22/07/2026
ماشين انا وصحبي لقينا حجه كبيرة بتبيع تسالي حلويات لوبان مصاصة لقيناها متمحنه كدة جاتنا فكرة نشتري منها ونوزع لي أطفال الحي جيناها ي حجة عندك بنكك 😅 لانو كاش ما عندنا أدتنا ضحكة حلوة خلاص حبوبة ربنا يحفظها والله ، قالت لي شيلوا ي اولادي لو ما عندكم ما مشكلة حلفتنا عديل إلا نشيل قلت ليها خلاص ي حبوبة نشوف كاش ونشيل منك شلنا كاش 7 الف بس اشترينا منها الحلويات دي وبتدينا زيادة من كل صنف ، جينا لي أطفال الحي كلوا زول لبانة ومصاصة وحلاوة ومبسوطين شديد.، إتخيل ال7 الف بس فرحت حبوبة واطفال صغار.، اجبرو بخاطر حبوباتنا وامهاتنا الببيعو حلويات وتسالي اشترو منهم ووزعو لي الاطفال بتزرع جبر الخاطر والمحبة في قلوبهم وانت زاتك بتكون مبسوط والله ربنا يجبر بخاطركم ما كان عاوز انزل الكلام ده في النت لكن قلت يمكن في بالبوست دة واحد تعجبو الفكرة ويكسب اجر ويجبر بخاطر الاطفال وأمهاتنا وحبوباتنا كل يوم جمعة اشتري من أي حبوبة في حلتكم ووزع لي أطفال الحي ❤
