https://www.facebook.com/109956155064675/

Colors, Bayint Naung Road, Ranchi (2026)

28/12/2025

လက်ကျန်ဖြတ် NPT သို့ ☺️

23/12/2025

ချစ်ရတဲ့ ဖေဖေ မေမေ သားသား မီးမီး တို့ရှင်။
မင်မင်တို့ရဲ့ Colors page လေး ရက်အကန့်အသတ်မရှိ ရပ်နားလိုက်ပီ ဖြစ်ကြောင်း ဝမ်းနည်း စွာနဲ့ အသိပေးအပ်ပါတယ်ရှင်။
နောင် အဆင်ပြေတဲ့အခါ page လေး ပြန်စဖြစ်ခဲ့ရင်လည်း အားပေးကြပါဦးရှင်။
လေးနှစ်တာ ကာလ အတွင်းမှာ ယုံကြည်စိတ်ချစွာ ဝယ်ယူအားပေးခဲ့ကြတဲ့ ထမင်းရှင် customer များ အားလုံးကို ရင်ထဲကနေ လှိုက်လှဲစွာ ကျေးဇူးတင်ပါတယ်နော် 💞

20/10/2025

Wishing you a bright and joyful Diwali!
May your life be filled with light, love, and endless blessings.
Let this festival of lights bring peace to your heart and happiness to your home. ✨

06/10/2025

သီတင်းကျွတ် အခါ သမယ နေ့လေးမှ စ၍ ပျော်ရွှင် ချမ်းမြေ့ကြပါစေကြောင်း Colors မိသားစု ဆုမွန်ကောင်း တောင်းပေးလိုက်ရပါတယ်ရှင် 🕯️ 🕯️ 🕯️

27/09/2025

✨ Greeting from Colors ✨

It’s been a while since we last connected, and we’re so happy to be back with you! 🥰

To celebrate the Thadingyut Festival, we are offering a Special Promotion 🎉
🎁 20% OFF on All Items 🎁

🛹 Skateboards, 🚼 Baby Car Seats, 👶 Baby Rockers — everything is now on discount!
All our products are Japan-used, clean, and ready to use — carefully selected for parents who want quality and reliability.

📍 Visit our Colors Page and shop during this special festive season.
✨ Limited time only – don’t miss out!

21/08/2025

ကလေးတွေ စိတ်လိုက်မာန်ပါ ပြုမူတတ်တဲ့အခါ မိဘတွေ ဘာလုပ်သင့်သလဲ?

မင်္ဂလာပါရှင်။

Colors Page ကနေ နွေးထွေးစွာ ကြိုဆိုလိုက်ပါတယ်။

ကလေးရှိတဲ့မိဘအများစုအတွက် ပြဿနာတစ်ခုက ကလေးတွေရဲ့ ဒေါသပေါက်ကွဲမှုနဲ့ စိတ်လိုက်မာန်ပါ ပြုမူတတ်တဲ့ အပြုအမူတွေပါ။ အထူးသဖြင့် တောက်တောက်ပြေး Toddler အရွယ်မှာ အော်ဟစ်ငိုယိုတာ၊ ပစ္စည်းတွေ ပစ်ပေါက်တာလိုမျိုး ကြမ်းတမ်းတဲ့ အပြုအမူမျိုးတွေ လုပ်တတ်ကြပါတယ်။

ဒီလိုအပြုအမူတွေမြင်ရတဲ့အခါ မိဘတွေအနေနဲ့ စိတ်တိုစိတ်ပျက်ရပေမဲ့ ဒါတွေက ကလေးရဲ့ ဖွံ့ဖြိုးတိုးတက်မှုဖြစ်စဉ်တစ်ခုပါ။ သူတို့ခံစားချက်တွေကို ဘယ်လိုဖော်ပြရမယ်၊ ဘယ်လိုထိန်းချုပ်ရမယ်ဆိုတာကို မသိသေးလို့ ဖြစ်တာပါ။

✔️ဒါကြောင့် ကလေးတွေရဲ့ စိတ်ခံစားချက်တွေကို လေးစားပါ။

ကလေးတွေရဲ့ စိတ်ခံစားချက်တွေကို လွတ်လွတ်လပ်လပ် ဖော်ထုတ်ခွင့်ရဖို့ဆိုတာ စိတ်ကျန်းမာရေးအတွက် အခြေခံလိုအပ်ချက်တစ်ခုပါ။ ဒီလို ဖော်ထုတ်တဲ့နေရာမှာ မသင့်လျော်တဲ့ အပြုအမူ (Bad Behavior) တွေ ပါမလာအောင် ထိန်းကျောင်းပေးဖို့သာ လိုပါတယ်။

ဥပမာအားဖြင့် စိတ်အလိုမကျလို့ ခြေဆောင့်တာ၊ ငိုယိုအော်ဟစ်တာမျိုးဟာ ကလေးတွေရဲ့သဘာဝဖြစ်ပြီး အခြားသူတွေကို မထိခိုက်စေတာကြောင့် မလိုအပ်ဘဲ တားဆီးထိန်းချုပ်တာဟာ ကလေးကို အနိုင်ကျင့်တာဖြစ်ပါတယ်။

ဒီတော့ ဒီလိုအခြေအနေမျိုးကို ဘယ်လိုကိုင်တွယ်ဖြေရှင်းရမလဲဆိုတဲ့ အကြံပြုချက်အချို့ကို မျှဝေပေးချင်ပါတယ်။

>>အရေးအကြီးဆုံးအချက်က ကလေးရဲ့ ခံစားချက်ကို နားလည်ပေးပါ၊ လက်ခံပေးပါ။

ကလေးစိတ်ဆိုးနေချိန်မှာ "သား ဒေါသထွက်နေတာ မေမေသိပါတယ်" လို့ ရိုးရိုးလေးပြောပေးတာက "စိတ်မတိုရဘူး" လို့ ပိတ်ပင်တာထက် ပိုထိရောက်ပါတယ်။ ဒီနည်းလမ်းက ကလေးကို သူ့ခံစားချက်တွေဟာ အရေးပါကြောင်းနဲ့ မိဘက နားလည်ပေးကြောင်း ခံစားရစေပြီးကိုယ်ပိုင်စိတ်ခံစားမှုတွေကို ထိန်းချုပ်တတ်အောင် သင်ကြားရာမှာလည်း အထောက်အကူပြုပါတယ်။

>>စကားလုံးတွေနဲ့ ဖော်ပြတတ်အောင် သင်ပေးပါ။

ကလေးက စိတ်အလိုမကျတဲ့အခါ "သားဒေါသထွက်နေတာလား? ဝမ်းနည်းနေတာလား? စိတ်ရှုပ်နေတာလား?" လို့မေးပေးပါ။ ဒီနည်းလမ်းက အော်ဟစ်‌ပေါက်ကွဲတာတွေအစား သူ့ခံစားချက်တွေကို စကားလုံးနဲ့ဖော်ပြတတ်အောင် ကူညီပေးပါလိမ့်မယ်။

>>စိတ်တည်ငြိမ်အောင် ကူညီပေးပါ။

ကလေးက စိတ်ဆိုးပြီး အငိုမရပ်နိုင်တဲ့အခါ စိတ်တည်ငြိမ်စေမယ့် နေရာတစ်ခုကို ခေါ်သွားပါ။ နွေးနွေးထွေးထွေး ပွေ့ဖက်ပေးတာမျိုး၊ သက်သောင့်သက်သာဖြစ်မယ့် နေရာမှာ ထိုင်ခိုင်းပြီး အသက်ပြင်းပြင်းရှူခိုင်းတာမျိုးလုပ်ပေးပါ။ ဒီအချိန်မှာ ကလေးကို အပြစ်တင်တာ၊ ဆူပူတာမျိုး လုံးဝမလုပ်ပါနဲ့။

>>ကြိုတင်ကာကွယ်ပါ။

ကလေးရဲ့ အမူအရာကို စောင့်ကြည့်ပြီး စိတ်ဆိုးတော့မယ့် အခြေအနေကို ကြိုသိအောင် ကြိုးစားပါ။ ဥပမာ- ကလေးဆိုတာ ဆာနေရင်၊ ပင်ပန်းနေရင် စိတ်တိုလွယ်ပါတယ်။ မဆာခင်ကျွေးတာ ပင်ပန်းနေပုံရရင် နားခိုင်းတာမျိုးလုပ်ပေးခြင်းက ဒေါသပေါက်ကွဲမှုကို ရှောင်ရှားနိုင်ပါတယ်။

ကလေးရဲ့ဒေါသဆိုတာ သူ့ခံစားချက်တွေကို နားလည်ဖို့ ကြိုးစားနေတာဖြစ်ပါတယ်။ မိဘတွေရဲ့ နားလည်မှု၊ စိတ်ရှည်မှုနဲ့ မှန်ကန်တဲ့ လမ်းညွှန်မှုတွေက ကလေးကို သူ့ဒေါသကို ကောင်းကောင်းထိန်းချုပ်တတ်ဖို့ ကူညီပေးနိုင်ပါတယ်

မှန်ကန်တဲ့နည်းလမ်းနဲ့ ထိန်းကျောင်းပေးမှသာ စိတ်ပိုင်းဆိုင်ရာ ကျန်းမာပြီး ပျော်ရွှင်တဲ့ လူတစ်ယောက်အဖြစ် ကြီးပြင်းလာမှာပါ။

🫶🏻 ကလေးတို့ရဲ့ စိတ်ခံစားမှုကို ပိုမိုနားလည်နိုင်ပြီး မိသားစုဘဝ ပိုမိုပျော်ရွှင်ပါစေရှင်။

Colors

Japan Used Baby Stroller

17/08/2025

♥တိရစ္ဆာန်လေးတွေကို ချစ်တတ်တဲ့ကလေးလေး‌

တိရစ္ဆာန်လေးတွေဆိုတာ ဟိုးရှေးယခင်တည်းက သက်ရှိကမ္ဘာလောကကြီးမှာ လူတွေနဲ့အတူ ရှင်သန်နေထိုင်ခဲ့ကြပြီး လူသားတွေရဲ့ ဘဝတစ်စိတ်တစ်ပိုင်းလဲဖြစ်တယ်လို့ ပြောနိုင်ပါတယ်။

ခွေး၊ကြောင်၊ဟမ်းစတား၊ငါး၊ငှက် စတဲ့ အိမ်မွေးတိရစ္ဆာန်လေးတွေအပြင် လူ့ပတ်ဝန်းကျင်က အခြားသော တိရစ္ဆာန်လေးတွေနဲ့ တောရိုင်းတိရစ္ဆာန်‌တွေပါမကျန် လူသားတွေရဲ့ တန်ဖိုးထားလေးစားမှုကို ခံယူထိုက်ပါတယ်။

သက်ရှိသတ္တဝါတိုင်းက ကြင်နာမှု၊စာနာမှုနဲ့ တန်ဖိုးထားမှုကို ခံယူထိုက်ကြောင်း ကလေးတို့ကိုသင်ကြားပေးဖို့ ငယ်လွန်းတယ်၊စောလွန်းတယ်ဆိုတာ မရှိပါဘူး။

ငယ်စဥ်ကတည်းက တိရစ္ဆာန်လေးတွေကို ကြင်နာတတ်ဖို့ အသင်ခံရတဲ့ကလေးတွေဟာ လေးစားမှု၊စာနာမှု၊မိမိကိုယ်ကိုယုံကြည်မှုနဲ့ ခေါင်းဆောင်နိုင်မှု စတဲ့အရည်အသွေးတွေ ဖွံ့ဖြိုးလာမှာဖြစ်ပါတယ်။

တိရစ္ဆာန်လေးတွေကို အသိအမှတ်ပြုပြီး ချစ်တတ်လာအောင် ဒီလိုနည်းလမ်းလေးတွေနဲ့ စတင်သင်ကြားပေးလို့ရပါတယ်။👇

🟨ပတ်ဝန်းကျင်က တိရစ္ဆာန်လေးတွေနဲ့မိတ်ဆက်ပေးပါ။
ကောင်းကင်က ငှက်ကလေးကို လက်ညိုးထိုးပြတာ၊သစ်ပင်ပေါ်တက်ပြေးတဲ့ရှဉ့်ကလေး ဒါမှမဟုတ် ခြံစည်းရိုးနားက ခရုလေးကိုပြပြီး သူတို့ရဲ့နာမည်နဲ့ အသံလေးတွေ၊အမူအရာလေးတွေလုပ်ပြတာ စသဖြင့် ကလေးကို ဒီကမ္ဘာကြီးမှာ လူအပြင် သက်ရှိတိရစ္ဆာန်လေးတွေပါရှိကြောင်း ရင်းနှီးမှုရလာဖို့ ကူညီပေးရမှာဖြစ်ပါတယ်။

🟨တိရစ္ဆာန်လေးတွေနဲ့ ပြုမူဆက်ဆံနည်းကို သင်ပေးပါ။
ကြောင်ကလေး၊ခွေးကလေး စတဲ့ အိမ်မွေးတိရစ္ဆာန်လေးတွေရဲ့ body language ကို နားလည်‌ဖို့ ကူညီပေးခြင်းက ကလေးနဲ့အိမ်မွေးတိရစ္ဆာန်လေးရဲ့ ဆက်ဆံရေးကို နှစ်ဦးနှစ်ဖက် safe ဖြစ်စေရုံသာမက အပြုသဘောဆောင်ပြီး ခိုင်မြဲတဲ့ဆက်ဆံရေးတည်ဆောက်နိုင်မှာဖြစ်ပါတယ်။

🟨တိရစ္ဆာန်လေးတွေကို နေ့စဉ်စောင့်ရှောက်ပေးတဲ့အလုပ်မှာ ကလေးကိုပါဝင်ခိုင်းပါ။
တိရစ္ဆာန်လေးကို အစာကျွေးတာ၊ရေတိုက်တာ သူနေတဲ့နေရာကို သန့်ရှင်းရေးလုပ်ပေးတာ၊ခွေးလေးဆိုရင် ရေချိုးပေးတာ၊လမ်းအတူလျှောက်တာ စသဖြင့် နေ့စဉ်လုပ်ဆောင်မှုတွေမှာ ကလေးကိုပါဝင်စေတာက ကလေးနဲ့တိရစ္ဆာန်လေးရဲ့ကြား ယုံကြည်မှုတည်ဆောက်နိုင်ပြီး နှောင်ကြိုးခိုင်မြဲစေပါတယ်။

🟨တိရစ္ဆာန်လေးတွေပါတဲ့ စာအုပ်၊ရုပ်ရှင်နဲ့ TV show လေးတွေပြပေးပါ။
တိရစ္ဆာန်လေးတွေကို အဓိကသရုပ်ဆောင်အဖြစ် သရုပ်ဖော်ထားတဲ့ စာအုပ်၊ရုပ်ရှင်တွေ အများကြီးရှိပါတယ်။
ညအိပ်ယာဝင်ကာနီး တိရစ္ဆာန်လေးတွေပါတဲ့ပုံပြင်ဖတ်ပြတာ၊မိသားစု ရုပ်ရှင်ကြည့်ချိန်မှာ တိရစ္ဆာန်လေးတွေပါတဲ့ ကာတွန်း၊ရုပ်ရှင်လေးတွေ အတူကြည့်တာဟာ ကလေးအတွက် အပြင်လက်တွေ့က တိရစ္ဆာန်လေးတွေအကြောင်း ဆက်စပ်တွေးခေါ်တတ်လာစေပြီး စာနာမှုထားတတ်ဖို့ကိုလည်း သင်ယူပေးရာရောက်ပါတယ်။

🟨မကြာခဏ အပြင်ထွက်ပေးပါ။
တိရစ္ဆာန်လေးတွေကို တန်ဖိုးထားချစ်မြတ်နိုးစိတ်က သဘာဝပတ်ဝန်းကျင်ကို ချစ်မြတ်နိုးတန်ဖိုးထားတတ်တဲ့စိတ်ကနေ အရင်းခံတာပါ။
အပြင်ထွက်လမ်းလျှောက်တာ၊တိရစ္ဆာန်ဥယျဉ်ထဲသွားပြီးလေ့လာတာ၊ပန်းခြံထဲပျော်ပွဲစားထွက်တာ စတာတွေက အခြားဘယ်နည်းလမ်းနဲ့မှမရနိုင်တဲ့ ပတ်ဝန်းကျင်အကြောင်း၊သက်ရှိ‌တွေအကြောင်း က‌လေးဦးနှောက်က အလိုအလျောက်သင်ယူနိုင်မှုကိုရရှိစေပါတယ်။
ပြင်ပကမ္ဘာကြီးကပေးတဲ့ အံဩစရာတွေက ကလေးကို ပြင်ပလောကသက်ရှိတွေအကြောင်း စိတ်ဝင်စားအောင် ဆွဲဆောင်နိုင်စွမ်းရှိပါတယ်။

🟨တိရစ္ဆာန်လေးတွေကို တန်ဖိုးထားစောင့်ရှောက်ပြပါ။
ကလေးတွေက မိဘတွေနဲ့ မိသားစုဝင်တွေကိုကြည့်ပြီး လေ့လာအတုယူကြတာဖြစ်တဲ့အတွက် ကိုယ့်ရဲ့အိမ်မွေးတိရစ္ဆာန်လေးတွေနဲ့ ပတ်ဝန်းကျင်က တိရစ္ဆာန်လေးတွေကို ချစ်ခင်ကြင်နာပြီး စောင့်ရှောက်ပြမယ်ဆိုရင် ကလေးကလည်း ဒါကိုသင်ယူမှာဖြစ်ပါတယ်။

စာနာမှုနဲ့ တန်ဖိုးထားလေးစားမှုဟာ သက်ရှိမျိုးစိတ်တစ်ခုတည်းအပေါ်မှာပဲ ထားရမယ့်အရာမဟုတ်ပါဘူး။
"နိုင်ငံတစ်နိုင်ငံရဲ့ အောင်မြင်ကြီးမြတ်မှုနဲ့ သူ့နိုင်ငံသားတွေရဲ့ စာရိတ္တပိုင်းဆိုင်ရာ တိုးတက်ဖွံ့ဖြိုးမှုကို တိရစ္ဆာန်လေးတွေအပေါ်ဆက်ဆံပုံကို ကြည့်ပြီး ဆုံးဖြတ်နိုင်ပါတယ်" လို့ ဂန္ဒီကဆိုခဲ့ပါတယ်။

ကလေးတွေကို တိရစ္ဆာန်လေးတွေအပေါ် တန်ဖိုးထားကြင်နာတတ်အောင် သင်ပေးဖို့ဆိုတာ အရေးကြီးတဲ့ လူမှုဘဝသင်ခန်းစာတစ်ခုလည်းဖြစ်ပါတယ်။

တိရစ္ဆာန်လေးတွေကို ချစ်တတ်တဲ့ ကလေးတွေဟာ သဘာဝပတ်ဝန်းကျင်နဲ့ အပင်လေးတွေ၊အခြားသောသက်ရှိသတ္တဝါလေးတွေကိုလည်း တန်ဖိုးထားချစ်ခင်တတ်တဲ့အပြင် လူအချင်းချင်းအပေါ်မှာလည်း ဂရုစိုက်ကြင်နာတတ်ကြပါတယ်။

ဒါကြောင့် ကလေးတွေကို ငယ်စဉ်ကတည်းက တိရစ္ဆာန်လေးတွေအပေါ် တန်ဖိုးထားချစ်တတ်အောင်‌ သင်ပေးမယ်ဆိုရင် နောင်တစ်ချိန်မှာ အသက်တိုင်းကို တန်ဖိုးထားတတ်ပြီး စာနာစိတ်အပြည့်ရှိတဲ့ လူမှုပတ်ဝန်းကျင်ကို ဖန်တီးပေးနိုင်မယ့် လူကြီးလူကောင်းလေးတွေများပြားလာမှာပဲ ဖြစ်ပါတယ်။

Ref:It's never too early to teach your child to respect animals.

Angel

15/08/2025

ဒီပစ္စည်းလေးသာမပါရင် ကလေးနဲ့အပြင်ထွက်ပြီး ထမင်းစားဖို့ 100 % အဆင်မပြေပါဘူး....

အပြင်တစ်ခါ ထွက်စားဖို့အရေး ကလေးပါနေလို့ မသွားဖြစ်တဲ့အခေါက်တွေ ဘယ်လောက်‌တောင်များနေပြီလဲ?

ကလေးနဲ့အတူ အပြင်မှာ အေးအေးဆေးဆေး ထမင်းတစ်နပ်စားဖို့ဆိုတာ ခက်ခဲနေတယ်ဟုတ်...

ကလေးကလည်း ငြိမ်ငြိမ်မနေဘူး....
ဆိုင်တွေမှာ ကလေးထိုင်ခုံရှိပါ့မလား?
ရှိရင်ရော အဆင်ပြေပြေထိုင်နိုင်ပါ့မလား?
ဆိုတဲ့ စိတ်ပူပန်မှုတွေနဲ့ အိမ်ထဲမှာပဲ နေခဲ့ရတာမျိုးမဖြစ်အောင်....

ဒီပြဿနာ‌တွေအားလုံးကို ဖြေရှင်းပေးနိုင်မယ့် အကောင်းဆုံးနည်းလမ်းကတော့ ကိုယ်ပိုင်ခရီး‌ဆောင်ထိုင်ခုံလေး ယူသွားဖို့ပဲပေါ့...

ဒီနေရာမှာ မင်မင်က မေမေ၊ဖေဖေတို့အတွက် အရမ်းကိုအဆင်‌ပြေမယ့် ✨ Combi Portable Folding Booster Seat ✨ လေးနဲ့ မိတ်ဆက်ပေးပါရစေ။

🌟 ဒီ Booster Seat လေးက ...

သယ်ရလွယ်တယ်၊ နေရာမယူဘူး...
အရမ်းပေါ့ပါးတဲ့အပြင် ခေါက်သိမ်းလို့ရတော့ ကားထဲမှာပဲဖြစ်ဖြစ်၊ ကလေးတွန်းလှည်းအောက်မှာပဲဖြစ်ဖြစ် အလွယ်တကူထည့်ယူသွားလို့ရတယ်။

ကလေးနဲ့အပြင်သွားရင် ပစ္စည်းတွေအများကြီးမသယ်ချင်တဲ့ မေမေ၊ဖေဖေတို့အတွက် အရမ်းအဆင်ပြေတယ်။

လုံခြုံတယ်၊ စိတ်ချရတယ်...
Combi ဆိုတဲ့ နာမည်ကြီး ဂျပန် Brand က ထုတ်ထားတာဖြစ်လို့ အရည်အသွေးကို စိတ်ချပါ။ ခိုင်ခံ့တဲ့ Frame နဲ့ (၃) နေရာ ချိတ်ဆက်ထားတဲ့ Safety Harness ကြောင့် သားသား၊မီးမီးလေးတွေ ထိုင်ခုံက‌နေ ထွက်ကျမှာ၊ ထိုင်ခုံမှောက်ကျမှာမျိုး လုံးဝမပူရဘူး။

သန့်ရှင်းတယ်၊ အသစ်လိုပဲ...
ဒီခုံလေးက Pre-loved ဖြစ်ပေမယ့် ကောင်းကောင်းသန့်ရှင်းပေးထားလို့ အညစ်အကြေး၊ပိုးမွှားကင်းတယ်။ အသစ်လိုပဲ ဝယ်ယူပြီးတာနဲ့ ချက်ချင်းသုံးလို့ရပြီ။

အသစ်ဝယ်ဖို့ ဈေးကြီးတယ်လို့ ထင်တဲ့ မေမေ၊ဖေဖေတို့အတွက် ဈေးနှုန်းချိုသာပြီး အရည်အသွေးကောင်းတဲ့ ဒီခုံလေးက အသင့်တော်ဆုံးပဲပေါ့။

နေရာတိုင်းမှာ အသုံးဝင်..
အပြင်ထွက်တဲ့အခါ၊ ခရီးသွားတဲ့အခါ၊ စားသောက်ဆိုင်သွားတဲ့အခါတွေတင်မကဘဲ အိမ်မှာ ကလေးထိုင်ဖို့အတွက်လည်း အလွယ်တကူအသုံးပြုနိုင်ပါတယ်။

✨ အပြင်ထွက်ရင် သားသား၊မီးမီးလေးတွေနဲ့ စိတ်လက်ချမ်းသာ ထမင်းစားနိုင်ဖို့ ဒီ Combi Booster Seat လေးက အကူအညီတွေအများကြီးပေးနိုင်ပါတယ်။ ✨

💰 စျေးနှုန်း - ၈၅,၀၀၀ ကျပ်

💌 ဝယ်ယူလိုပါက Colors Page ရဲ့ Chatbox ကို စာလေးတစ်စောင်ပို့ပြီး စုံစမ်းမေးမြန်းနိုင်ပါပြီရှင်။

🏬 ဆက်သွယ်ရန်
ရွာမကွေ့ မီးပွိုင့်၊ ဘုရင့်နောင်လမ်းမကြီး၊ (၂) ရပ်ကွက်၊ လှိုင်မြို့နယ်
☎️ ဖုန်း - ၀၉၇၉၉၈၉၅၂၆၃

#သားသားမီးမီးတို့အတွက်
#ခရီးဆောင်ထိုင်ခုံ

10/08/2025

❗ကလေးတွေနဲ့ စကားပြောဖြစ်ရဲ့လား?

ဒီမေးခွန်းကို ကြားလိုက်တဲ့အခါ ထူးဆန်းတယ်လို့ ထင်ကောင်းထင်နိုင်ပေမဲ့ နေ့စဉ်ဘဝရဲ့ ပင်ပန်းမှုတွေကြားမှာ မိဘအများစုက ကလေးတွေနဲ့ စကားပြောဖို့ အချိန်မပေးနိုင်တာကတော့ အမှန်ပါပဲ။

🌱🌱🌱🌱🌱

မင်္ဂလာပါရှင်။
Colors Page ကနေ နွေးထွေးစွာ ကြိုဆိုလိုက်ပါတယ်။

ဒီနေ့မှာတော့ ကလေးတို့အတွက် သိပ်ပြီး အရေးမကြီးဘူးလို့ ထင်ရပေမဲ့ ဦးနှောက်နဲ့စိတ်ပိုင်းဆိုင်ရာဖွံ့ဖြိုးတိုးတက်မှုအတွက် အဓိကကျတဲ့ အကြောင်းအရာလေးတစ်ခုကို ဖေဖေ၊မေမေတို့အတွက် မျှဝေပေးချင်ပါတယ်။

ဒါကတော့ "ကလေးတွေနဲ့ စကားပြောပေးခြင်း" ရဲ့ အရေးပါပုံပဲ ဖြစ်ပါတယ်။

မိဘအများစုက ကလေးကို ကောင်းကောင်းစား၊ ကောင်းကောင်းနေ၊ ကျောင်းမှန်မှန်တက်ဖို့ပဲ အဓိကထားတတ်ကြပါတယ်။ နေ့စဉ်ဘဝရဲ့ ရုန်းကန်မှုတွေကြားမှာ ကလေးတွေနဲ့ ရင်းရင်းနှီးနှီး စကားပြောဖို့ မေ့လျော့နေတတ်ကြပါတယ်။

ကလေးနဲ့ ပုံမှန်စကားပြောဆိုပေးခြင်းက သူတို့ရဲ့ ဘာသာစကားစွမ်းရည်၊ စဉ်းစားတွေးခေါ်နိုင်စွမ်းနဲ့ စိတ်ပိုင်းဆိုင်ရာ ဖွံ့ဖြိုးမှုအတွက် အကောင်းဆုံးရင်းနှီးမြှုပ်နှံမှုတစ်ခုဆိုတာကိုလည်း သတိမထားမိတတ်ကြပါဘူး။

ကလေးလေးက မိခင်၊ ဖခင်ရဲ့အသံကို ဗိုက်ထဲမှာကတည်းကကြားနိုင်ပြီး ရင်းနှီးမှတ်မိလာနိုင်ပါတယ်။ မွေးပြီးတဲ့အခါမှာလည်း စကားပြောပေးခြင်း၊ သီချင်းဆိုပေးခြင်းက
🧠 ဦးနှောက်ဖွံ့ဖြိုးမှုကိုမြှင့်တင်ပေးတယ်။
📚 ဝေါဟာရနဲ့ အဓိပ္ပာယ်နားလည်မှုကို တိုးစေတယ်။
💬 ဆက်သွယ်ရေးစွမ်းရည်ကို တဖြည်းဖြည်း တည်ဆောက်ပေးပါတယ်။

ဒါကြောင့် ကလေးဘဝအစမှာတင် မိဘရဲ့အသံ၊ စကား၊ ချစ်ခြင်းအပြုံးတွေဟာ ဘာသာစကားအရည်အချင်းအတွက် အခြေခံအုတ်မြစ်ဖြစ်ပါတယ်။ဒါကြောင့် ကလေးတွေနဲ့ နေ့တိုင်း စကားပြောပေးတာဟာ ဉာဏ်စွမ်းရည်တက်လာဖို့ အကောင်းဆုံးလေ့ကျင့်ခန်းပါပဲ။

✅ ကလေးတွေနဲ့ ပုံမှန်စကားပြောပေးတဲ့အခါ ဘာသာစကားစွမ်းရည်ကို မြန်မြန်ဆန်ဆန် တိုးတက်စေပြီး ခံစားချက်တွေကို ထိထိရောက်ရောက် ဖော်ပြတတ်အောင် ကူညီပေးပါတယ်။ စကားလုံးအသစ်တွေ၊ ဝါကျတည်ဆောက်ပုံတွေကိုလည်း အလိုလိုနားလည်လာပါတယ်။

"သားသား ဒီအရုပ်လေးကို ဘယ်လိုဆက်မလဲ"၊ "မီးမီး ဒီနေ့ ကျောင်းမှာ ဘာတွေဖြစ်ခဲ့လဲ" စသဖြင့် မေးမြန်းတာကနေ ကလေးတွေဟာ စဉ်းစားတွေးခေါ်တတ်လာပြီး အဖြေရှာတတ်လာပါတယ်။ ဒါဟာ ကျောင်းမှာတင်မက ဘဝမှာပါ အသုံးဝင်မယ့် အသိဉာဏ်စွမ်းရည်တွေပါ။

✅ မိဘတွေနဲ့ စကားပြောတဲ့အခါ ကလေးတွေဟာ သူတို့ရဲ့ အတွေးတွေကို ဖော်ပြဖို့ လုံခြုံမှုရှိတယ်လို့ ခံစားရပါတယ်။ ဒါက ကလေးနဲ့မိဘကြားက ခိုင်မာတဲ့ ရင်းနှီးမှုကို တည်ဆောက်ပေးပြီး နောင်တစ်ချိန်မှာ အခက်အခဲတွေနဲ့ကြုံလာရင် ပွင့်လင်းစွာ ပြောပြတတ်ဖို့ အထောက်အကူပြုပါတယ်။

"မေမေ ဒီနေ့ ပင်ပန်းလာလို့ သားသား အိမ်မှုကိစ္စလေးတွေ ကူညီပေးပါလား" စသဖြင့် ပြောဆိုတာမျိုးက ကလေးတွေဟာ သူများရဲ့ စိတ်ခံစားချက်ကို စာနာတတ်လာပြီး ကိုယ်ချင်းစာတရားကို နားလည်လာပါတယ်။

✅ ကလေးတွေ စကားပြောနေရင် အာရုံစိုက်ပြီး နားထောင်ပေးပါ။ သူတို့ရဲ့ မျက်လုံးကိုကြည့်ပြီး စိတ်ဝင်တစားနဲ့ တုံ့ပြန်ပေးပါ။

မေးခွန်းတွေ မေးပါ။ "ဟုတ်တယ်"၊ "မဟုတ်ဘူး" ဖြေရုံလောက်မကဘဲ အသေးစိတ် ရှင်းပြရမယ့် မေးခွန်းမျိုးတွေ မေးပေးပါ။ ဥပမာ- "သားရဲ့ သူငယ်ချင်းက ဘာလို့ ပျော်နေတာလဲ" လို့ မေးကြည့်ပါ။

ဈေးဝယ်ထွက်တာ၊ ထမင်းဟင်းချက်တာ စတဲ့ နေ့စဉ်လှုပ်ရှားမှုတွေအကြောင်း ပြောပြပေးပြီး ကလေးတွေကို လည်း ပါဝင်ခိုင်းပါ။

✅ ကလေးတွေနဲ့ စကားအမြဲပြောပေးတာဟာ သူတို့ရဲ့ ဦးနှောက်ကို အာဟာရဖြည့်ပေးတာနဲ့ တူပါတယ်။ ဒါကြောင့် နေ့စဉ် စကားပြောချိန်လေးတွေ ဖန်တီးပေးခြင်းဖြင့် သားသားမီးမီးလေးတွေရဲ့ ဖွံ့ဖြိုးတိုးတက်မှုကို အကောင်းဆုံးပံ့ပိုးပေးကြပါစို့ရှင်။

🫶🏻 သားသား၊မီးမီးတို့ရဲ့ ဖွံ့ဖြိုးတိုးတက်မှုအတွက် အကောင်းဆုံး ပံ့ပိုးပေးနိုင်ပါစေ။

Colors Japan Used Baby Stroller

IntimateConversations

09/08/2025

📣ထင်ထားတာထက် ပိုတန်တဲ့ဈေးနှုန်းနဲ့ရမယ့် Japan-used ကလေးပစ္စည်းများ🥳

✔ Baby Car Seats (၅ % to၂၀% အထိ လျှော့စျေး)– လုံခြုံစိတ်ချရတဲ့ ခရီးသွားလာမှုအတွက် နာမည်ကြီး Brand ကလေးကားထိုင်ခုံများ
✔ Baby Rockers – ကလေးငယ် သက်သောင့်သက်သာ အနားယူပျော်ရွှင်စေမယ့် သွား‌‌လေရာထည့်ယူလို့ရတဲ့ လှုပ်သိပ်လှည်းများ
✔ Baby Strollers – သွားလာရလွယ်ကူပြီး မိခင်ရော ကလေးပါ သက်တောင့်သက်သာရှိမယ့် သယ်ရလွယ်ကူတဲ့ ကလေးတွန်းလှည်းများ

✅ ပစ္စည်းတိုင်းကို သန့်ရှင်းသပ်ရပ်စွာ ထုပ်ပိုးပေးပါသည်။
✅ Aprica, Kurutto, Combi အပါအဝင် နာမည်ကြီး Brand များ in stock ရရှိနိုင်ပါသည်။

💬အခုဘဲ Page မှာ message ပို့ပြီး စျေးနှုန်းမေးကြည့်လိုက်ပါ❣️

‼️Page chat box ကနေ စုံစမ်းမေးမြန်းဝယ်ယူနိုင်သလို

🏬ဘုရင့်နောင်လမ်းမကြီးပေါ် ရွာမကွေ့မီးပွိုင့်ထိပ်၊(2)ရပ်ကွက်
လှိုင်မြို့နယ်။
☎️09799895263 ကနေလည်း ဆက်သွယ်ပြီး ဝယ်ယူနိုင်ပါတယ်ရှင်။

Colors

28/12/2025

23/12/2025

20/10/2025

06/10/2025

27/09/2025

21/08/2025

17/08/2025

15/08/2025

10/08/2025

09/08/2025

Address

Telephone

Website

Alerts

Contact The Business

Shortcuts

Share

Category