزت پامال کرتا ہے وہ دراصل اپنی ہی قدر گرا رہا ہوتا ہے اس کے برعکس وہ لوگ جو اختیار کے باوجود خاموشی اختیار کرتے ہیں، رازوں کی حفاظت کرتے ہیں اور دوسروں کی عزت کا خیال رکھتے ہیں وہی اصل میں مضبوط اور باوقار ہوتے ہیں کیونکہ ضبط، برداشت اور خاموشی وہ طاقتیں ہیں جو ہر کسی کے بس کی بات نہیں ہوتیں کسی کی کمزوری کو اچھال دینا آسان ہے مگر اُسے ڈھانپ لینا کردار کی بلندی ہے معاشرے میں بگاڑ کی ایک بڑی وجہ یہی ہے کہ لوگ وقتی فائدے کے لیے دوسروں کو نقصان پہنچانے سے بھی نہیں ہچکچاتے حالانکہ یہ رویہ نہ صرف رشتوں کو تباہ کرتا ہے بلکہ اعتماد کو بھی ختم کر دیتا ہے اور جب اعتماد ختم ہو جائے تو کوئی معاشرہ دیر تک قائم نہیں رہ سکتا اس لیے ضروری ہے کہ انسان اپنی طاقت کو آزمائش سمجھے نہ کہ ہتھیار اور ہر اس موقع پر جہاں وہ کسی کو نقصان پہنچا سکتا ہے خود کو روک لے کیونکہ اصل جیت دوسروں کو ہرانے میں نہیں بلکہ اپنے نفس پر قابو پانے میں ہے
