13/06/2026
Was isch das fürne Wuche gsi! Am Donnsti het‘s mau so richtig ghäscheret oder angers gseit; g‘chutet ide Vogese🤪💨 - u de wie…! Dr Bsuech vo dr Gwärbepolizei het z Fass zum überloufe bracht, ig bi tatsächlech richtig steihässig u sauer gsi wie dir aui heit mitübercho ( het sich widr chli gleit mittlerwile 😅)… Dank Euch liebi Chunde isch ä gwautigi Lawine usglöst worde, ig hät niemaus dänkt, dass das derart ab geit👊🏽‼️Ig möcht mi nomau bi Euch aune bedanke u äs RISE MERCI usspräche a jede einzu wo die Aktion het gsupportet🙏🏽! Am Friti Morge isch de nachem Bsuech vom Telebärn 🎬 ( o Euch äs RISE mercischön - good job Jelka👏🏽 ) tatsächlich der Chef persönlich verbi cho vo dr Gwärbepolizei dr Herr Heeb👀🙌🏽, muess säge, mit däm hätti nie und nimmer grächnet. Mir hei äs churzes aber sehr agnähm‘s Gspräch gha zäme, was ig ungloublech wärtgschetzt ha - o für das äs GROSSES dankeschön, Chapeau! U de isch am Friti u hüt emsig‘s tribe agseit gsi im Store mit ganz viu neue Lüt, Neuchunde und üsne ungloublech treue Stammchunde - MERCI VIU MAU❤️! Iz luege mir mau was passiert👀
