Modëza - Islamic Relief Kosova

Punë praktike, ushtrime reale dhe rezultate të shpejta. Modëza është një brend i veçantë i veshjeve, e cila vepron në kuadër të Islamic Relief Kosova dhe ka për qëllim fuqizimin e nënave kryefamiljare, në mënyrë që përmes aftësimit profesional të arrijnë të gjenerojnë të ardhura të qëndrueshme për familjet e tyre. Misioni ynë është të ofrojmë mundësi të qëndrueshme punësimi për gratë në nevojë, ve

çanërisht për nënat e jetimëve, duke i pajisur ato me aftësi të vlefshme në rrobaqepësi dhe duke krijuar pavarësi ekonomike afatgjate. Modëza përfaqëson më shumë se thjesht një brend veshjesh – është një simbol fuqizimi. Fabrika jonë e vogël punëson gra që kanë përfunduar kursin tonë të plotë të rrobaqepësisë. Përmes këtij projekti i cili mbështetet nga Islamic Relief USA, këto gra kanë transformuar jetën e tyre, duke fituar stabilitet financiar dhe duke kontribuar në komunitetin e tyre. Ne fokusohemi në prodhimin e veshjeve cilësore për fëmijë dhe të rritur, me theks të veçantë te veshjet sportive. Çdo copë veshjeje është e punuar me kujdes, duke reflektuar përkushtimin tonë ndaj cilësisë dhe përgjegjësisë sociale. Duke zgjedhur brendin ‘Modëza’, ju mbështesni jo vetëm veshje të prodhuara me etikë, por edhe një mision që fuqizon dhe ndihmon gratë në nevojë në Kosovë.