Siloé Media

Siloé Media Nou la pou nou sèviw !
(5)

⭕️Dimanch 7 Jen 2026 la, nan komin Gantye an patikilye Fonparizyen Amaëlle Talisha Louis-Charles ak Donsley Joseph rive...
08/06/2026

⭕️Dimanch 7 Jen 2026 la, nan komin Gantye an patikilye Fonparizyen Amaëlle Talisha Louis-Charles ak Donsley Joseph rive kouwone antanke ""Miss"" ak ""Mister "" premye edisyon Konkou Miss and Mister entèskolè 2026 la.

Amaëlle Talisha Louis-Charles se yon Elèv nan Collège Siloé de Fond-Parisien. Sòti depi nan match avan yo pou rive nan dènye faz lan li rete grave nan anpil moun koz li te vrèman ekselan nan sa li t ap remèt nan Konpetisyon Sila a .

Donsley Joseph bò kote pal se yon Elèv nan L'école Saint Jean Bosco de Fond-Parisen. Se te ak anpil bèl pèfòmans ke li rive fini kòm "Mister" Nan edisyon Konkou sa a.

Nap pwofite fè w konnen ke aktivite sa a fèt an kolaborasyon ak twa lekòl nan kominote parizyenwaz la : Collège Siloé de Fond-Parisien, École Christ Pour Tous de Fond-Parisen, École Saint Jean Bosco de Fond-Parisen.

Nan menm optik sa a nou vle Felisite Miss Amaëlle ak Mister Donsley san Nou pa bliye estaf ki òganize aktivite Sila a pou ede jèn yo avanse pi douvan.

⭕️Nan dat 23 novanm 2025, pandan yon sèvis relijye nan Legliz Metodis Ini North Chili ki nan Rochester, Eta New York, pa...
07/06/2026

⭕️Nan dat 23 novanm 2025, pandan yon sèvis relijye nan Legliz Metodis Ini North Chili ki nan Rochester, Eta New York, pastè Phillipa Phaneuf, ki gen 51 lane, te fè yon deklarasyon piblik ki te atire anpil atansyon atravè mond lan. Li te anonse devan fidèl yo ke li se yon fanm transjan.

Pandan seremoni an, li te deklare: “Poum di sa senp, mwen se yon fanm; Kounye a mwen sispann fè sanblan mwen se yon gason.” Nan moman an, li te pote yon Riban ki te gen koulè lakansyèl la (LGBT), pandan plizyè manm kongregasyon an te montre sipò yo pou li.

Pastè a te eksplike li te deja kòmanse pwosesis tranzisyon li depi plizyè mwa poul ka retounen nan lavi fanm nan, ansanm ak yon tretman òmòn. Li te fè konnen tou li pral chanje nonl ak yon non fanm.

Daprè deklarasyon li yo, responsab Legliz Metodis Ini a ansanm ak otorite rejyonal yo te sipòte desizyon li. Li te konfime li pral kontinye egzèse ministè li epi li espere kominote relijye a kapab vin yon espas ki pi ouvè ak pi akeyan pou moun ki santi yo mete sou kote nan sosyete a koz oryantasyon…

Nan entèvyou li te bay apre anons la, Phillipa te fè konnen viv selon vrè idantite li pote yon sans bonè ak lapè li pat janm santi depi plizyè deseni. Dosye sa a te pwovoke anpil reyaksyon epi li te fè gwo bri nan plizyè peyi atravè lemond.

⭕️Samdi 6 Jen 2026 la nan lokalite Fonparizyen Komin Gantye Mirlanda Noé sòti kòm chanpyòn premye edisyon Konkou Chan òg...
07/06/2026

⭕️Samdi 6 Jen 2026 la nan lokalite Fonparizyen Komin Gantye Mirlanda Noé sòti kòm chanpyòn premye edisyon Konkou Chan òganize pa platfòm G8 en action.

Mirlanda Noé se yon jèn talansye ki gen rasin li nan kwadèboukè ak Fonparizyen. Aktyèlman li nan Segondè 3. Li rive ranpòte premye pri sila nan yon Konpetisyon ki te gen 6 Moun : Kenny Germain, Joseph Naïglie, Dachena Bazin, Kervens Dérigène, Sterlande Désir san wete li menm.

Anpil fwa talan yo konn la vrèman men konn manke ankadreman pou yo devlope yo. Nan sans sa G8 ki se yon gwoup jèn ki sèvi ka paj Facebook ak tiktok yo pou ede talan yo avanse e òganize aktivite pou yo nan lide pou rann yo pa abandone.

Nou ta renmen poze kesyon sa a konbyen jèn ki gen yon talan konsa men ki pa janm jwenn opòtinite pou yo patisipe nan yon aktivite parèy ? Eske pri sa li rive ranpòte a pa kapab ouvri lòt pòt pou Mirlanda Noé ?

⭕️Nan mitan bri vil la, kote lavi ap kouri pi vit pase espwa, gen yon vwa ki leve tankou yon flanm ki pa vle etenn. Se v...
06/06/2026

⭕️Nan mitan bri vil la, kote lavi ap kouri pi vit pase espwa, gen yon vwa ki leve tankou yon flanm ki pa vle etenn. Se vwa Vens le penseur, yon atis ki pa sèlman fè slam, men ki sanble ap fouye nan blesi sosyete a poul tounen yo vè mo, vè verite, vè refleksyon.

Nan chak tèks li yo, se pa sèlman pwezi ou tande, se yon kè kap pale. Se yon jenerasyon kap kriye an silans ki jwenn lang li nan bouch li. Travay li yo tankou “Foulosophe” ak “Fils du système” pa senp tit: yo se miwa ki reflechi kontradiksyon yon sosyete kote rèv ak reyalite pa toujou mache men nan men.

Nan vwa li, gen doulè moun ki pa tande yo. Nan ritm li, gen fristrasyon jèn ki ap chèche plas yo nan yon sistèm ki pafwa fèmen pòt pi vit pase li ouvri pou yo.

Men, malgre fòs mesaj yo, slam toujou rete yon atizay anpil moun pa bay tout valè li merite nan espas kiltirèl ayisyen an. Yo gadel kòm yon chichote pwezi, lè an reyalite li se yon loray ki ta dwe fè nou reveye. Men Vens le Penseur pa sispann. Li kontinye taye wout li nan mitan dout yo, nan mitan mepriz yo, kòm si chak inyorans li rankontre se yon lòt rezon pou li pale pi fò.

Paske pou li, slam pa sèlman atizay. Se rezistans. Se memwa. Se yon fason pou kenbe limyè sou sa ki ta ka fasil tonbe nan fènwa. E chak fwa li chwazi ekri, li sanble ap raple nou kèk verite senp men pwofon: Lè yon pèp Inyore sa ki bon se plante grenn dekadans nan jaden lavni. Anplis tou, lè bonte pa jwenn plas li, mediokrite vin mete twòn li san konkou.

Vens Le Penseur Slammmmm!!!!🙏

⭕️Malgre yon trè bon premye mitan kote Grenadye yo te montre anpil disiplin, entansite ak bon òganizasyon kolektif pou m...
06/06/2026

⭕️Malgre yon trè bon premye mitan kote Grenadye yo te montre anpil disiplin, entansite ak bon òganizasyon kolektif pou mennen nan nòt la, Ayiti finalman bese tèt li devan Pewou nan dènye match preparasyon li anvan Koup di Mond 2026 la.

Apre yon premye 45 minit ankourajan, seleksyon ayisyèn nan pat rive kenbe menm ritm lan apre poz la. Pewou te pwofite kèk moman feblès ak erè nan dezyèm mitan an pou ranvèse sitiyasyon an epi pran viktwa a.

Malgre rezilta a, pèfòmans Grenadye yo, sitou nan premye mitan an, montre ekip la gen bon agiman pou abòde gwo defi ki ap tann li nan Koup di Mond lan. Kounye a, antrenè a ak jwè yo ap travay sou detay ki bezwen amelyore pou yo ka rete konpetitif pandan tout 90 minit yo. 🇭🇹⚽

🇭🇹1 pou Ayiti ! Wilson Isidor pour son 2e but en amical avec Haïti !!!! Grenadye Alasoooooooo !!!!💪
06/06/2026

🇭🇹1 pou Ayiti ! Wilson Isidor pour son 2e but en amical avec Haïti !!!!
Grenadye Alasoooooooo !!!!💪

05/06/2026

Analiz avan match Haïti vs Pérou
Nap bay minit nan fen an

05/06/2026

Vin rele pou predi score exact match Ayiti vs Pewou a pou ka fè minit !⚽️⚽️⚽️

05/06/2026

Deklarasyon TiJO Zeni 🙏

Adresse

Gonaïves
14609

Téléphone

+50941177388

Site Web

Notifications

Soyez le premier à savoir et laissez-nous vous envoyer un courriel lorsque Siloé Media publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à Siloé Media:

Raccourcis

Partager