16/02/2022
منقول ..
يسعد مساكم
العم أبو لواء صاحب بسطة الزواكي، صارله فترة مختفي، وما حد بشوفه برام الله، ولما سألنا عنه، عرفنا إنه مريض كثير، وعنده مي ع الرئتين وتضخم بعضلة القلب، وعايش ع الأوكسجين تقريباً، وللأسف ما عنده قدرة يمشي بهالوضع وبالتالي بطّل قادر يشتغل.
ومع كثرة الأدوية يلي بياخدهم صار عنده بداية مشاكل بالكلى وممكن لقدام لا سمح الله يحتاج يغسل كلى.
وضعه جداً صعب.. للأشخاص يلي ما بيعرفوا: زوجته تم بتر رجلها، وعنده ولدين من ذوي الاحتياجات الخاصة.
وبعيداً عن كل صعوبة وضعه، الشي مش شحدة، وكلنا عارفين عزة نفسه، بس حقه علينا نوقف معه ونساعده، ونساعد أي شخص بحاجة مساعدة ممكن نقدمها إله.
ومهم نفكر بغيرنا، ونحس بالمسؤولية الأخلاقية تجاههم.
فكل مساعدة ممكن تتقدم هي مهمة، حتى لو كانت بسيطة جداً (لو كانت 5 شيكل).
يعني لو شلة أصحاب وكل شخص يدفع 10 شيكل وتجمعوهم سوا وتعطوه اياهم بتكون فكرة منيحة.
فيا ريت يلي بيقدر يقدم مساعدة ما يتردد، وأنشروا البوست ع صفحاتكم وشاركوه مع أصحابكم وأهلكم حتى نحاول نساعده بأكبر قدر ممكن.
رح أترك رقمه بصورة هون،.
اول مكان لجمع التبرعات لعمو ابو لواء
في صبية رح تحط الصندوق في محلها ،
رح يتم توثيق لكل شخص تبرع انو يكتب اسمه و المبلغ اللي تبرع فيه و يتم تصوير الورقة لضمان الامانة
و بس يتم جمع مبلغ منيح رح تعطيه ل أنغام و هي توصله اياه
العنوان رح يكون:
رام الله - البيرة - شارع نابلس-مقابل شركة جنيڤا وبجانب سوبر ماركت الشني (تحت نادي النمر)
محل Aisha
0598569411 هاد في حال بدهم يندلوا
الصندوق من بكرا رح يكون موجود بالمحل
