13/10/2025
بعدما تفاقمت وحد الظاهرة عجيبة وصارت عدوى خاصة💥 عند التجار المبتدئين حبيت نحكي على الموضوع ريما نبهو البعض يتنازلو على هاد النوع من الممارسات
💥 :ما معنى الاحترافية في التجارة او العمل ؟💥
كل مجال عندو مشاكل وعقبات وعثرات😵💫 ولكن ماشي لازم الزبون يسمع بيهم ولا توجعيلو راسو ا
الزبون يحب يقتنع بمنتوجك يحس بصبرك وسماحتك
يعني كي تخرجي قباحتك فمنشور على احد الضروف لي مرت عليك رح تخسري زبائن وتخوفيهم من التعامل معك جدد وتبقى حاشيتك برك تطبلك فاحذري هادي تنقس من احترافيتك 🤨
ظاهرة نشر المحادثات اولا هدا حرام😱 راه من خيانة المجالس ومحرم بشدة ثانيا😉 يصراو سوء تفاهمات فاي مجال رح تتعاملي فيه مع الناس لاعاد كل شجار بينك وبين زبون تنشريها وتبداي تعاطي مكيش رح تفيدي الزبون لي تابعك لهدف وهو تجارتك بالعكس رح تعييه ودخليه فالسوسيال
ظاهرة الروتور كل تجارة فيها ربح وخسارة كيما يكونو ناس تعجبهم كيما كاين لالا لاحبيتي تبداي تجارة لازم تتعلمي الصبر والتوكل علة الله في رزقك ولازم تتعلمي وتتأكدي ان الناس أجناس فيهم المليح والدوني وهنا تجي احترافيتك كتاجرة وكمتيقنة من رزق الله كاين ناس يجيها ضرف وتعتذر كاين ناس دير بلوك نت قبل ما تدخلي فالدومان لازم تجهزي نفسك لهاد المشاكل ماشي كل روتور يحكو عليه فصفحةتجارية هداك الوقت لي تضيعي ابتكري اسلوب تسويق محترف يفيدك افضل 🥹
ظاهرة تقليل الاحترام مع الزبائن والتهديد 😈أيتها التاجرة بما انك قررت تكوني تاجرة لازم تتعاملي كآلة مع الزبون الانفعال والعصبية ميوالموكش وكي يكون الزبون غير مؤدب يكفي عدم الرد لاداعي لتضخيم الامور وخلق بلبلة فمواقع التواصل وكل حدث ديريلو منشور هنا تباني فارغة شغل ومعندكش ثقة في منتجاتك
اخيرا صفحتك التجارية خليها للتجارة حياتك الشخصية متهمش الزبون مشاعرك وهمومك وفرحك متهموش يهمو يلقى عندك وش يحوس بسعر المناسب نت كتاجرة محترفة اعملي على اقناع الزبون بسلعتك❤️🔥 تطوير جانب التسويق وحتى ستورياتك تكون عندها علاقة بالمنتج مدام تابعك الزبون معناه هداك وش يهمو
واخيرا اليقين بأن الله هو الرزاق تكفي لادارة تجارتك👏 بسلاسة دون ضغط ولا مشاكل ولا امراض نفسية
ربي يوفقكم لما يحب ويرضاه
