21/04/2026
#လီဗာပူးပရိသတ်တွေအတွက် ပိုပြီးစိုးရိမ်နေစရာ သတင်းတစ်ခု ထွက်ပေါ်လာနေပါတယ်။ လီဗာပူးရဲ့စွယ်စုံရဖိုးသိန်းကစားသမားလေး ဒိုမီးနစ်ဆိုဘိုဆလိုင်းက သူ့ရဲ့အနာဂတ်ဟာ လီဗာပူးမှာ ရေရှည်ရှိနေဖို့မသေချာကြောင်း ပြောလာခဲ့ပါတယ်။
ဆိုဘိုဆလိုင်းဟာ သူ့ရဲ့နာမည်ကျော်ဖရီးကစ်ကန်ချက်တွေနဲ့ အသင်းကို အမှတ်တွေရယူပေးနေပါတယ်။ ဆိုဘိုဆလိုင်းဟာ ဒီရာသီ လီဗာပူးရဲ့ အကောင်းဆုံးကစားသမားအဖြစ် အသုံးတော်ခံပေးနေသလို အန်ဖီးအချစ်တော်ကစားသမားတစ်ယောက်လည်း ဖြစ်လာနေပါတယ်။
အသက် ၂၅ နှစ်အရွယ် ကစားသမား ဆိုဘိုဆလိုင်းရဲ့စာချုပ်ဟာ ၂၀၂၈ မှာကုန်ဆုံးမှာဖြစ်ပြီး စာချုပ်သက်တမ်းက နောက်ထပ် ၂ နှစ်ကျန်နေပါသေးတယ်။ ဒါပေမဲ့ စာချုပ်သစ်ကိစ္စကတော့ တိုးတက်ခြင်းမရှိဘဲ ဘာမှမပြောနိုင်သေးကြောင်း ဆိုဘိုဆလိုင်းက ဒီတစ်ပတ်ကစားခဲ့တဲ့ မာဆေးဆိုက်ဒါဘီအပြီးမှာ ပြောသွားခဲ့ပါတယ်။
ဆိုဘိုဆလိုင်းက “ကျွန်တော်ကတော့ အသင်းမှာ ကာလရှည်နေချင်တာပေါ့။ ဒါပေမဲ့ ဒီကိစ္စက ကျွန်တော့်လက်ထဲမှာ ရှိမနေပါဘူး” လို့လည်း ပြောသွားသေးတာကြောင့် ပရိသတ်တွေက FSG ရဲ့စီမံခန့်ခွဲမှုတွေကို အပြစ်တင်နေကြပါတယ်။
#ဆိုဘိုဆလိုင်း #လီဗာပူး #အာနေးဆလော့
